San Juan 15:5 - Táurinakene máechejiriruwa’i ema Viya tikaijare

⁵ “Nuti nukuti'i eta táenaki'i eta uva. Eti tímikutijirikawa'i nutawa'e'i. Te ímiyanawa iúrujiakanu, ichapemuriyare'i eta ekaemataneasiranuya. Té'esera ákarichu eti, tájina erata'akenéma'i ícha.

Ignaciano

⁵ Nápechava nímicu­ti­chinahe puiti. Núti nucutihi eta táenaquihi. Éti tímicu­ti­ji­ri­cavahi nutavahehi. Te ímiyanava iúrujiacanu, ichape­mu­ri­yarehi eta ecaema­ta­nea­si­ranuya. Téhesera ácarichu éti, tájina erata­haquenémahi ícha.

San Juan 15:5 ပူးပေါင်းရင်းမြစ်များ

San Mateo 13:21

wá'isera nárata'a'ini yátupina'íni, wa'i nakuti'íni eta ewaraki tiúpare, ánipichu eta náe'isira'i, wá'iware túmesamureanaina'ini eta nakatichaira ena achaneana.

San Juan 12:24

Nutupiruwa numetaka'e, te wa'i vikuewaka eta ewaraki te apake'e, wa'i téjapakaima'i. Té'esera véwaka'i, tétavikawaya eta táejapasiraya.

San Juan 15:16

Wa'i étina'ini enerejikanu'ini eta é'isiranu'i, nuti nunerejika'e'i eti, puiti nutuparaka'e, eyanayare ichapemuriyare eta ekaemataneasiranuyare. Eta taka'e ema Tata tíjaraka'eyare tamutu eta eyasearuanayare te níjare.

San Juan 5:19

Ema Jesús máichawakapa: “Nutupiruwa numetaka'e. Nuti Machicha ema Viya, eta nutupara'ana'i maye'e, wáipaine'i nútijirikawaima'i nícha jákani nuwara'akeneana'i. Nuti nímatiekene'a'i tamutu eta máematanerepi'i ema Tikachichanu.

San Juan 9:33

Nuti németeaka te takuija'ini eta wanairukaira'i me Viya ema maena achane, wá'iwa makurata'a'ini maicha eta tiáramikareana máichakeneana'i.

Hechos 4:12

Najina apanaina makuti'ini nakatiucha'avi'ini, taicha ema Viya manerejiru'ichu'i ema Jesús eta makuchukuira'aviyare. Nájina apanaina manerejiruina'i te vimuri viti achaneana eta te juka apake'e.

Romanos 12:5

ene vika'e'i víti, kamuri'avi'i, étanaichu'isera eta viake'e'i eta viúrujiasirakaka'i eta vé'isira'i ema Cristo, vímikatakakaira'i eta vikaemataneasira'i ema.

Romanos 6:22

Puíti iuchurepa taye'e eta tapamisira'e'i eta pekatu, iáwaku'aipa eta ekaemataneasiraya ema Viya. Jé'eware eta iúritaresirayare me Viya, máichekuarakirenapa eta ítaresiraya.

Romanos 7:4

Ene eka'e'i eti nuparapenaveana. Ema Cristo, máepenina'e'i te crusu, makaepa'aipa eta tapamisira'éni'i eta wanairipiana, puiti émapa técha'e'i ema Cristo. Puiti mawanara'eipa ema Cristo, ema máechepurekene'i te máekari. Mawara'a'i ichapeyare'i eta ekaemataneasiraina eta maye'e ema Viya.

1 Corintios 10:16

Étaipa eta juka vérasa'i vimutu viyujaraureasa'i te vinikayare, étaichu'i táikutiara'i eta máitine máepusairu'i te crusu ema Viákenu Jesucristo, étaipa eta pan vinikakeneasa viyuvetu'ejirikaka'i, étaichu'iware táikutiara'i eta maeche ema Viákenu.

1 Corintios 12:12

Eta make'e ema achaneana, apanapanenéji eta táijareana eta viáke'e. Tisimutu'i eta táitupajijiasirawana. Etanaichu'isera eta táuchusi'a'i te viáke'e. Ene Taka'e'i eta vé'isira'i ema Viákenu Jesucristo.

1 Corintios 12:27

Ene eka'e'i eti eta é'isira'i ema Viákenu Jesucristo, eta iúrujisirawa'i maye'e, ekutikaka'i eta táunawana'i eta máke'e.

2 Corintios 13:8

Taicha nuti nutupiruwa'i nicha eta táurikeneana yátupikeneana. Wá'ikene nísapawaima'i nu'apapika eta yátupikeneana. Waipa ekukamesa eta nápepejirika'e numetaka'e.

2 Corintios 9:10

Ema Viya, éma'i ema tinakika'i eta ewarakiana, ema, makaejapaka'iware eta tinikakare, étapa viáchanechiawayare'i, ene maka'eya eye'e eti, tíjaraka'epa eta enakisirawaya, tímikutijirikawa'i eta táejapasira eta ewaraki, ema, tikajurukayarewa eta enakiru'i apaesa kamurianaina ena ekatajiruanayare.

Gálatas 5:22

Emasera ema Machanewa Viya eta maematane, tíjaraka'avi'i eta vémunaraiwaya, viúrisamurerekawayare, tinarakainapa eta vipanereruana máicha, tíjaraka'avi eta vikamichiraya, vijapanura'iya máicha, vikajiraiwayarewa máicha, vétaviuchaya eta viúriwayare,

Efesios 5:9

tási'a ímerekayare eta emíkauchirayare ena apamuriana achaneana, étapa eta tapachinawa'i eta ítaresira, étapa eta yátupira'i eta é'isira'i ema Viya.

Filipenses 1:11

nuwara'aware iápajusirawaina'ini eta íchakeneana táurikeneana eta ekaemataneasira'i ema Viákenu Jesucristo. Tási'a, tétavikawayare'i eta nakunachirayare'i ema Viya ena achaneana eta náimaira'e'i eti.

Filipenses 4:13

Nurata'a'i nukamicha tamutu, taicha ema Cristo ema tétumechanu'i.

Filipenses 4:17

Wá'isera étaina'ini jákani nuwaraira'ini iápechawa'ini ímiamareka eta nuye'e eta enakiruwana, nuwara'a'i níminekapaekene'a'e, eta ímikataraiwa'i te juka apake'e, puiti te anuma ánaki táurujisiawa'i eta enakiruwana te mamira'u ema Viya.

Colosenses 1:10

Víti viyaseaka'i ema Viya takuija'ini etapirawaina te mamira'u taicha eti machanera'e'i ema, ítaucha'ini tamutu eta ekaurisamurechirayare ema, táuri'ini eta ekaemataneasira'i, támutu'ini ítapara'a eta táurikeneana, iápajukawapáipa'iwaréni eta ímatirayare ema.

Colosenses 1:6

etupiruwa'i esuapa eta ímitukasiwa'i, te esamainapa eta máemunasira'e'i eti apanawa ema Viya. Étaichu'i eta juka naímiturapi'i naye'e ena apamuriana achaneana tikawasana'i te apanana awasareana.

Santiago 1:17

tamutu eta juka vima'akeneana'i taurikeneana'i, tamutu tiasi'a'i te anuke'e anuma, ema Viya tepiyaka'i eta tiavi'ana te anuma. Ema Viya émaparasaichu'i: eta maye'e tajina titsiwachawaima'i tamutu'i tikaechera taicha eta majaraiwa.

1 Pedro 2:4

Yátupina eta ekasiñawaira me Viákenu, taicha tétavikawa'i eta makasiñakarewa'i, makuti eta mari máepenakaka'i ema, náepurukene'i ena achaneana, manerejiru'isera ema Viya taicha tétavikawa'i eta makunachakarewa'i maye'e.

2 Pedro 3:18

Tajurukapaichuchaini eta ímatiraina, eta máemunasira'e'i ema tikatiucha'avi'i ema Viákenu Jesucristo. Tétavikawa'ini eta vijirauchira, te vinarasirana, te véjamisirana ¡vímiyanawayare! ¡Amén!