San Juan 14:13 - Táurinakene máechejiriruwa’i ema Viya tikaijare

¹³ Tamutu jákaini eyasearunuyare te nijare nuti, nijaraka'eyare, apaesa ema Machicha, maimecha eta makunachakarewa ema Tata.

Ignaciano

^13-14 Núti níjara­ca­he­yareva tamutu jácani eyasea­ru­nua­nayare te níjare, taicha nuvaraha ichape eta ecuna­chi­rayare ema Tata.

San Juan 14:13 ပူးပေါင်းရင်းမြစ်များ

San Mateo 21:22

Tási'a tamutu jákani eyaseserepiyare eti, eta eyujarasirana, ekaijarakasiyare te yátupina eta ekasiñawaira'i me Viya.

San Mateo 7:7

“Eyaseaka ema Viya ema tijaraka'eya, échejika ema Viya, ema íchimawaya eta ekamunukeneana; íchu'a tási'a ema tisáma'eya,

Marcos 11:24

Eta taka'e numetaka'e, eta eyaseserepiyare eti, eyujarakayare me Viya. Tási'a, tíjaraka'enapa ema tamutu eta eyasearuanaya.

San Lucas 11:9

Eta taka'e, numetaka'e: Eyaseaka ema Viya, ema tijaraka'eya; échejika ema Viya íchimawaya eta ekamunukeneana; íchu'a tási'a ema tisáma'eya.

San Juan 10:30

Taicha nuti emapa ema Tata vikutikaka'i eta vítupaijiasirawawaka'i.

San Juan 12:44

Ema Jesús tijaranupa eta máechejisirawaka'i ena achaneana, máichawakapa: “Nákani nawara'a'i tisuapanuana, wa'i nakarichuima'i nasuapanu nuti, eneichuware nasuapayare'i ema Tata, ema tiwanekanu'i.

San Juan 13:31

Eta máuchusiraipa ema Júlasi eta naye'e ena, ema Jesús máichawakapa: –Títekapapa puiti eta táitauchirawayare, íma'ainapa eti eta máitupajijiasirawa ema Viya, étapa eta nítupajijiasirawayare nuti Manerejirunu'i ema.

San Juan 14:14

Nuti níjaraka'eyarewa tamutu jákani eyasearunuanayare te níjare.

San Juan 14:6

Ema Jesús májikapawarepa: –Nútira né'ikakare'i, núti'ichuwa yátupikenenu'i. Nútiware nukaitarera'i, nájina apanaina ákasiñaima'i eta ítekapirayare me Tata.

San Juan 15:16

Wa'i étina'ini enerejikanu'ini eta é'isiranu'i, nuti nunerejika'e'i eti, puiti nutuparaka'e, eyanayare ichapemuriyare eta ekaemataneasiranuyare. Eta taka'e ema Tata tíjaraka'eyare tamutu eta eyasearuanayare te níjare.

San Juan 15:7

“Ímiyanawa yátupina eta iúrujiasiranu. Yátupinaware eta ítauchiraina eta nímiturapiana. Tási'a, te eyaseakanupuka jákani ewara'akeneana'i, nuti níjaraka'eya.

San Juan 16:23

“Te jena sácheyare, wa'i nútima'i eyaserekanu. Émasera ema Tata eyaserekayare'i ema, tíjaraka'eyare'i tamutu jákani eyasearuanayare te níjare.

San Juan 16:26

Te jena sache, eyaseakainapa ema Tata te níjare. Wáipayare takamunuima'i nuyaseucha'e eta maye'e,

San Juan 16:7

Nutupiruwasera numetaka'e: tatuparaka'i eta nuyaniraya nuchawa, taicha te wa'i nukuyana, wa'i títekaima'i ema Tikatiucha'eya, ema tiúricha'eyare, tímikataka'eyare, tikurisamurecha'eyarewa.

San Juan 4:10

Ema Jesús májikapapa: –Te pímati'ini eta mawara'akeneana'i tíjarakavi ema Viya, té'eware pímatinu'iwareni nuti nuyaseakavi'i eta une, németeaka piyaseakanuipa'íni eta une tikaitarekara'i. Tási'a, nuti níjarakavi'ini.

San Juan 4:14

Nákanisera téranayare eta une níjararuyare'i nuti, waipa tiápechawanaima'i timauneana. Máichekuarakirenapa eta náitaresira.

San Juan 5:19

Ema Jesús máichawakapa: “Nutupiruwa numetaka'e. Nuti Machicha ema Viya, eta nutupara'ana'i maye'e, wáipaine'i nútijirikawaima'i nícha jákani nuwara'akeneana'i. Nuti nímatiekene'a'i tamutu eta máematanerepi'i ema Tikachichanu.

San Juan 7:37

Te jena sache, taekene eta piéstaira'i, jarari'iware eta tíma'akarepana. Tiyanawarepa ema Jesús te namuri ena achaneana. Titupi'apa, téchejikapa muraka. Ánipa maka'e: –Te natiari'inapuka nákani timauneana'i, náitekapauchanu. Nuti níjarakayare eta náerayare.

1 Corintios 14:13

Tási'a, mákani téchejika'i te apaechejiriruwa, takamunu'i mayaseaka'ini ema Viya eta máitusiraina'ini mametakawaka eta takayemakene'i eta máechejiriruwa'i apaesa nakaikutiarasarepaini nákani tisamararakana'i.

Efesios 2:18

Puiti, eta viúrujiasira'i ema Jesucristo, tiáwa'aka'avi'i ema Machanewa Viya. Tási'a, máichavene'i ema Machanewa Viya, vimutu vikutikakaipa'i eta vipauchiraipa ema Tata Vikaiyakene.

Efesios 3:12

Tási'a puiti, tájina táeñamawakareima'i eta vipauchira ema Viya. Vikasiñawa'i eta maye'e, taicha ema Jesucristo éma'i ema vikasiñasarekene'i.

Efesios 3:14

Eta taka'e nuti népuyumiraucha'i ema Makaiyakene ema Viákenu Jesucristo, nukunachira'i ema Tata,

Filipenses 4:13

Nurata'a'i nukamicha tamutu, taicha ema Cristo ema tétumechanu'i.

Colosenses 3:17

Tamutu jákani ekaematanerana, échejirisirawana, ímereuchawa eta machanera'eira'i ema Viákenu Jesucristo, iámirapaipa eta máijare, te tamutu eta jákani íchararakawana, e'asulupayachayare'i ema Tata Vikaiyakene.

Hebreo 13:15

Puiti, eta vé'isira'i ema Jesús, tawara'a eta vijirauchiraparakayare'i, vi'asulupayachaware ema Viya. Eta juka eta viámawa'u'i eta maye'e. Ema vikawapajayare'i.

Hebreo 4:15

Ema, yátupi'i tiyaseura'ikene'i eta viye'e, taicha tímati'avi eta vimatumewa'i. Tijapanu'avisera, taicha ema éneichuware tikatajiwa'i tamutu'i makaitsamaraji ema winaraji, takuti eta makaitsamarajira'avi'i víti. Emasera wa'i makapekatura'ini ema Jesús.

Hebreo 7:25

Tási'a puiti, makarichu ema marata'a'i tikatiucha'avi'i viti vikasiñana'i ema. Ema, tikaitekapa'avi'iware me Viya. Máitawakakayare'i eta máechejiuchira'avi'i.

Santiago 1:5

Taka'e, te tatiari'inapuka eta téchakare, te wá'ipuka íturuekene'a'ini, eyaseakayare ema Viya eta ítupajijiasirawaina, ema Viya tíjaraka'eyare, taicha ema tájina mayawanakenena, wá'isera tikajacha'avima'i eta viyaseasirana jákani vikamunukeneana.

Santiago 5:16

Eta taka'e, te tatiari'ipuka eta éjekapirawana'i maye'e ema echamuri, eyaseakayare eta najapanuira'ena, tási'a, eyaseuchakakayare te eyujaraka eta enarasiraina. Taicha tétavikawa'i eta tasamakarewa'i eta nayujarakasa ena matapirawareana.

1 Pedro 2:5

Éneipa eka'e'i eti, ekutiripa eta márija'iana máepenakaka'i, taka'e puiti, táuripa eta ekachanerakakainapa, makarichu ema Viya ema ekaemataneakaya, tiwayuaka'eya eta esuapajiraiwaya eta máijarasira'eyare'i eta ématanepachuyare, énerichuware ekatupara'aipa santu'enapa, ekutiyare ena tiyujarakara'iana eta te templo, eta maye'e ema Viákenu Jesucristo imereka'ini eta iamawa'uana te mamira'u eta mawara'keneana yatupi ema Viya.

1 Juan 3:22

Taka'e ema tijaraka'avinapa tamutu eta viyasearapiana, taichavene eta visuapira'i eta mawanairipiana etapa eta vichira eta mawara'akeneana.

1 Juan 5:14

Tási'a, tájina táeñamawakare'ini eta viyasearuana'i ema Viya, taicha vécha'i víti eta masamira'avi'i, taicha eta viyasearapiana tási'akeneana'i eta vímatiekene'aira'i eta mawara'akene'i ema Viya.