San Juan 1:34 - Táurinakene máechejiriruwa’i ema Viya tikaijare

³⁴ Puiti nímatipa ema. Táitusiawa numetaka'e puiti eta émaira'i ema Machicha ema Viya.”

Ignaciano

³⁴ Tásiha puiti, nímatipa éma. Táitusiava numetacahe puiti eta émairahi ema Cristo, Machicha ema Viya —máichavacapa ema Juan.

San Juan 1:34 ပူးပေါင်းရင်းမြစ်များ

San Mateo 11:27

“Ema Tata Nukaiyakene, ema tíjarakanu'i eta nútiraya néchaya tamutu. Nájina timatina ema machicha emachucha ema Vikaiyakene, nájinawa timatina ema Vikaiyakene emachucha ema machicha manerejiru.

San Mateo 16:16

Ema Simón Pedro majikapapa: –Pítira ema Cristo, Machichakenevi'i ema Viya, ema tijaraka'avi eta vitaresira.

San Mateo 17:5

Tási'a, téchejikaicha'a ema Pedro, tiáramikarepa eta úkaji táepakumuri'a'i ena, tétavikawa'i eta tajanunusira'i, tási'a nasamawarepa eta ma'u ema Viya, taye'e eta úkaji ani maka'e'i: “Ema maka, ema Nuchicha némunarukene'i. Ema nunerejiru'i: esamayare.”

San Mateo 26:63

Émasera ema Jesús timatinaichucha. Ema tachutiri'a ema tiyujarakara'i máichapa: –Pátupiruwa pimetaka'avi te yátupi'ipuka pítikene'i ema Cristo, Machichakenevi'i ema Viya.

San Mateo 27:40

tási'a ánipa naka'e: –¡Pítitataji Pika'echejiriruwa'i eta piákipaisirayare'íji eta mapena ema Viya, piráta'a'iwareji pímichawa pikatupi'a eta, mapanayareichu sache! ¡Puiti viwara'a víma'a eta pítupajijiasirawa'i, te yátupipuka Machichavi ema Viya piúkupaika te jara crusu!

San Mateo 27:43

Té'eware te yátupi'ipuka tikasiñawa'i me Viya: ¡viwara'a víma'a makuchuku'a ema puítinaichu, te yátupi'ipuka máemunaka'i ema! ¿Taicha maka'e'i eta máechejiriruwa'i eta Machichaira'i ema Viya?

San Mateo 27:54

Taka'e, ena tijanearekana'i, émapa ema kapita, te náima'apa eta tayayakarewa'i eta apake'e, étapa eta apamuriana tiáramikareana'i, ichapeine'i eta napisira'i, tási'a naka'epa: –¡Yátupikeneichuyapa ema maka achane, Machicha'i ema Viya!

San Mateo 3:17

Taka'e, nasamapa eta ma'u ema Viya tási'akene'i te anuma. Ani maka'e'i: “Pítira nuchicha némunarukene, núrisamurecha piye'e.”

San Mateo 4:3

Emasera, ema wínaraji témeña'awapa maye'e ema Jesús, mawara'apa makaetemayare'i, ánipa máicha: –Te yatupinapuka machichavi ema Viya, piwaneka eta juka máriana táepiyakawa eta pan.

San Mateo 4:6

tási'a, máichawarepa: –Te yátupina machichavina ema Viya, pémirika te anuke'e. Péchaichu'i eta táechejiriruwa eta Ajureka ani taka'e'i: ‘Ema Viya mawanekayare ena maye'eana ángeleana téchapajirikavianayare. Taicha ena tikaratakavianaya te nawa'uana, apaesa wa'i pikukayutetu te máriana eta pipaisirayare.’

San Mateo 8:29

tási'a tipiararekanapa: –¡Wa'i pikuimisiapawa eta viye'e, piti Machichavi'i ema Viya! ¿Pitekapa ani piwara'apa pikuñaka'aviyare? Viti wícha'a viwara'a vikaikuña.

Marcos 1:1

Ani taka'e'i eta taepanirawa eta máechejiriruwa, ema Jesucristo, machicha ema Viya, te títekapaucha'avipa te vitaraku mamétasira'avi'i eta táurinakene'i máechejiriruwana ema Viya.

Marcos 1:11

Taka'e, nasamapa eta ma'u ema Viya tási'akene'i te anuma. Ani maka'e'i: “Pítira nuchicha némunarukene, núrisamurecha piye'e.”

San Lucas 1:35

Émasera ema ángele máichawarepa: –Pikachichayare taicha eta máitupajijiasirawa'i ema Viya. Timikáuchaviyare eta majaraiwa, tási'a, tisiapa'akavinapa ema Machanewa Viya. Eta taka'e, ema amuya pínaruyare, santuyare ema, taicha machichayare'i ema Viya. Náimatiyare namutu eta machichaira'i ema Viya.

San Lucas 3:22

Taka'e, nasamapa eta ma'u ema Viya tási'akene'i te anuma. Ani maka'e'i: –Pítira nuchicha némunarukene, núrisamurecha piye'e.

San Juan 1:18

Yátupikene, nájina náimati'ini eta máima'i ema Viya, makarichukene ema Machicha, émaichu'ineni ema Viya kachanekakana'i ema Maiya, éma'i tímimaticha'avi'i ema Maiya.

San Juan 1:49

Ema Natanael máichapa: –Maestro, ¡píti'ipa yátupikene Machicha ema Viya, pítira yátupikene Rey-vi'i viye'e viti israelítana!

San Juan 10:30

Taicha nuti emapa ema Tata vikutikaka'i eta vítupaijiasirawawaka'i.

San Juan 10:36

Nútipa puiti, nuvetijipa nímijarechakare Viya taicha émarichu ema Viya tinerejikanu'i, tiwanekanu'i eta núkupaisiraya te juka apake'e, ¿Taja'a takayema eka'e eta nepuru'i ema Tata, eta nuka'era'i nuti machichanu ema Viya?

San Juan 11:27

Esu sujikapapa: –Yatupi nusuapavi, Tata, pítira yátupikenevi'i Cristo, ñichichavi eñi Viya, pítiripa piti vikuchapakenévi'i píteruyare'i te juka apake'e.

San Juan 19:7

Ena akenukara'ana juriyuana najikapawarepa: –Taicha jarari'i eta viye'erepichu viti, puiti viwara'a maepena ema, taicha tímijachawa'i Machicha'i ema Viya.

San Juan 20:28

Taka'e, ema Tomás tipiarakapa: –¡Tátachicha, piti yátupikenevi Viya!

San Juan 20:31

Nuwara'asera ákaikutiara eta nájureana'i apaesa esuapa'ini ema Jesús eta émairakene'i Cristo, Machichakene'i ema Viya. Taicha te esuapapuka ema, máitawakakayare eta ítaresirayare te maijare ema.

San Juan 6:69

Víti vitupiruwa'i eta visuapiravi'i. Vécha'iware eta yátupikeneravi'i Cristo, Machichakenévi'i ema yátupikene'i Viya.

Romanos 1:4

Émasera ema Machanewa Viya, maimikacherachapa eta émaira'i Machicha ema Viya eta maitupajijiasirawa'i, etapa eta maechepusirayare'e te maekari.

2 Corintios 1:19

Taicha kape juka, te nimituka'epa nuti, émapa ema Silwano, ema Timoteo, vímimaticha'e'i ema Jesucristo, Machichakene'i ema Viya. Puiti ímatipa ema, tájinakene'i mawayuaraiwaina ema,

Hebreo 7:3

Ema Melquisedec, wa'i táimatikare'ini eta majurusira'i, eta máuchusira étapa eta máepenira'i. Nája'a'ipuka ena tikachichana'i. Eta matupara'a'i, ene maka'e'i puiti ema Machicha ema Viya, nájina máitsiwaina'ini. Máichekuarakire'i eta máwakure.

1 Juan 2:23

Nájina tiáwa'akanaima'i ema Tata, ena wa'i nasuapa'ini ema Jesús eta machichaira'i ema Tata Vikaiyakene. Viáwa'aka'isera víti ema Tata Vikaiyakene vimutu viti visuapana'i ema Jesucristo eta machichaira'i ema Viya.

1 Juan 3:8

Ema ticha'i eta tamaurikeneana tímereuchawaka'i eta machichairawaka'i ema wínaraji. Taicha ema winaraji, ema tinakucha'i, tákenu'i eta pekatu. Eta taka'e, eta maitesira'i ema Machicha ema Viya, makaepa'airayare eta majarareruana'i ema wínaraji.

1 Juan 4:9

Ema Viya, tímecha'avi'ipa eta máemunasira'avi'i, eta mawanesira'i ema makarichukene Machicha, mawaneka'i títeka te juka apake'e, tíjaraka'aviyare eta vítaresirayare máichekuarakirenapa.

1 Juan 5:20

Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.

2 Juan 1:9

Viti visuapa'i eta máimiturapiana ema Cristo, viti viáwa'aka'i ema Tata Vikaiyakene émapa ema Machicha, wá'isera náwa'akaima'i ema Viya nákani wa'i náwara'a'ini nasuapa eta máimiturapiana ema Cristo. Tasapi'apa, náimituka'i eta naye'echirawaihu eta napanereruana.

Apocalipsis 2:18

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te awasare Tiatira: ‘Nuti Machichanu'i ema Tata Vikaiyakene. Nuti nímati'i tamutu, taicha tijara'iwaka eta núki'ana, tétavikawa'i eta tawayu'aukiraiwa'i. Eta níwapeana tijanunukawakawa takuti eta bronce eta tajanunusira'i: