San Juan 12:28 - Táurinakene máechejiriruwa’i ema Viya tikaijare

²⁸ Tata, pimereka eta pitupaijiasirawa.” Tási'a, tíja'uchawapa nasama'i eta ma'u ema Viya te anuma. Ánipa maka'e: “Nímerekaipa eta nítupaijiasirawa'i. Jé'esare, nápechawayarewa nímerekayare.”

Ignaciano

²⁸ Tacahe, macahe­varepa: —Tata, pímereca eta pítupa­jijiásirava apaesa nacunachavi ena achaneana —macahepa. Tásiha, tíjahúchavapa nasamahi eta mahu ema Viya te anuma. Ánipa macahe: —Nímere­caripa eta nítupa­jijiási­ravahi. Jéhesare, nápecha­va­yareva nímere­cayare —macahepa.

San Juan 12:28 ပူးပေါင်းရင်းမြစ်များ

San Mateo 11:25

Te akaneni taepaninewaini, ema Jesús ánipa maka'e: “Tata Nukaiyakene, tétavikawa eta nukunachiravi, jé'eware píti tákenuvi'i eta anuma étapa te juka apake'e. Títauchawaipa eta pipanereru'i, wa'i písapa'ini náituka'ini eta júkana ena achaneana tímijachawana'i téchemara'iana.

San Mateo 11:26

Eta Tata Nukaiyakene taicha eta tapiwara'akene'i.”

San Mateo 17:5

Tási'a, téchejikaicha'a ema Pedro, tiáramikarepa eta úkaji táepakumuri'a'i ena, tétavikawa'i eta tajanunusira'i, tási'a nasamawarepa eta ma'u ema Viya, taye'e eta úkaji ani maka'e'i: “Ema maka, ema Nuchicha némunarukene'i. Ema nunerejiru'i: esamayare.”

San Mateo 26:42

Tási'a, tiápechawawarepa tiyanawarepa ema Jesús api'epa eta mayujarasira'i ánipa maka'e: “Tátachicha Nukaiyakene, te wá'ikenenaicha takuetavikawa eta juka níchawakenewayare. Tási'asera, níjarakawa núti eta nítauchiraya eta piwara'akene'i.”

San Mateo 3:17

Taka'e, nasamapa eta ma'u ema Viya tási'akene'i te anuma. Ani maka'e'i: “Pítira nuchicha némunarukene, núrisamurecha piye'e.”

Marcos 1:11

Taka'e, nasamapa eta ma'u ema Viya tási'akene'i te anuma. Ani maka'e'i: “Pítira nuchicha némunarukene, núrisamurecha piye'e.”

Marcos 14:36

Eta mayurasira'i maka'e'i “Abbá, Tata, tamutu eta piwara'akene titauchawa tájina temaitukavina, pikatajikanusera pikatiuchanu eta juka nichararakawaya, wá'isera takuitauchawa eta nuwara'akene nuti, étasera eta piwara'akene piti, eta taitauchawa.”

Marcos 9:7

Temuna'irikawapa tiuchuka'i eta úkaji táepakumuri'a'i ena. Tási'a nasamawarepa eta ma'u ema Viya, taye'e eta úkaji ani maka'e'i: “Ema maka, ema Nuchicha némunarukene'i: ema esamayare.”

San Lucas 3:22

Taka'e, nasamapa eta ma'u ema Viya tási'akene'i te anuma. Ani maka'e'i: –Pítira nuchicha némunarukene, núrisamurecha piye'e.

San Lucas 9:35

Taka'e nasamawarepa eta ma'u ema Viya, taye'e eta úkaji, ani maka'e'i: –“Ema maka, ema Nuchicha nunerejiru'i némunarukene'i: ema esamayare.”

San Juan 11:4

Te máechapa ema Jesús, maka'epa: –Eta juka jumare, wa'i taítaima'i ema Lázaro, matupara'aichusera me Viya, mawaraira'i nímereka eta majaraiwa eta maitupajijiasirawa ema Viya, nímeresirayarewa eta nítupajijiasirawa'i nuti Machichanu ema Viya.

San Juan 18:11

Émasera ema Jesús maichapa ema Pedro: –Pinaka te tatumaramu'i eta piye'e espada. Taicha ema Tata tijarakanu'i eta juka nukatajiwairayare'i, ¿taka'e waipapuka nukuitaucha'i eta juka nukatajiwairayare?

San Juan 9:3

Ema Jesús majikapawarepa: –Wá'ineni etaina taviucha'ini eta mapekatura ema. Enaipa ena tikachichana, wá'iware enaparakaina. Matupara'aichu'i, mawaraira'i nímerekayare'i puiti eta máitupaijiasirawa'i ema Viya.

Efesios 2:7

Eta juka émavene'i ema Viya, mawara'a'i máimereka eta viúrikakarewana máijararu'aviyare eta viye'e te jena sácheyare, taicha tétavikawa'i eta máemunasira'avi'i táichavene'i eta viúrujiasira'i ema Jesucristo.

Efesios 3:10

Taka'e puiti naye'e ena nuchamuriana, naechainapa ena ángeleana enapa ena akenukara'ana tiavi'ana'i te anuma naechainapa eta maitupajijiasirawa ema Viya.

Efesios 3:21

¡Vikunachaparaka'ini ema Viya wámutu viti vé'ikana'i ema Jesucristo máichekuarakirenapa eta vikunachira! Amén.

2 Pedro 1:17

Taicha vima'a'i ema Tata Viya te maíjarakapa eta mapikauchararewayare'i étapa eta majaraiwayare'i, te mapiarakapa ema Viya te mametakapa eta majaraiwayare'i: “Ema maka ema yátupikene'i Nuchicha némunarukene'i. Tétavikawa'i eta núrisamurewa'i máicha”