San Juan 10:28 - Táurinakene máechejiriruwa’i ema Viya tikaijare

²⁸ Níjarakawakayaresera nuti eta máichekuarakireyare eta naitaresira. Wá'ikene náima'a'ini eta náikuñayareni. Nájinaware tiverejikanuanaima'i ena nujanearuana'i.

Ignaciano

²⁸ Níjara­ca­va­ca­ya­resera núti eta náitare­si­rayare máichecua­ra­qui­reyare. Váhiquene náimahahini eta náicuñayaréni. Nájinavare tivere­ji­ca­nua­naimahi ena nujanea­ruanahi.

San Juan 10:28 ပူးပေါင်းရင်းမြစ်များ

Marcos 13:22

Tási'asera titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

San Lucas 23:46

Ema Jesús tipiararekapa muraka, tási'a maka'epa: –Tata, pijakapa eta náchanewa. Te títapirikapa, tépenapa.

San Juan 10:29

Taicha máijararunuana'i ema Tata. Ema, najina tikachuriakaina'ini, nájinaware tirata'aima'i tiverejikaima'i ena majanearuana'i.

San Juan 11:25

Taka'e ema Jesús máichawarepa: –Jé'eware nuti, nukaitarera'i nákani nukaechepureanaya. Táitusiawa numetakavi, nákani tisuapanuanayare, tayanapanepuka náepena, nukaitarekayaresera núti;

San Juan 14:19

Puiti juka sacheanayare, ena achaneana waipa tíma'anuanaima'i. Étisera íma'anuparakaya, taicha nuchawayare'i nítareka. Eti apanaware ítarekayarewa nícha nuti.

San Juan 17:2

Yátupi'i eta píjarasiranu'i eta akenukairanuyare, te namira'u namutu ena achaneana. Nukaitaresirayare'iware namutu ena píchu'akeneana'i píjararunuana'i.

San Juan 18:9

Étapaichu'i eta máechejiriruwa'i ema Jesús te tiyujarakaipa Tata nájina émanaina'ini náemitiaka'ini te namuri ena pijararunuana'i.”

San Juan 3:36

Eta taka'e, nákani tikasiñanayare ema Machicha, maichekuarakireya eta náitaresira. Namutusera ena makasiñara'ana'i ema Machicha ema Viya, wa'i títarekanaima'i, taicha tanasi'i eta naviurewana táichavene'i eta napekaturana'i, tikaikuñanayare'i máitawakakayare.”

San Juan 4:14

Nákanisera téranayare eta une níjararuyare'i nuti, waipa tiápechawanaima'i timauneana. Máichekuarakirenapa eta náitaresira.

San Juan 5:24

“Yátupikeneware numetaka'e. Nákani tikakiñanayare tisuapanayare eta néchejiriruwana, nasuapaware eta nukawana'ira'i maye'e ema Tata, ena máichekuarakirenapa eta naitaresira; waipa tikaikuñanaima'i. Taicha ena, tiúchuku'anaipa taye'e eta náikuñayareni.

San Juan 6:27

Wa'isera ekukaeñamarakawa eta etánusira eta enikakenerepi taicha títawayare'i, tatuparaka'isera etanukayare eta tinikakare tikaitareka'eyare'i, máichekuarakiraya eta naitaresira. Etara eta juka níjararu'eyare'i nuti Manerejirunu'i ema Viya, ema Tata manaka'i eta tímereuchanu'i eta yátupira'i nuwanekasiwa'i eta maye'e ema.

San Juan 6:37

Namutu nákani tipauchanuanayare, nuti wa'i néwatajikawakaima'i, taicha tási'akeneichu'i me Tata eta máijarasiranu'i.

San Juan 6:47

Nutupiruwa'i numetaka'e, nákani tisuapajira'iana, najachapayare eta máichekuarakirayare eta naitaresira.

San Juan 6:68

Ema Simón Pedro majikapapa: –Tata maestro, távi'apuka wakaiju'e'ini, eta péchejiriruwana tétavikawa'i eta máichekuarakire eta vitaresira.

Hechos 7:59

Taka'e, nana'akaipa natupisika'i, ema Esteban, tiáne'iripa nakapaka, émasera tiyujarauchawaicha'a. Ánipa maka'e'i: “Tata Nákenu Jesús, pijakapinanu eta náchanewa.”

Romanos 5:17

Etanaichu'ineni eta pekatu máejekapirawa'i ema Adán. Tiámairijika'avi'ipasera eta vépeniraya vimutu. Émasera ema Viya tiápajukawaipa eta majapanuira'avi'i. Tijakapa'avipa máichavene'i ema émanakeneichuware achane, ema Jesucristo. Tíjaraka'avinawarepa eta arairuyare vítaresirayare vimutu viti vikasiñawana'i eta maye'e.

Romanos 5:2

Máichavene'i ema Cristo, tétavikawa'i eta majapanuira'avi'i ema Viya. Tási'a, tijakapa'avipa, táichavene'i eta vikasiñawaira'i eta maye'e, vijakapirayare eta víkuchi'i visiapirayare te majaraiwa'i ema Viya.

Romanos 5:21

Taka'e, eta pekatu, ichape eta támaparauchira'avi'i taye'e eta vépenira. Étasera eta majapanuira'avi ema Viya tiámaparaucha'avipa'iware eta vijakapakarewa'i maye'e. Tási'a, píjaraka'avinawarepa eta vítaresiraya máichekuarakireyare máichavene'i ema Viákenu Jesucristo.

Romanos 5:9

Tási'a puiti, vijakapakareipa me Viya táichavene'i eta vikasiñaira'i ema Jesucristo eta máepenina'avi'i. Ichape'inéni eta véjekapirawa'i, mawara'a'isera ema makaepa'ayare'i eta víkuñayare'ini.

Romanos 6:23

Eta tawacha eta vichira'i eta pekatu etachucha vijachapa eta ekuñaraki, emasera ema Viya mawara'a tijarakasicha'aviyare eta vitaresirayare maichekuarakirenapa taichavene eta visuapira ema Viákenu Jesucristo.

Romanos 8:1

Puítisera, viti viáwa'akanaipa'i ema Jesucristo, waipa vikaikuñáima'i.

Romanos 8:29

Akaneipa'i eta máimatira'avi'i, tinerejika'avipa machicha'aviyare'i. Mawara'a'i ema vikutiyare ema Machicha Jesucristo eta máuriwa'i. Tímikutijirikawayare'i viparapeya ema, véchavimuri'i eta makachichaira'avi'i.

Filipenses 1:6

Ema Viya, tétavikawa eta máurichira'e'i eta ítaresira kape juka. Nuti, tétavikawa'i eta nukasiñawaira'i maye'e eta máimiyanirawaina eta máurichira'eyare, mawaraira'i iuri eta machimapira'eya ema Jesucristo te jena sache machavirayare.

2 Tesalonicenses 2:13

Étisera, nuparapenaveana, máemunaruana'i ema Viya. Víti tatuparaka vi'ásulupayachaparakayare ema Viya íchavene'i eti, taicha manerejiru'e'i ema Viya te tépanawainapa. Táitusiawa, te esamapa eta vimetarairu'i, etupiruwapa ejakapa'i; taicha esamapa eta máichuira'e'i ema Machanewa Viya.

1 Timoteo 1:16

Émasera ema Viákenu Jesucristo tijapanunu'i, táitusiawa tíchu'anu'i nuti. Taicha mawara'a'i máimerekayare ichape eta majapanuiranu'i eta nuye'e. Nuwayurewakenéni'i eta nukapekaturaráiwaini'i, eta taka'e, nukaikutiarapa eta majakapirayarewa namutu ena tisuapanayare, máichekuarakirenapa eta náitaresiraya máicha.

2 Timoteo 1:12

Eta tímikaviuchanu'i eta juka, puíticha nukatajiwa'i ichape, taicha eta nítauchira'i eta nutuparakasiwa'i. Wá'isera nutsiri'a eta né'isira'i, taicha nímati'i nuti eta yátupira'i eta makasiñakaréwa'i ema nukasiñakene'i. Nécha'iware eta majakapira'i tamutu eta nématanerepiana. Nukunewainapa eta jena sácheyare eta máijarasiranuyare eta níkuchi'i maye'e.

Hebreo 7:25

Tási'a puiti, makarichu ema marata'a'i tikatiucha'avi'i viti vikasiñana'i ema. Ema, tikaitekapa'avi'iware me Viya. Máitawakakayare'i eta máechejiuchira'avi'i.

1 Pedro 1:5

Puítisera, tétavikawa'i eta máitupajijiasirawa'i ema Viya eta majaneasira'e'i, táichavene'i eta ekasiñawaira'i maye'e. Taicha mawara'a tikuchuku'a'eyare te jena sache táepanirawayare eta viúritaresiraya.

1 Juan 1:2

Ema, matiari'i'i akane, manasikeneipa'i maye'e ema Maiya. Tiúkupaikapasera eta viye'e. Víti vímatipa eta achánekenera'i ema. Tási'a, puiti vimetaka'e eta juka víma'akene'i étapa eta visamakene'i.

1 Juan 2:19

Ena tikatianakana ema Cristo náuchure'i eta viye'e. Wá'isera viúmuriwaina'ini ena, taicha te viúmuriwaina'ini, nanasi'ichu'ini eta viye'e, náerajiruwaipa'isera eta viye'e. Tási'a, vímatipa eta wa'i viúmuriwaina'ini.

1 Juan 2:25

Eta'i eta juka máikure'avi'i ema Viakenu Jesucristo, tíjaraka'aviya máichekuarakirenapa eta vítaresira.

1 Juan 5:11

Étaichuware eta juka eta mametasira'i ema Viya, eta máijarasira'aviripa eta vítaresirayare máichekuarakirenapa, ema Machicha ema Viya, ema técha'i eta vítaresira.

San Judas 1:1

Nuti Judas mawanara ema Jesucristo, maparapenuware ema Santiago, néchejika'ewaka emutu eti maichu'akene'i maemunaruana ema Tata Viya, taicha tetavikawa'i eta majaneasira'e'i ema Jesucristo.

San Judas 1:21

Tauri eta ítaresira, wa'i ekuemitisikawa'ini eta táetaviuchirawa'i eta máemunasira'e'i ema Viya, tási'a ekuchapa eta jena sácheyare táepanirawaya eta vítaresira, máitawakakayare eta vítaresiraya, taicha eta majapanuira'avi'i ema Viákenu Jesucristo.

San Judas 1:24

Ema Viya, tétavikawa eta máitupaijiasirawa'i. Makarichu'i ema marata'a tikatiucha'avi taye'e eta víkuñayare'ini. Taicha mawara'a'i máepachinachayare eta iáchanewana, takuija'iwaréni eviurewaina eta mámira'eyare te mamira'u te jena sácheyare,