San Juan 14:17 - Táurinakene máechejiriruwa’i ema Viya tikaijare

¹⁷ Ema tímituka'eyare, máitametakayare tamutu eta yátupikeneana'i, tási'akeneana eta me Tata. Énasera ena achaneana, wa'i tikaijarakasianaima'i, taicha wa'i náwara'a'ini najakapa'ini ema. Étisera ímatiyare ema, taicha máitawakakayare eta máwa'asira'eyare.

Ignaciano

¹⁷ Éma, tímitu­ca­heyare, máitame­ta­cayare tamutu eta yátupi­que­neanahi tásiha­queneana eta me Tata. Énasera ena achaneana, vahi ticaija­ra­ca­sia­naimahi, taicha vahi návara­hahini najaca­pahini éma. Eta namara­ta­hairahi náimaha éma, náimijachahi vahi máimati­carehíni éma. Étisera ímatiyare éma, taicha máitava­ca­cayare eta mávahásira­heyare.

San Juan 14:17 ပူးပေါင်းရင်းမြစ်များ

San Mateo 10:20

Eti wa'i échejikaima'i, émayare ema Machanewa Viya ema techejiucha'eyare.

San Juan 14:16

Tási'a, nuti nuyaseakainapa ema Tata máewataka ema Machanewa Viya. Ema tímikataka'eyare, wa'i tínajiaka'ema'i.

San Juan 14:23

Ema Jesús májikapapa: –Nákani témunakanuana, nasuapayare eta nuwanairipiana'i. Tási'a, ema Tata, tétavikawayare'i eta máemunasirawakaya. Tási'a, vítijapainapa viáwa'akawakayare ena.

San Juan 15:26

“Étasera, te maitekapapa ema katiura'iya, ema nuwaneruyare mási'akeneyare me Tata, nuyaseakaya mawaneka ema Machanewa, ema te máitekapapa, tímereucha'eyare eta yátupikeneana, tímereuchanuyarewa nuti eta eye'e.

San Juan 16:13

Te máitekapapa ema Machanewa Viya, émainapa timimaticha'eyare eta yátupikeneana, wa'i tasi'akenema'i te machuti eta maechejiriruwaya, ema timetaka'eyare tamutu eta masamakenaeana'i, émainapa timinekapa'eyare tamutu eta taiparakana étapa eta íchawakenewanayare.

San Juan 6:40

Taicha eta mawara'akene ema Tata, nákaini tima'ana'i ema Machicha ema Viya, tási'a nasuapa'i ema, máichekuarakirenapa eta naitaresira, tási'a nuti nukaechepukainapa te táitekapapa eta sache népanirawakayare nuti.

1 Corintios 14:15

¿Taja'a nukayemaya puiti? Tiúripana'i viyujaraka te véchejiriruwaichu, tási'akeneana'i te visamure viachanewa, te vijirayarepuka, tiúripana'iware te véchejiriruwaichuware, tási'akenena'iware te visamure, vikaikutiarasarepaipa eta vikayemakeneanapa'i.

1 Corintios 2:14

Énasera nákani achaneana wa'i máwa'aruanaina ema Machanewa Viya, wa'i najakapaima'i eta máimiturapiana, taicha náimijacha'i súnsurupiana. Wá'iware nárata'a nakaikutiara'ini, taicha tikamunukare'i eta máimitusirawakaina'ini ema Machanewa Viya.

1 Corintios 3:16

¿Échaichu'i eti eta máwa'asira'e'i ema Machanewa Viya, eti maye'e'i templo ema Viya?

1 Corintios 6:19

¿Échaichu'iware eti eta máwa'asira'eipa ema Machanewa Viya eta te iáke'eana, taicha mawaneruichu'i ema Viya eta máwa'asira'eyare'i ema Machanewa Viya? Waipa étina'ini echa eta iáke'eana.

2 Corintios 13:5

Esamawayare étijiwa, te yátupi'ipuka tiúri'i eta é'isira'i ema Viákenu Jesucristo, te yátupipuka eta máwa'asira'e'i ema. Taicha ema máwa'akawaka'i namutu ena machichanaveana yátupikeneana. Machu émepururekawa eta íjarasirawa'i é'ika ema.

2 Corintios 6:16

Éneichuware, tiáwa'aka'avipa ema Viya, émaipa ema Vikaiyakene. Eta taka'e, wa'i táurika'ini eta vikasiapirawa'ini eta naye'e ena wa'i machaneranaina'ini ema Viya, taicha apana'i ema nasiñaraji. Taicha ani maka'e'i: “Náwa'akawakaya ena té'ikanuana'i; nuti naye'enu'i Viya taicha ena yátupikeneana'i nuchanerana'i.”

Gálatas 4:6

Puiti, eta machichaira'eripa ema Viya, tíjaraka'eipa ema Machanewa Viya tiáwa'aka'eripa te esamureana. Émapa témecha'e'i maye'e ema Viya, tímituka'epa eta eyujarauchirawaya: “¡Tátachicha! ¡Vikaiyakene!”

Efesios 2:22

Ema Machanewa Viya tetavikawa'i eta maitupajijiasirawa'i ti'etamuricha'avi'i, je'ewarenapa machanera'avinapa.

Efesios 3:17

nuyaseakaware yátupina eta ekasiñairaya ema Cristo, yátupinaware eta é'isiraina eta máimiturapiana. Túme'eyare eta émunaraiwa'i. Tájina ti'apapika'eima'i eta é'isira'i.

Colosenses 1:27

Tétavikawa'i táramikarewa'i maicha ema Viya eta máimimatichira'avi'i eta juka tayumururewaini'i ímitukasiwa'i puiti eti apawasanana'i. Eta juka, éma'i ema Jesucristo títekapaucha'eipa'i tiáwa'aka'eipa. Puiti, ejákapakarepa me Viya. Ekunewainapa maicha ema Jesucristo eta esiapiraya te máwasa anuma.

2 Timoteo 1:14

Piúnakaicha yátupina eta juka máechejiriruwana ema Viákenu, te natiari'ipuka náwara'a na'apapika eta vímiturapiana, wa'i pikuisapawa, máima'avinesera ema Machanewa Viya, ema tiáwa'aka'avi'i, ema tímikatakaviyare.

1 Juan 2:27

Eti, máwa'aru'eipa ema Machanewa Viya, mawaneru'i ema Jesucristo. Tási'a, nájina apanaina ákamunu'ini náimituka'e'ini, taicha tímituka'e'i tamutu ema Machanewa Viya. Ema, yátupikene'i eta máechejiriruwa. Ánasichu iáwa'aka'i ema Jesucristo.

1 Juan 3:24

Te visuapa eta mawanairipiana, viáwa'aka'i ema, énerichuware ema tiáwa'aka'aviya, vécha'i eta matiari'ira'i ema Viya eta viye'e, máicha ema Machanewa Viya mawaneru'i ema.

1 Juan 4:4

Nuchichanavechichana, eti machicha'e ema Viya, eti ekapakechaipa ena naenana tepiya'ira'iana, taicha ena tawa'aka'e eti ema tapajupanawa'i titupajijiapanawa'i maye'e ema tiavi'a te juka apake'e.

1 Juan 4:6

Vítisera machicha'avi'i ema Viya. Tisamararaka'aviana ena tímatiana ema Viya, énasera ena apamuriana máimatira'ana ema Viya, wa'i tiúrima'i eta nasamira'avi. Etainapa, tímatikareanaya ena máwa'aruana ema Machanewa Viya, énerichuware tímatikareanaya ena máwa'aruana ema wínaraji.

1 Juan 5:7

Mapanana ena titametaka'aviana:

Apocalipsis 2:17

¡Ema tikakiña masayare eta makayemakene ema Machanewa Viya naye'e ema pichamuriana! Enasera ena tita'arekanayare nijarakayare eta nanikayare eta maná, nijarakayareware eta marichi tijapu, eta taye'e marichicha tikajuyare eta taijare arairu, najinasera timatina makarichu ema tijachapayare maimatiyare eta taijare.