San Juan 14:26 - Táurinakene máechejiriruwa’i ema Viya tikaijare

²⁶ émasera ema katiura'i Machanewa Viya, mawaneruyare ema Tata te níjare nuti, ema tímikataka'eyare, tikurisamurecha'eyarewa. Éneichu tímituka'eyare, témecha'eyare tamutu eta juka numetarapiana eye'e.

Ignaciano

²⁶ Émasera ema Espíritu Santo mavane­ruyare ema Tata níchavenénahi núti, ema tímica­ta­ca­heyare, ticuri­sa­mu­re­cha­he­yareva. Énerichu tímitu­ca­heyare, témecha­heyare tamutu eta juca numeta­rapiana eyehe.

San Juan 14:26 ပူးပေါင်းရင်းမြစ်များ

San Mateo 1:18

Eta máepaninewa ema Viakenu Jesucristo, ani taka'e'i: Esu María esu maena, sukaejakaipa'i eta suechejiriruwa eta suítauchirayare'i ema José, wícha'asera nakachanekaka'ini, tikajaripa'isera esu, máwajuechira'i ema Machanewa Viya.

San Mateo 1:20

Mapanerechaipa'i eta maichiraya'i, taka'e tiúkupaikapa ema ángele mametapana'i te mawapure ema José. Ánipa máicha: “José, mamariekene ema David, tímitekanu'i numetapanavi, wa'i pikupika eta pítauchira esu María, taicha tikajaripa'i esu, máwajuechira'i ema Machanewa Viya.

San Mateo 28:19

Eyanayare puiti, epaikayare tamutu eta awasareana. Tási'a ímitukayare ena achaneana, nuchaneranaina ena apanaware, íkachasikawakaya te máijare ema Tata, ema Machicha, tási'a émapa ema Machanewa Viya,

San Mateo 3:11

Yátupi nuti, níkachasika'e'i te une, apaesa éñauchawa maye'e ema Viya, marajapainapasera ema tíkachasika'eyare, ema Machanewa Viya. Ema tiápajupanawa'i nuye'e nuti, wáipaine'i nákutinasima'i eta máitupaijiasirawa'i. Wáipaine'iware nákaemuñawaima'i nuvejuchupewacha eta maeparupewa.

Marcos 12:36

Yátupi émara ema Machanewa Viya tíjaraka'i eta maitukakene ema David, maka'epa: ‘Ema Tata Viákenu máichapa ema Tata Nákenu: Yare péjaka te nuwaure, eta pikuchapi'ayare eta nukaepuyusiraya te pimira'u ena tikatianakaviana'i nunakayare te tapeku te piwape.’

Marcos 13:11

Tasi'a wa'i ekueñamawa eta échejiuchirawayare, ekatiuchirawayare, taicha te taitekapapa eta uraya, máima'a'einepa ema Viya tíjaraka'eyare eta ítusirayare échejika, wa'iware étijiwaima'i eta échejika, émayare'i ema Machanewa Viya.

San Lucas 1:15

Ema pichichayare, ichapeyare eta makunachakarewayare maye'e ema Viya. Wa'i písapaima'i tera eta vino, étaipa eta apamuriana térakareana murakakeneana. Taicha ema, eta máuchusirayare, máwa'áruyarepa'i ema Machanewa Viya.

San Lucas 1:35

Émasera ema ángele máichawarepa: –Pikachichayare taicha eta máitupajijiasirawa'i ema Viya. Timikáuchaviyare eta majaraiwa, tási'a, tisiapa'akavinapa ema Machanewa Viya. Eta taka'e, ema amuya pínaruyare, santuyare ema, taicha machichayare'i ema Viya. Náimatiyare namutu eta machichaira'i ema Viya.

San Lucas 1:41

Te susamapa esu lsabel eta sua'u esu María suéchejisira'i, tiyamurikaine'i eta amuya te suju'e esu lsabel, énewanepa máwa'aka'i esu ema Machanewa Viya.

San Lucas 1:67

Ema Zacarías, maiya ema amuya, makunachaipa ema Viya, taicha máwa'akaipa ema Machanewa Viya, tási'a tikametarairupa. Ánipa maka'e'i:

San Lucas 11:13

Etiripa murakasamure'e'ineni, ituka'i ijaraka ena echichanaveana eta jakani tiurinana nayasearapiana'i, ¡mavetijicha ema Tata tiávi'a'i te anuma tíjaraka'eyare'i ema Machanewa Viya, tamutu eta táurikeneana eyasearuanayare'i!”

San Lucas 2:25

Matiari'i'i te Jerusalén ema achane tikaijare Simeón, tétavikawa'i eta máuriwa, tipikaura'i ema. Émaichu máwa'aru'i ema Machanewa Viya.

San Lucas 24:49

Tási'a nuti nuwanekayare eye'e eti eta maikure'e'i ema Nukaiyakene. Étisera enasiyare eta ani, ánaki te awasare Jerusalén, tiamainukawa te ejachapapa eta maitupajijiasirawa ema tiasi'aya te anuma.

San Lucas 3:22

Taka'e, nasamapa eta ma'u ema Viya tási'akene'i te anuma. Ani maka'e'i: –Pítira nuchicha némunarukene, núrisamurecha piye'e.

San Juan 1:33

Nuti wicha'aware nimati'ini nája'a'ipuka ema, tási'asera ema tiwanekanu'i nikachasirika te une, maichanupa: ‘Te píma'a ema Machanewa Viya máukupaucha te mápusi mákani achane, pímatiya eta émaira'i ema Nuchicha.’

San Juan 12:16

Eta tetaepaninewa, wa'i nakaikutiara'ini ena máimitureana tamutu etajuka, tasi'asera te taekenepa eta maechepusira'i ema Jesús, tapaenumawapa napanerecha eta takayemakene tamutu'i tikaju'i etajuka maichakeneana'i ema.

San Juan 14:16

Tási'a, nuti nuyaseakainapa ema Tata máewataka ema Machanewa Viya. Ema tímikataka'eyare, wa'i tínajiaka'ema'i.

San Juan 14:25

“Nukamapurawa numetaka'e puiti, taicha ánipine eta juka nuka'eyare eta eye'e,

San Juan 15:26

“Étasera, te maitekapapa ema katiura'iya, ema nuwaneruyare mási'akeneyare me Tata, nuyaseakaya mawaneka ema Machanewa, ema te máitekapapa, tímereucha'eyare eta yátupikeneana, tímereuchanuyarewa nuti eta eye'e.

San Juan 16:7

Nutupiruwasera numetaka'e: tatuparaka'i eta nuyaniraya nuchawa, taicha te wa'i nukuyana, wa'i títekaima'i ema Tikatiucha'eya, ema tiúricha'eyare, tímikataka'eyare, tikurisamurecha'eyarewa.

San Juan 2:22

Eta taka'e, te táekenepa eta máechepusirapa ema Jesús te máekari, naéchawaka'i ena máimitureana eta juka mametarapi'i. Eta taka'e, nasuapaine'i eta táechejisi'aira'i eta Takapika'ukene Ajureka, eta maye'e.

San Juan 20:22

Tási'a, machajuákawakapa ena, tási'a, máichawakapa: –Ejákapa ema Machanewa Viya.

San Juan 6:45

Taicha taka'e'i eta nájure'i ena profetanaini, ani taka'e'i: ‘Náimitukasiwayareichu'i me Viya namutu ena achaneana’ Taka'e, namutu ena tisamana ema Tata tási'a tikarawauana'i maye'e, énara tipauchanuanayare nuti.

San Juan 7:39

Eta juka makayemakeneana'i ema Jesús, máimikaecheracha'i eta masiapa'asirawakayare'i ema Machanewa Viya te nasamureana nákani tisuapanayare'i ema. Wícha'asera táitauchawa'ini, taicha wícha'a machawa'ini mápana'ini te máwasa te anuma.

Hechos 1:2

tási'a narari'i'i ena manerejiruana apústuleana. Émaipa ema Machanewa Viya, máimikataka'i eta matúparasirawaka'i ena, nájuchawarepa eta mayapira'i te anuma.

Hechos 1:4

Makáchanewakaicha'a'i ena apústuleana ema Jesús, mametakawakapa, eta wa'i nakújunika'ini eta Jerusalén. Máichawakapa: –Ekuchapayare eta táitauchirawayare eta máijararuwa'i ema Vikaiyakene. Étaipa eta juka numetarapiana'i.

Hechos 1:8

té'esera te maitekapapa ema Machanewa Viya, tiáwa'aka'eyare tímikataka'eyare. Taka'e, échejisianuinapa nuti, tamutuyare te awasareana eta epaisi'ayare te Jerusalén, te Judea, te Samaria, étapa te jákani tayere'ikeneana awasareana taye'e te juka apake'e.

Hechos 11:16

Taka'e, néchapa eta makayemakene'i ema Viákenu, ani maka'e'i: ‘Échawaichu, ema Juan máikachasika'i te une ena achaneana. Étisera tíkachasika'eyare ema Machanewa Viya.’

Hechos 13:2

eta jena sache, tiyujarakana'i, maye'e ema Viya, náicha'iware eta ayuna. Taka'e, máechejikawakapa ema Machanewa ema Viya. Máichapa: “Ema Bernabé émapa ema Saulo, natupara'aichu'i tikametarairuanaya taicha nunerejiruana'i ena.”

Hechos 13:4

Ema Bernabé ema Saulo, mawaneruana'i ema Machanewa ema Viya, tiyananapa te Seleucia. Taka'e, tiánuekanainapa, nakaiju'eya eta tiúrupu'i tikaijare Chipre.

Hechos 15:28

Ani te juka víti, vikutikaka'i eta vipanereruana'i, máimitusira'avi'i ema Machanewa Viya, wa'i wáwara'a'ini takajeraekene'ini eta é'isirayare ema Viákenu, wa'iware vipamika'ema'i icha eta apana wanairipiana.

Hechos 15:8

Ema Viya máimati'i eta nasamureana ena apawasana eta nasuapira'i, tási'a, máimereka'i eta majakapirawaka'i eta máwa'asirawaka'i ema Machanewa ema Viya takuti'i eta máwa'asira'avi'i víti.

Hechos 16:6

Tiuri, ema Machanewa ema Viya mametaka'i wa'i nakuyana eta te tinapaika'i eta awasareana te Asia. Tási'a, náetavikapa eta awasarechichana táunawana'i eta Frigia etapa eta Galacia,

Hechos 2:33

Taka'e, ema Maiya makayapapa te anuma ema Machicha, makaejakapa te mawaure. Taka'e, máijarakapa eta Machanewa ema Viya, ema máitsiwayare'i, taicha ema matupara'aichu'i. Étara eta juka puiti, esamakene'i eta máukupaisira'i eta Machanewa ema Viya te vitaraku.

Hechos 2:4

Tási'a ena, máwa'akawakapaipa ema Machanewa Viya, tiáramikareanapa apaechejiriruwawakapa, taicha eta máwa'asirawakaipa'i ema.

Hechos 20:28

Tiuri puiti, ejaneakawayare eti, éneichuware ejaneakayare ena iúmuriwana, taicha etupara'aipa maye'e ema Machanewa Viya eta ejaneasirayare ena manerejiruana'i ema Viákenu, énavene'i tépena'i ema, máepusaika'i eta máitine.

Hechos 20:35

Tamutu nímituka'e'i taka'eyare eta vikáemataneraya, vímikatasirayarewa ena tikamunuwana, nakajumakeneana. Véchawayare tatiwa eta máechejiriruwa'i ema Viákenu Jesús: ‘Viúripanaya me Viya, te vikajirika eta víma'akeneana naye'e ena apamuriana, wa'i vikujamuracha náijarakasicha'avi.’ ”

Hechos 28:25

Ena, wa'i náwara'apa'ini nasama, timutsera'awanapaipa tiyanana. Taka'e, ema Pablo máichawakapa: –Tiuri'i eta maechejisira'i ema Machanewa Viya, maichakene'i ema profeta Isaías naye'e ena viáchukanaveanaini te maichawakapa:

Hechos 5:3

Ema Pedro máichapa: –Ananías, ¿tája'a takayema písapawa'i tikaetemavi ema Wínaraji? Pipanerechaipa piwayuarakayare ema Machanewa ema Viya, eta piyumurusira'i eta tawacha'i eta piye'e apake'e.

Hechos 7:51

“Puíti'ipa eti –Timiyanawapa, maka'e ema Esteban –enanakana maepiyaichu'i maiturereana, makiñasi'e, murakasamure'eware ekuti ema kapekaturara'iana. Epiyaichu eta emasuapira'i ema Machanewa Viya. Eti, eta epanereruana takuti eta napanereruana ena iáchukanaveanaini eta nawinarajiwana.

Hechos 7:55

Émasera ema Esteban wa'i mapikarakawaka'ini taicha máwa'aru'i ema Machanewa Viya, máesenikapa te anuma, máima'aine eta majaraiwa ema Viya, émapa ema Jesús titupi'a'i te waure tinapaika'i eta majaraiwa ema Viya.

Romanos 14:17

Taicha eta Mawasa akenuka ema Viya, wa'i étaparakaina jákani vinikakenerepiana, vérakeneana. Étaipa eta tikunachakare'i maye'e, eta víchirapaipa eta táurikeneana. Mawara'a'iware vítukawa'ini eta vikurujisirakaka'i, apaesa táimiyanawa'ini eta viúrisamurewa vimutu maicha ema Machanewa Viya.

Romanos 15:13

Ema Viya, tétavikawa'i eta makunekarewa'i, tikasiñakare'iware. Máijaraka'eni eti eta tawayuchiraina eta iúrisamurewaina, tawayuchirainaware eta ekasiñaira maye'e, apaesa tanarakaini tamutu eta epanereruana. Eta máwa'asira'e'i ema Machanewa Viya.

Romanos 15:16

Ema, tituparakanu'i eta nuyanirayare nupaipika te tamutu awasareana, nukametarairuiraya naye'e namutu ena achaneana eta najakapakareipa'i me Viya eta nakasiñawaira'i eta maye'e. Tituparakanu'iware eta nujaneasira'eyare emutu eti esuapana'i ema. Tási'a, nuwara'a nuti nímereka'eya te mamira'u ema Viya te jena sache tikutiyare'i námawa'u'e. Ema tiúrisamurenapa eta majakapira'eya, taicha máepachiaru'eipa'i ema Machanewa Viya.

Romanos 5:5

Tájina tímipanerereka'avima'i taicha yátupiyare'i eta vijakapirayare eta víkuchi'i. Vikasiñawa'i maye'e ema Viya taicha tímimaticha'avipa te visamureana eta máemunasira'avi'i máichavene'i ema Machanewa ema Viya.

1 Corintios 12:3

Eta taka'e puiti némecha'eyare eta juka naye'e nákani wa'i máwa'aruanaima'i ema Machanewa Viya. Te naka'epuka: “Másajitatajipukaini ema iákenu eti”, te naka'epuka eta juka, ímatiwakaya ena. Taicha ena máwa'aruana'i ema Machanewa Viya, nakarichu ena tatuparaka'i náimatiyare eta akenukaira'i ema Jesús. Énasera ena wa'i máwa'aruanaina'ini ema Machanewa Viya, wa'i tatuparaka'ini náka'epukaini: “Ema Jesús émara Viya Viákenu'i.”

1 Corintios 6:19

¿Échaichu'iware eti eta máwa'asira'eipa ema Machanewa Viya eta te iáke'eana, taicha mawaneruichu'i ema Viya eta máwa'asira'eyare'i ema Machanewa Viya? Waipa étina'ini echa eta iáke'eana.

2 Corintios 6:6

Kapacha eti ímati'avi'i yátupi'i eta táuriwa'i eta vítaresira. Ímati'iware eta vikaimitukasi'i maye'e ema Machanewa Viya. Yátupikene'i eta némunaraiwa'i,

Efesios 1:13

Takutikene eti, te tínapukainapa esama eta máechejiriruwa ema Viya, asulupaya ema viákenu Jesucristo, eta taka'e machanera'avipa ema Viya, tási'a, vijachapapa ema Machanewa Viya ema maikure'avi'i.

Efesios 1:17

Ema, makaiyakene'i ema Viákenu Jesucristo, máetaviure'i eta majaraiwa te mávi'a'i te anuma, nuyaseaka'i máijaraka'e'ini eta échemaraiwaina'ini maicha ema Machanewa Viya, apaesa ímatiekene'a'ini yátupina eta emétakasiwanaya eta mapanereruana'i ema Viya, nuwara'a ímatipaipaichaini ema.

Efesios 4:30

Wa'i ekuisapawa ícha jákani tamaurikeneana, machu ímipanerereka ema Machanewa Viya. Eta máwa'asira'e'i tímikutijirikawaipa'i eta manasira'ini eta maikutiara eta eye'e, taicha ímatikareipa'i, te taítekapapa jena sácheyare viúchukuirayare.

1 Tesalonicenses 4:8

Taka'e, ema mákani tépuru'i eta juka vímiturapiana'i, máepuru'iware ema Viya; taicha mawanairipiana'i eta juka, vimetakasiwa'i víti maye'e ema Machanewa Viya.

2 Timoteo 1:14

Piúnakaicha yátupina eta juka máechejiriruwana ema Viákenu, te natiari'ipuka náwara'a na'apapika eta vímiturapiana, wa'i pikuisapawa, máima'avinesera ema Machanewa Viya, ema tiáwa'aka'avi'i, ema tímikatakaviyare.

Tito 3:5

Viti tajina'ineni vicha'ini eta taurikeneana, emasera eta majapanuira'avi'i tikatuicha'avipa tijaraka'avipa eta arairu vitaresirarayare'i, maye'e ema Machanewa Viya.

Hebreo 10:15

Ema Machanewa Viya, etaichu'iware takuti'i eta máechejiriruwa'i, títametaka'avi'i.

Hebreo 2:4

Énerichuware, ema Viya máimerekapa'i eta tiáramikareana, máikutiarana'i eta émaira'i wanairuka, mawaraira'i tisuapakareyare'i eta nametarapiana, énerichuware puiti ema Machanewa Viya, ema tíjaraka'avi'i eta vítukakenepachuyare apaesa vítauchayare'i eta vématanerepipachu'i víjara'i máicha.

Hebreo 3:7

Eta taka'e, nuwara'a ejaneakawa, ema Machanewa Viya, ani maka'e'i eta máechejiriruwa'i taye'e eta Takapika'ukene Ajureka: “Puiti te esamapuka eti, eta maechejiriruwa ema Viya

Hebreo 9:8

Émasera ema Machanewa Viya mawara'a vímatiekene'aya eta juka, eta cortina, eta tiávimiraucha'i eta Lugar Santísimo, wa'i táisapa'ini tisiapana ena achaneana, puítisera vísapakare'i víti eta vítekapauchaya ema Viya.

1 Pedro 1:12

Émasera ema Viya, mametakawakapa wa'i náima'aima'i ema Cristo te vikametarairupa maye'e ema. Ema Machanewa Viya masi'akene'i te anuma títametaka'e'i te esamureana. ¡Tétavikawayare eta viúrikakarewayare víti, te viúchuku'apa! Énaipa ena ángeleana, ichape nawara'a'i náimati'ini tája'apuka táichararakawayare eta viúrikakarewayare.

2 Pedro 1:21

taicha ena víyara'anaini profetana, wá'iware nave'akenena'ini te nachutiana eta nájuekene'aira'i eta máechejiriruwana ema Viya, ema Machanewa Viya éma'i tímitukawaka'i eta nájuekene'aira'i.

1 Juan 2:20

Ema Viákenu Jesucristo tíjaraka'eipa eti ema Machanewa Viya, tási'a, emutuipa'i ímati eta yátupikeneana.

1 Juan 2:27

Eti, máwa'aru'eipa ema Machanewa Viya, mawaneru'i ema Jesucristo. Tási'a, nájina apanaina ákamunu'ini náimituka'e'ini, taicha tímituka'e'i tamutu ema Machanewa Viya. Ema, yátupikene'i eta máechejiriruwa. Ánasichu iáwa'aka'i ema Jesucristo.

1 Juan 5:7

Mapanana ena titametaka'aviana:

San Judas 1:20

Étisera némunarukeneana nuparapenaveana, étumechakakaya eta esuapiraina eta é'isira'i ema Viákenu. Ísapawayarewa tímituka'e ema Machanewa Viya eta eyujarasirana.

Apocalipsis 2:11

¡Ema samara'i masamayare ema Machanewa Viya eta makayemakene'i taye'e ena pichamuriana! Nakaini tita'arekanayare wa'i tikatajiwaima'i taye'e eta taiñema'ikeneana, étapa eta tapechirawayare eta naepenira.’