San Juan 11:52 - Táurinakene máechejiriruwa’i ema Viya tikaijare

⁵² étasera juka máepenirayare'i ema Jesús, mawacharekainapa eta naviurewa'i namutu nákani machaneranayare'i ema Viya, te apánapanenejikeneana awasareana. Wa'i tákarichu'ini eta naviurewana ena israelítana. Taicha te táekenenapa, mawara'a'i makurujimuri'ayare'i, étamurianayare'i namutu ena.

Ignaciano

⁵² Étasera juca máepeni­ra­yarehi ema Jesús, mavacha­re­cainapa eta naviurevahi namutu nácani machane­ra­na­yarehi ema Viya te apana­pa­ne­ne­queneana avasareana. Vahi tácari­chuhini eta naviurevana ena israelítana. Taicha te táequenénapa, mavarahahi macuru­ji­mu­ri­ha­yarehi, étamu­ria­na­yarehi namutu éna.

San Juan 11:52 ပူးပေါင်းရင်းမြစ်များ

San Lucas 15:8

“Taka'e, ¿naja'apukaini esu esena, tikaye'e'i eta diez reale, te témitiyechapuka eta etape, sutanusirayare, suyustakainapa eta sumika'u. Supi'ikainapapuka tamutu te taju'e eta supena sukamesayare'i suichimawa?

San Lucas 2:32

tíjara'ineware taye'e eta awasareana ema, timikauchawakaya ena apamuriana tikawasana te Israel.”

San Juan 1:12

Énasera nákani tijachapana'i, tási'a nasuapa'i ema, maijaraka'i, maimikacheracha'i eta yátupikene'i machichanaveana'i ema Viya.

San Juan 1:29

Te apanapa sache, máima'apa ema Juan eta mapauchirapaipa'i ema Jesús. Taka'e, máichawakapa ena achaneana: “¡Íma'a, márajapa ema Wanairuka me Viya. Ema, tikaepa'ayare eta vipekaturana te juka apake'e!

San Juan 10:16

Narari'iware ena apamuriana nuchanerana. Wá'isera ánina nakawasa. Nukurujikawakayaresera, népanayarewa. Tisuapanuanayarewa, etanayaréichuwa eta náumuriwa. Nukarinenapa nuti néchawaka.

San Juan 12:32

Eta taka'e nuti te nechepukapa te juka apake'e, namutuinapa achaneana nukaechepukawaka.

Hechos 18:10

Taicha kamuriana ena nuchanerana te juka awasare, nuti nutiari'iya te pichakaya, tájina náicharakavima'i ena piánarana.”

Romanos 3:29

¿Wa'i ákarichuima'i eti juriyuana ejákapakare'i me Viya? ¿Wa'iwarepuka nakasiñaima'i tamutu ena achaneana te awasareana? ¡Vechaichu'i énerichuware tijakapakareana'i namutu ena apawasana tikasiñana'i ema Viya,

Romanos 4:17

Taicha ema Viya, ánipa maicha ema Abraham: “Puiti nunakaviyare píti nakaiyakeneyare ena achaneana te kamurikene awasareana.” Tási'a, ema Abraham, masuapapa muraka ema Viya, émaichu'i ema Viya tijarakawaka'i eta nachaviraya titarekana ena naepenekeneana, etapa eta makuchusirayare eta arairuana vimaima'akeneana.

Efesios 1:5

te mapanerechapa maewatakapa ema machicha Jesucristo eta majakapira'aviyare'i vimutu viti vikasiñana'i, yátupikeneyarepa machicha'avi, eta juka mapanereru'i ánakiapaipa'i te taepaninewacha'a eta apake'e.

Efesios 3:11

Taicha mawara'a'i natiari'iyare kamurianayare ena tisuapanayare yátupi. Eta táuriwayare eta náe'isira, tímereuchayare'i eta máetaviuchira'i eta máitupajijiasirawa'i ema Viya. Náramine'i ena akenukana'i tiávi'ana'i te anuma eta náimaira'i eta juka. Eta taka'e'i eta mámirapa'i ema Viákenu Jesucristo tamutu eta mapanereruana eta akane ema Maiya.

Santiago 1:1

Nuti Santiago, mawanaranu'i ema Viya, emapa ema Viákenu Jesucristo. Nuwara'a nukaitekapa eta juka néchejiriruwa eye'e emutu eti nujaneanana israelítana éjanerepairuana'i te tamutu awasareana.

1 Pedro 1:1

Nuti Pedro, maye'enu apústule ema Viákenu Jesucristo. Nukajure'e eta juka eti nuchamuriana éjanerepairuana'i ekakijikeneana'i taye'e eta apana awasareana, eti iávi'ana'i te Tinapaika te Ponto, eti iávi'ana'i te Galacia, eti iávi'ana'i te Capadocia, eti iávi'ana'i te Asia, étipa eti iávi'ana'i te Bitinia,

1 Juan 2:2

Ema, tímikapakawa'i táichavene'i eta makaepa'airayare'i eta vipekaturana apaesa viúri maye'e ema Viya, wá'isera tákarichu eta vipekaturana víti. Táimikapaka'i ema eta makaepa'airayare'i eta napekaturana namutu ena achaneana te juka apake'e.

1 Juan 3:1

Íma'a, tétavikawa eta máemunasira'avi'i ema Tata Vikaiyakene, tímijarecha'avi'i machichanaveana. Puíti'ipa yátupikene'i machicha'avipa'i. Énasera ena apamuriana achaneana wicha'a nákaikutiara'ini eta makachichaira'avi'i ema Viya, taicha wicha'a náimati'ini eta máemunaraiwa'i ema.

1 Juan 3:10

Nákani wa'i tíchana'i eta táurikeneana, wá'iware náemunaka'ini ena nachamuriana, náimereka'i eta wa'i machichawakaina'ini ema Viya. Nímereka'i eta machichairawaka'i ema wínaraji. Vítisera, víchira'i eta táurikeneana, étapa eta vémunasirakaka'i, vímerekawa'i eta makachichaira'avi'i ema Viya.

1 Juan 3:2

Nuparapenaveana némunarukeneana, machicha'avipa ema Viya. Vuícha'asera tímecha'avi ema eta viúriwayare. Véchaipasare eta vikutirayare ema Jesucristo eta te machawa. Taicha víma'ayare eta máima'ikene ema.

Apocalipsis 5:9

Tijirana'i eta juka jirasare arapiru, ánipa naka'e: “Pikarichu píti tituparakavi'i eta pikaratasirayare eta ajureka, pivepistasirayare eta taye'eana sello, Tituparakavi'i taicha píjarakawa'i píti tímikapakavi'i, eta pepusaisira'i eta pítine eta viwacharesira'avi'i vimutu te mamira'u ema Viya víti apaimamajikene'avi'i te juka apake'e, apánapaneneji'iware eta vechejiriruwa. Apawasana te juka apake'e.