San Juan 14:24 - Táurinakene máechejiriruwa’i ema Viya tikaijare

²⁴ Nákanisera wa'i témunakanuanaima'i, wá'iware nasuapaima'i eta nuwanairipiana. Eta juka nuwanairipiana esamakeneana'i puiti, wa'i tási'akenena'ini te nuchuti. Tási'akene'i me Tata, ema tiwanekanu'i.

Ignaciano

²⁴ Nácanisera vahi témuna­ca­nua­naimahi, váhivare nasuapaimahi eta nuvanai­ripiana. Eta juca esama­que­neanahi puiti, vahi tásiha­que­ne­nahini te nuchuti. Tásiha­quenehi me Tata, ema tivane­canuhi.

San Juan 14:24 ပူးပေါင်းရင်းမြစ်များ

San Mateo 19:21

Ema Jesús májikapapa: –Te piwara'apuka pítaucha tamutu, piyana, píjararekaya tamutu eta píma'akeneana, tási'a píjarakawakapa ena páureana. Jé'eware eta pijakapayare eta píma'akeneyare te anuma. Tási'a pitekapa pé'ikanu.

San Juan 14:10

¿Wá'ipuka pisuapanu'i eta máwa'asiranu'i ema Tata, tási'a, étapa eta náwa'asira'iware nuti apanawa? Eta juka nukayemakeneana'i, wa'i nutijirikawaina'ini. Étara eta máwa'asiranu'i ema Tata, títauchawa'i eta mawara'akeneana'i.

San Juan 14:15

“Eta esuapiranu'i tímereucha'eya eta yátupira'i eta émunasiranu'i.

San Juan 14:25

“Nukamapurawa numetaka'e puiti, taicha ánipine eta juka nuka'eyare eta eye'e,

San Juan 3:11

Tatupiruwa numetakavi, taicha viti vechejisi'a'i eta vimatikene'i, tási'a viti'ichu'iware vitametaka'i eta vima'akene'i, etisera wa'i esuapa'ini eta vimetasira'e'i.

San Juan 3:34

taicha ema, wanairuka'i me Viya, máechejisi'ayare'i eta máechejiriruwana ema Viya. Énerichuware tétavikawa'i eta máimikatasira'i ema Machanewa Viya taicha máwa'aka'i ema.

San Juan 5:19

Ema Jesús máichawakapa: “Nutupiruwa numetaka'e. Nuti Machicha ema Viya, eta nutupara'ana'i maye'e, wáipaine'i nútijirikawaima'i nícha jákani nuwara'akeneana'i. Nuti nímatiekene'a'i tamutu eta máematanerepi'i ema Tikachichanu.

San Juan 5:38

eti wa'i esuapanu'ini nuti mawaneru'i ema. Eta tímereucha'e'i eta wá'iware iúnaka'ini eta máechejiriruwana te esamureana.

San Juan 7:16

Ema Jesús máichawakapa: –Wa'i nútijiriruwaina nuve'a'ini te nuchuti eta juka nímiturapiana'i. Ema Tata tiwanekanu'i, éma'i tituparakanu'i eta nímitusiraya eta máimiturapiana.

San Juan 7:28

Te masamapa eta juka ema Jesús, máimatine'i eta napanereruana. Tási'a, murakapanapa eta máechejisira'i te templo eta máimituresira'i: –¡Eti ímijachawa ímatinu'i, etapa eta núchusine'i! ¡Wá'isera ímati eta tímitekanu'i! ¡Wá'iware ímati ema Eternokene'i, ema tiwanekanu'i! Nuti, wa'i nútijiriruwaina'ini eta nítesira'i.

San Juan 8:26

Tétavikawa'i eta tamurakawa'i eta esamureana, tawara'a muraka eta nukajachira'eya. Wícha'asera nicha, émasera ema tiwanekanu'i, tatupiruwa'i eta máechejiriruwana. Eta taka'e, eta néchejiriruwana nuti eye'e eti achaneana, étaichu'i eta nusamakeneana'i maye'e.

San Juan 8:28

Tási'a, máichawarepa: –Jé'ewaresera te ekatupi'anupa te anuke'e, tapaenumawainapa ímatinuyare eta nútikenera'i ema Cristo ekuchapakene'i, ekaikutiarayarewa yátupi'i nímituka'e eta máimiturapiana ema Tata. Taicha wa'i étaina nuviya'ini te nuchuti nútijiriruwaina'ini.

San Juan 8:38

Nuti néchejisi'a'i eta máimechakenénuana'i ema Tata. Étisera étachucha ícha'i eta mawanairipianaichu'i ema tikachicha'e.

San Juan 8:42

Ema Jesús majikapawarepa: –Te yátupina'ini machicha'ena'ini ema Viya, etupiruwaipa'ini émunakanu. Taicha nuti étakene'i nási'a me Viya. Wa'i nútijiriruwaina'ini eta nítesira'i puiti. Nuwanekasiwa'i maye'e.