San Juan 14:27 - Táurinakene máechejiriruwa’i ema Viya tikaijare

²⁷ “Nunakika eta iúriwaya. Nijaraka'e nuti eta iúriwaya, wá'isera nákutinu'ini ena apamuriana achaneana eta nujunijisira'eya. Wa'i ekuwayuchawa eta éñamawairaina. Wá'iware ekupika.

Ignaciano

²⁷ Puiti nucame­tavaya eta eyehe. Nuvara­hasera tacuijahini íchira­vai­nahini, ecana­ra­siraina eta epane­reruana. Núti vahi nácuti­nuhini ena apamuriana achaneana eta nujuni­ji­si­raheya. Vahi ecuva­yuchava eta éñama­vairaina. Váhivare ecupica.

San Juan 14:27 ပူးပေါင်းရင်းမြစ်များ

San Mateo 10:26

“Wá'isera ekupikawaka ena achaneana. Taicha tajina tiyumurukawaima'i eta naeñaureana, tamutuyare'i téchakareya, tájinaware tépakuchaima'i jákani nayumurureana, tamutuyare'i téchakareya.

San Lucas 1:79

ema maijaraka'i eta majaraiwa ena tiavi'ana'i te ichapekene mapiku'ana, tási'a timecha'aviya eta tauriwaya eta vipaisira te taurikakarekene achene.”

San Lucas 10:5

Te jákani peti ítekapi'ayare, eka'eyare eta échejisirayare ena achaneana: ‘Ema Viya, tiúricha'eyare eti te juka peti.’

San Lucas 12:4

“Étipa eti némunakasareana, numetaka'e: Wa'i ekupika nákani nakapakapuka eta iáke'e, takarichusera náituruekene'ayare.

San Lucas 2:14

“¡Tétávika vikunachira'i ema Viya vimutu viti viávi'ana'i te anuma! ¡Jé'eware puiti, tiúrikawanainapa ena achaneana te juka apake'e, ena manerejiruana'i makatajiruana'i ema Viya!”

San Juan 14:1

“Wa'i ekueñamawa eti. Ákasiñawa eta me Viya, éneichuware ákasiñawaware eta nuye'e.

San Juan 16:33

Numetaka'eware tamutu eta juka apaesa etupiaka eta iuriwaina nuye'e apaesa takuija ekuichirawaina. Tayanapane ekatajiwayare muraka te juka apake'e, étumechawasera eta nuye'e, taicha nuti máijararunu'i ema Tata eta nukapakemuri'airayare namutu ena nánarana'i.

San Juan 20:19

Étaichu te jena sachekene'i luminkukene, te yátipa, tiúrujikawana'i ena máimitureana ema Jesús te taju'e eta peti, térataekene'awana'i taicha eta napisira'i ena tuparairukana juriyuana. Tiáramikarepa titupi'a'i ema Jesús te namuri, maéchejikapa ánipa maka'e'i: –¡Ícharakawa, eti nuchichanaveana!

San Juan 20:21

Tási'a, máicha'avipa: –¡Icharakawa eti! Takuti'i eta mawanesiranu'i ema Tata núkupaikayare te juka apake'e, nímituka'eyare'i eti. Puiti nuwaneka'eyare nuti ímitukawakayare'i ena achaneana, apaesa náe'ikanu'ini ena apanawa.

San Juan 20:26

Te uchupa sache eta táetavisirawa'i, tiúrujikawanaipaware te viúrujisirarewa. Matiari'ipa'i ema Tomás te namuri. Tási'a, tiáramikarewarepa tímerekawa'i ema Jesús. Titupi'a'i te namuri. Maechejikawarepa. –¡Ícharakawa, nuchichanaveana!

Hechos 10:36

Taicha ema Viya makaitekapa'i eta máechejiriruwa viye'e viti israelítana. Vimetakawakayare nákani tikasiñawana'i maye'e ema Jesucristo. Émara Viákenu vimutu.

Hechos 18:9

Jena yati, ema Pablo kaimairurujipa, máechejikapa ema Viya, ánipa maicha'i: “Wa'i pikupika, pímiyanawachucha pikametarairu wa'i pikumatina.

Romanos 1:7

Emutu eti ekawasana te Roma, maemunarukene ema Viya manerejiru'ekene'i machaneranayare'i santuana: Nu'asulupayacha ema Tata vikaiyakene eta iuriwaina eta itaresira te maijare ema Viakenu Jesucristo.

Romanos 15:13

Ema Viya, tétavikawa'i eta makunekarewa'i, tikasiñakare'iware. Máijaraka'eni eti eta tawayuchiraina eta iúrisamurewaina, tawayuchirainaware eta ekasiñaira maye'e, apaesa tanarakaini tamutu eta epanereruana. Eta máwa'asira'e'i ema Machanewa Viya.

Romanos 5:1

Puíti'ipa vijakapakareipa me Viya, táichavene'i eta vikasiñawaira'i eta maye'e. Waipa vipikakarakawa'ini eta víkuñayare'ini, taicha ema vímikuñaru'i ema Viákenu Jesucristo.

Romanos 5:10

Eta máepenira'i ema Machicha, puiti ema Viya tíchu'a'avi'i vipauchayare ema, tájina vipika'ini eta viáwa'asiraipa ema, tási'a puiti, eta vikasiñawaira'i eta maye'e, waipa véñamawa'ini, taicha taimikaecheracha'i eta mauriwa'i viye'e ema Viya.

Romanos 8:6

Nákani napanerecha'i eta tawara'akeneana eta náke'e, támaparauchaipa eta nasiapiraya te ekuñaraki. Vítisera vipanerechana'i eta mawara'akeneana'i ema Machanewa ema Viya, viti vítarekayare. Viúrinapa maye'e ema Viya.

1 Corintios 1:3

Nuwara'a makatajika'e'ini ichape ema Tata Vikaiyakene, émapa ema Viákenu Jesucristo; náijaraka'e'ini táuriwaina eta epanereruana.

Gálatas 1:3

Nuwara'a makatajika'e'ini ichape ema Tata Vikaiyakene, émapa ema Viákenu Jesucristo, náijaraka'e'ini eta táuriwaina eta epanereruana.

Gálatas 5:22

Emasera ema Machanewa Viya eta maematane, tíjaraka'avi'i eta vémunaraiwaya, viúrisamurerekawayare, tinarakainapa eta vipanereruana máicha, tíjaraka'avi eta vikamichiraya, vijapanura'iya máicha, vikajiraiwayarewa máicha, vétaviuchaya eta viúriwayare,

Gálatas 6:16

Eti, te esuapa eta juka nímiturapiana'i eye'e, nuwara'a máijaraka'e eta iuriwaina ema Viya, máijaraka'e'ini táuriwaina eta epanereruana taicha eti yátupikene'i machanera'e'i ema Viya.

Filipenses 4:7

Jé'esare, ema Viya makaepa'ayare eta jákani ekatisamurewana eta juka máijarasira'eyare'i táuriwayare eta esamureana étapa eta epanereruana, táichavene eta iúrujiasira'i ema Jesucristo. Eta makurisamurechira'avi'i ema Viya, tétavikawa'i eta takachuriasira'i eta nakurisamurechira nákani achaneana.

Colosenses 1:2

Puiti nukajure'e eta juka ajumeruka eye'e eti nuchamuriana ekawasana'i taye'e eta awasare Colosas, taicha eti machanera'eipa ema Viya, tiúri'i eta é'isira'i ema Jesucristo.

Colosenses 1:20

Eta mapanereru'i ema Viya eta mawanesira'i ema Machicha te juka apake'e, tépenayare te crusu, taicha máetupirikayare'i tamutu eta juka apake'e pekatupaire, étapa tamutu eta anuma. Tichawayare'i tiuri tamutu.

Colosenses 3:15

Ísapawaware maye'e ema Cristo makanaraka'e tamutu eta epanereruana, taicha taka'e'i eta máichuira'e'i, mawara'a'i etanayaréichu'i eta epanereruana eta iúrujiasirakaka'i. E'asulupayacha'iwaréni tamutu sácheana.

2 Tesalonicenses 1:2

Nuwara'a makatajika'e'ini ema Tata Vikaiyakene, émapa ema Viákenu Jesucristo; náijaraka'e'ini eta táuriwaina eta epanereruana.

2 Tesalonicenses 3:16

Ema Tata Viakenu, ema tiúricha'avira'i, máimiyanawa'ini máijaraka'eni eta iúriwaya tamutu jukana sácheana te epanereruana, taicha mawara'a'i eta iúriwaya. Ámutu'ini máwa'aka'e'ini.

2 Timoteo 1:7

Taicha ema Machanewa ema Viya, tíjaraka'avi'i eta vitumesamurewana, eta vikatupara'aira'i. Ema tímituka'avi'i eta vémunaraiwaya. Tíjaraka'aviware eta vikaratasirawayare yátupi eta vítaresira.

Hebreo 13:20

Ema Viya, tétavikawa'i eta mauriwa''i, tétavikawa'iware eta máitupajijiasirawa taicha makaechepuka'i ema Viákenu Jesucristo te máekari, émayare'i yátupikene'i Pastuleruyare'i, tijaneara'i viye'e viti machichanaveana. Tisipa'aka'avipa eta te máitine, apaesa máitawakakayare'i eta vikachanerayare ema,

Hebreo 7:2

taka'e, ema Abraham títsirijikawapa. Máijarakapa ema Melquisedec eta diésmuri'i eta maiturewa'i naye'e ena mánarana. Eta takayemakene'i eta maijare ema Melquisedec, te vechejiriruwa “Ema Rey máurikene'i”, akenuka'iware ema te awasare tikaijare Salem, te vechejiriruwa taka'e'i “rey táuriwa tamutu eta máwasa.”

Apocalipsis 1:4

Nuti Juan nukajure'e eti siétemuriana nuchamuriana'i éjanereruana'i taye'e eta tinapaika te Asia. Nuwara'a makatajika'e'ini ichape ema Tata Vikaiyakene, émapa ema Jesucristo. Táuri'iwareni eta epanereruana. Te tamira'u eta máejasi'a'i trono, natiari'i ena siétekeneana maye'eana arcángeleana,

Apocalipsis 2:10

Wa'i ekupika eta ekatajiwairaya, numetaka'e, ema wínaraji tímisiapa'eya te cárcel eta máitsamaresira'eya te tíminajika'eyarepuka, ekamichachuchasera, taicha diez sache eta ekatajiwairayare, nutuparaka'echa. Ejikapaikayare tayanapanepuka nakapaka'e nuti níjaraka'eyare eta táitsiwayare, tiúriyare eta ítaresiraya.

Apocalipsis 21:8

Tikaikuñanayaresera namutu ena tipiturijiana, ena masuapajiraira'ana, ena máeperajiana, ena tikapa'iana, ena tú'usiana, ena iápemareana, ena tikasiñarajiana eta achanemirana, énapa ena tépiya'ira'iana, tikakijianayare namutu ena taye'e eta náikuchi táijurekene táetiraraisina yuku, máitawakaka eta tamuruira, wá'ikene tiúchukanaima'i taye'e.”