San Juan 11:55 - Táurinakene máechejiriruwa’i ema Viya tikaijare

⁵⁵ Taka'e, semanayare eta Pascua, napiestara ena israelítana. Namutu ena achaneana tiávi'ana te apanana awasareana tiyanarakanapa taye'e eta Jerusalén, tisipa'akawanayare'i.

Ignaciano

⁵⁵ Tacahe, semanayare eta Pascua, vipiestara viti israelítana. Namutu ena achaneana tiávihana te apanana avasareana tiyana­ra­canapa tayehe eta Jerusalén. Tisipa­ha­ca­va­na­yarehi taicha náimijachahi ani tacahehi tacuija nacuqui­chi­ravaina eta náimere­si­ra­vayare me Viya.

San Juan 11:55 ပူးပေါင်းရင်းမြစ်များ

San Mateo 26:1

Te títapirikapa eta juka máimiturapiana'i ema Jesús, máichawakapa ena máimitureana:

San Mateo 26:2

–Échaichu'i eti, eta apinaine sache eta piesta tikaijare Pascua, tási'a, ema Machicha ema Ajaira, nakaratakainapa naémetatakainapa te crusu.

Marcos 14:1

Apinaine'i sache eta piesta tikaijare Pascua, eta táepanawaira eta nanisira'i eta pan maye'ere levadura. Ena tachutiri'ana naye'eana ena tiyujarakara'iana, tási'a énapa ena escriwánuana, natanuka'i eta náicharakayare eta nakaratasirayare ema Jesús, nawara'a'i nawayuakayare'i eta nakaratasira, tási'a étapa eta nakapasirayare'i.

San Lucas 22:1

Tamira'upaipa eta piesta, eta nanisira'i eta pan maye'ere levadura, eta piesta tikaijare Pascua.

San Juan 12:1

Seisirine'i sache eta piéstayare'i eta Pascua. Tichawawarepa ema Jesús taye'e eta awasarechicha Betania, máwasa'i ema Lázaro, ema makaechepure'i te máekari.

San Juan 13:1

Tiuri, te jena sacheana'i tamira'upaipa'i eta Pascua, ema Jesús máechaipa eta táitekapauchayarepa eta majunijisirayare'i eta juka apake'e. Tiyanayarepa maye'e ema Maiya. Tétavikawa'i eta máemunasirawaka'i ena máimitureana.

San Juan 18:28

Nakuchukapa ema Jesús te mapena ema Caifás, taye'e eta palacio mávi'a'i ema Pilato. Wáipasera nasiapa'ini ena tuparairukana. Nanasipa te aneka, namawaraira'i náechipejikawa'ini eta nanisirayare'i eta cordero pascual.

San Juan 2:13

Taka'e, eta jena sácheana'i, tiáne'ipa eta Pascua, napiestara'i ena israelítana. Ema Jesús tiyanapa taye'e eta awasare Jerusalén, enapa ena máimitureana.

San Juan 2:6

Tatiari'i ánaki saisi'i tinajana mári'iana. Nayupisareana ena israelítana taye'e eta naye'erepiana. Eta táichape'iwawaka'i eta tinajana, sinku'i lata eta takawaku.

San Juan 5:1

Te táekenepa eta jukana, tatiari'i'i eta apana piesta eta naúrujisirawana te Jerusalén. Tiyanawarepa ema Jesús.

San Juan 6:4

Te jena sacheana tiane'ipaipa eta Pascua, napiestara'i ena Israelitana.

Hechos 21:24

Pisipa'akawaya, piámamuri'a ena eta pímeresirawaya taye'e eta templo. Piwachachinaya eta nakamunukeneanaya, apaesa ena náisapawa nakachukasi eta nachutimakana. Eta táikutiarayare eta wa'i yátupina'i eta pépiyaekene'i, apaesa naíma'avi eta pipikauchira'i eta mawanairipiana ema Moisés.

Hechos 21:26

Taka'e, ema Pablo tisipa'akawapa, énapa ena kuatrukeneana ajairana. Mámawakapa, tiyananapa te templo. Nametapanayare'i ena téchapajirikara'iana, eta templo, semanayareipa'i eta nanakisirawayare eta námawa'uana.

Hechos 24:18

Te tamutupa eta takasipaira'i eta náchanewa étapa eta nuwa'uana, nuyanapa te templo eta nunapanayare'i eta námawa'uana me Viya, eta návi'aira'i te templo, tichimapanuanapa ena nujaneanana tiási'ana'i te tinapaika te Asia, nájinasera achanena'ini nachimapa'ini te nuchakaya, enachucha tichana'i eta semanere.

1 Corintios 11:28

Eta taka'e, émanapachu tipanereakawanayare eta manisirayare eta pan, tási'a étapa eta maerirayare eta wasu.

Santiago 4:8

Puiti, yátupina eta epauchira'i ema Viya. Tási'a, ema apanaware tipaucha'eyare. ¡Ínajikapa puiti eta íchira eta tamaurikeneana epekaturana! Émitisikainapa eta ejamurachira eta tájiparakana te esamureana, eti ewara'ana e'ikana émunaka ema Viya, waipa ekupanerecha eta naye'erepiana ena achaneana masuapajiraira'ana te juka apake'e.