San Juan 14:2 - Táurinakene máechejiriruwa’i ema Viya tikaijare

² Te mapena ema Tata, kamuri eta tiávirawakare, iávi'ayare eti, taicha íkuchi'i eti. Taka'e, tatuparaka'i nuyanayare nétupirikayare eta iávi'ayare.

Ignaciano

² Taicha ánaqui te mávasa ema Tata, camuri eta tiávira­vacare iávihayare éti, taicha ícuchihi éti. Tacahe, tatupa­racahi nuyanayare nétupi­ri­cayare eta iávihayare.

San Juan 14:2 ပူးပေါင်းရင်းမြစ်များ

San Lucas 14:22

Te tichawapa ema makajurure, mametakapa ema mákenu: ‘Tata, nítauchaipa eta juka piwanairipi'i. Jukaicha'asera eta juka téjasi'akareana.’

San Juan 13:33

Nuchichanavechichana, ánipine eta juka ekachaneranuyare, nuyanainapa. Eti, etanukanuinapa. Étaichu'i eta numetarapi'i naye'e ena tikatianakanuana, eta níchirawaka'i, wa'i ítujikawaima'i e'ikanu te nukaiju'eyare nuti.

San Juan 13:36

Ema Simón Pedro mayaserekapa ema Jesús: –Tata, ¿távi'ainapa pikaiju'eya? –Majikapawarepa ema Jesús. –Te nukaiju'eyare nuti –wicha'a ítujikawaima'i é'ikanu. Ekapayakanuyaresera, wícha'asera tíja'uchawaima'i.

San Juan 14:28

Tiuri esamanuipa eta nukayemakene eta nuyanirayare, tási'a, étapa eta nuchavirayare eta eye'e. Eta taka'e, te yátupina émunakanu, ewapinawayare'i eta echira'i eta nuyanirayare maye'e ema Tata, taicha ema kachuriakanu'i eta máitupajijiasirawa.

San Juan 16:4

Numetaka'ewane eta juka, apaesa te táitekapapa eta íchawakenewaya, waipa ekuarameka. Échainapa eta numetasira'e'i. “Wa'i nicha'ewane'i eta juka te taepaninewapa taicha nuti nutiari'icha'a'i eta eye'e eti.

San Juan 17:24

“Tata, píti píjarakanu'i, nuwara'a nakachanenu nuti te navi'ayare, apaesa naima'a eta nujaraiwa eta pijarararunu'i, taicha piti pemunakanu'i akaneipa eta takaepiyairayare eta apake'e.

Hechos 9:16

Nuti nímechayare eta makatajiwairayare ichape táichavenena'i eta máe'isiranuyare.”

2 Corintios 5:1

Viti vikuti'i eta peti tiavi'a te juka apake'e, taicha eta, wa'i murakaina'ini eta takaepiyakasiwa'i. Jarari'isera eta vipenayare'i te anuma víkuchi'i maye'e ema Viya. Eta, nájinapa tirata'aima'i tiákipaika, taicha wa'i náepiyaruina'ini ena achaneana.

1 Tesalonicenses 5:9

Taicha ema Viya manerejiru'avi'i eta makuchukuira'aviya máichavene'i ema Viákenu Jesucristo, waipa vikaikuñaima'i.

Tito 1:2

etara eta juka vikuchapakene'i taicha eta vitaresira maichekuarakirenapa. Taicha ema Viya wa'i maepiya'ira'ini.

Hebreo 11:10

Émasera ema Abraham, wa'i máeñamawa'ini. Yátupi'i eta makasiñawaira'i, tikuchapawaichucha eta máijarasirayare ema Viya eta máwasayare máepa'akakayare'i eta tiási'akeneyare'i te mawa'uana ema Viya, máetupiriru'i tamutu.

Hebreo 13:14

Taicha te juka apake'e, wa'i apajaraima'i eta viawasa'i. Víyana vitanuka eta viawasaya arairuyare. Tétavikawa eta vijamurachira'i viyápawane.

Hebreo 6:20

taicha ema Jesús tínapumirauchayarepa'i eta viyanirayare'i, taicha makarichu'i ema tikatupara'a'i eta mayaseuchira'aviyare, makuti'i ema víyara'aini Melquisedec.

Hebreo 9:8

Émasera ema Machanewa Viya mawara'a vímatiekene'aya eta juka, eta cortina, eta tiávimiraucha'i eta Lugar Santísimo, wa'i táisapa'ini tisiapana ena achaneana, puítisera vísapakare'i víti eta vítekapauchaya ema Viya.

Apocalipsis 1:5

Ema Viákenu Jesucristo, ema yátupikene'i tiámaparaucha'avi'i eta juka vímitukasiwana'i. Éneichu'iware ema máinapuiru'i téchepuka te máekari. Namutu'i makachuriakawakaya ena reyeana te juka apake'e. Ema, yátupi'i eta máemunasira'avi'i, masipasina'avi'i eta viáchanewana taye'e eta vipekaturana te máitine máepusairu'i,

Apocalipsis 21:2

Tási'a, níma'awarepa eta tiúrina awasare, tikaijare'i Arairu Jerusalén, tétavikawa'i eta tasantuwa, taicha tási'apa'i te anuma te mávi'a'i ema Viya. Tiúrinapa'i eta takaetupiri'ira'i, takuti'i te tikaetupiri'i esu araimayare.

Apocalipsis 3:12

Emutu eti ekamichana'i, ímiyanawa'iware eta é'isiranu'i; nítsirijikawayare eye'e. Máichekuarakireyare eta ekachaneraya ema Tata te máwasa. Iámayare eta máijare, étapa eta níjare arairu. Iámayareware eta táijare eta arairu Jerusalén, taicha tachicha'ewakaya.

Apocalipsis 3:21

Emutu eti ekamichana'i, ímiyanawa'iware eta é'isiranu'i, nuti nukaejaka'ewakayare te néjasi'ayare, takutiyare eta néjasira'i maye'e ema Tata, taicha eta nétumechirawa'i nukamichira'i tamutu.