San Juan 12:48 - Táurinakene máechejiriruwa’i ema Viya tikaijare

⁴⁸ Nákanisera nasamairikaipa'inénipuka eta néchejiriruwana, wá'isera nasuapanu'ini, nasapi'a tépurunuana'i, murakayare'i eta náikuñayare. Eta náepuruira'i eta néchejiriruwana, étaipa tiviuchawakainapa te jena sacheyare taitekapiraya eta nakayesesere'iraya.

San Juan 12:48 ပူးပေါင်းရင်းမြစ်များ

San Mateo 10:15

Nutupiruwa numetaka'e, te táitekapa eta juicio, tiápajupanaya eta náikuñayare, takachurikayare eta nakaikuñaira'i ena achaneana wínarajikeneana tikawasanaini te Sodoma étapa eta Gomorra.

San Mateo 21:42

Taka'e, ema Jesús máichawakapa: –¿Tájina ímaiya'ini échejiku'a'ini eta takayemakene'i eta Takapika'ukene Ajureka? Ani naka'e'i: ‘Ena tépiyarekara'iana eta peti, tasapi'apa náepuru'i eta mari táikuchi'i tatumearayare eta taicha wa'i náimati'ini. Émasera ema Tata tepiyaka'i, ichape eta taramikarewa'i.’

San Mateo 25:31

“Te machawapa ema Machicha ema Ajaira, tachayakayapa'i eta majaraiwa, tási'a énapa namutu ena maye'eana ángeleana, tejakainapa te maejasi'ayare takapika'ukene.

Marcos 12:10

“¿Wa'i échejiku'a'ini eti eta Takapika'ukene Ajureka? Ani taka'e'i: ‘Ena tépiyarekara'iana eta peti, tasapi'apa náepuru'i eta mari táikuchi'i tatumearayare, taicha wa'i náimati'ini.

Marcos 16:16

Nukuchuku'awakayare namutu ena tisuapajira'ianaya ena tikaikachasianaya. Énasera ena wa'i tisuapana, tikaikuñanayare.

Marcos 8:31

Ema Jesús, tépanawapa máimitukawaka'i eta táichararakawayare eta máepenirayare. Ema Machicha ema achane, matupara'aichu'i ichapemuri eta makatajiwairayare, náepuruyare'i ena naiyakarana, enapa ena tachutiri'ana naye'e ena tiyujarakara'iana enapa escriwánuana. Mametakapa ena eta náimikapakayare'i, mapanayaichu'isera sache eta maka'eyare'i eta maepenirayare'i, tási'a tichawayarepa téchepuka.

San Lucas 10:16

“Nákani tisama'eanayare eti, nuti'i tisamanuana'i, tási'a nákani tépuru'eanayare eti, nuti'i tépurunuana'i, tási'a nákani tépurununa'i nuti, náepuru'iraware ema Tata.”

San Lucas 17:25

Tatiwayaresera katajiwanumayare. Naépuruyare ena achaneana natiari'ikeneana'i puiti.

San Lucas 20:17

Ema Jesús máesenimuri'awakapa, tási'a máichawakapa: –Taka'e ¿taja'asika takayemakene'i eta Ajureka?: ‘Ena tépiyarekara'iana eta peti, tasapi'apa náepuru'i eta mari táikuchi'i tatumearayare eta peti.’

San Lucas 7:30

énasera ena fariseona énapa ena máestroana, ena máisapawara'ana'i nakaikachasi'ini maye'e ema Juan, taicha wa'i nawara'a'ini nasuapa'ini ema Viya. Temepururekawanaipa eta náuriwayare'ini.

San Lucas 9:22

Taka'e, máichawarepa: –Ema machicha ema achane, matupara'aichu'i ichapemuri eta makatajiwairayare, náepuruyare'i ena naiyakarana, enapa ena tachutiri'ana naye'e ena tiyujarakara'iana enapa escriwánuana. Nakapakayare'i, mapanayaichu'isera sache eta maka'eyare'i eta maepenirayare'i, tási'a tichawayarepa téchepuka.

San Lucas 9:26

Énaipa nákani timitsiri'anuana'ipuka eta náe'isiranu'i, étapa eta nímiturapiana, eneichuware ema Machicha ema Ajaira titsiri'ayarewa. Te jena sácheyare, námainapaipa eta nujaraiwa, étapa eta majaraiwa ema Tata. Nukachanénapaipa ena Santuana ángeleana.

San Juan 11:24

Esu Marta suíchawarepa: –Yátupi, Tata, nécha'i eta ñichavirayare títareka te táitekapapa eta sácheyare náechepusiraya ena náepenakeneana.

San Juan 5:45

Wá'isera nútinayare numetaucha'e eta me Tata. Máima'a'einepa ema Moisés. Ema timetaucha'eyare. Eti ímijachawa'i tikuchuku'a'eyare eta ewaraira'i ítaucha eta mawanairipiana ema, tamapurujinapa.

San Juan 6:39

Eta mawara'akene'i ema Tata, eta mawanesiranu'i, nukaitarekayare'i nákani máijararunuanayare'i ema. Nukaechepukayare ena te náekariana te jena sache táitekapapa eta népanirawakayare.

San Juan 8:47

Taicha nákani maye'eana'i ema Viya, náurikayare'i nasamararaka eta máechejiriruwana ema Viya. Étisera wa'i machicha'éna'ini ema Viya. Eta taka'e, wa'i iúrika'ini esamararaka'ini eta numetaru'eana'i.

Hechos 17:31

Taicha tatiari'iyare'i eta jena sacheyare máikuñakayare namutu ena tíchana'i eta juka. Marari'i ema achane manerejiru'i, ema Viya máimereka'i eta manerejisira'i ema Jesús juéseyare'i, taicha makaechepuka'i te máekari.”

Hechos 3:23

Taicha ema Viya máimikapakayare namutu ena masuápajiraira'anayare maye'e ema profeta máiteruyare'i.’

Romanos 2:16

járajapa eta sácheyare, tikayasesere'ianainapa namutu ena achaneana te mamira'u ema Viákenu Jesucristo. Ema, máimatiya tamutu eta náichakeneana tayumururewana'i. Étaichu'i eta numetarapi'i te nukametarairupa.

2 Corintios 4:3

Nakarichu nákaini wa'i narata'a nakaikutiaraima'i eta Arairu maechejiriruwa eta vimiturapi'i, énayare ena masuapajiraira'ana kaikuñanayare.

2 Tesalonicenses 1:8

Eta tímitekayare ema, máikuñakayare ena wá'ikene náwara'a'ini náimati ema Viya, wá'iware náwara'a'ini nasuapa eta máechajiriruwa.

Hebreo 10:25

Wá'isera viyakujima'i eta viúrujisirawana, wa'i ekukuti'ini ena vichamuriana, tinerejikawana'i mayanara'ana'i te viúrujikawa, vétumejirikakayaresera, tavetijipa puiti eta vímairapa eta táne'irapa eta masacheraya ema Viákenu eta machavirayare.

Hebreo 12:25

Eta taka'e, échapawaicha eti, wa'i ekuepuru eta máichuarapiana'i ema Jesucristo. Machu ákuti ena tépuruana'i eta mawanairipiana ema Viya, máimiturapiana'i ema Moisés, étapa tímikuñakawaka'i ena, vivetijinapapuka víti eta víkuñayare, te vikaepakekupuka eta máichuarapiana puiti ema Viákenu, taicha ema tiási'a'i te machakaya ema Viya te anuma.

Hebreo 2:3

¿Vicharakawayare eta viuchukuirayare viti, te wa'i vikusuapa eta ichapekene maechejiriruwa eta tikuchuku'a'aviyare? Émaichu'i ema Tata ema tinapuka'i eta timetaka'avi'i eta juka vuichukuirayare'i, tási'a ena tisamana'i eta juka vuichukuirayare'i enapa timisama'aviana'i viti eta yátupikenera'i.

Hebreo 4:12

Taicha eta máechajiriruwa ema Viya, tétavikawa'i eta táitupajijiasirawa'i. Máicha, tamutu'i tarata'a, takachurika'i eta takasiriwa eta espada, takapayakayare'i te ama'e taye'e eta viáchanewana viti achaneana, tímecha'avi eta tamauriwa'i eta visamureana, tasiapaware eta vipanereruana, tímituka'aviware eta vétupirisirapaipa'i eta vítaresirana.

1 Pedro 1:5

Puítisera, tétavikawa'i eta máitupajijiasirawa'i ema Viya eta majaneasira'e'i, táichavene'i eta ekasiñawaira'i maye'e. Taicha mawara'a tikuchuku'a'eyare te jena sache táepanirawayare eta viúritaresiraya.

2 Pedro 3:3

Tínapukayare nuwara'a némecha'eyare eta juka: Te jena sache táne'ipa eta táitavirayare, tímerekawainapa ena achaneana tikaeka'ira'iana taye'e eta juka yátupikeneana vikuchapakeneana'i víti, eta náitaresira'i ena, apanachucha eta ti'apapirikawaka'i eta náichira'i eta tamaurikeneana najamurachakeneana'i

2 Pedro 3:7

Emasera ema Viya tiápechawayare máikuñaka eta apake'e étapa eta anuma. Yúkuyare eta tikamitiekene'ayare tamutu juka. Taicha ema, manakaipa'i eta máechejiriruwa. Jé'esare, te jena sácheyare, títapaikawakayare namutu ena achaneana masuapajiraira'ana'i wínarajiana'i.