San Juan 1:14 - Táurinakene máechejiriruwa’i ema Viya tikaijare

¹⁴ Émaichu'ineni ema Echéjirirukawa, tépiyakawapa ajaira'i, tási'ia tikachane'avipa viye'e viti, tási'a vima'a'i eta majaraiwa, majachapakene'i me Maiya, táicha makarichu'i machicha, tetavikawa'i eta yátupikenera'i maemunaraiwa'i.

Ignaciano

^14-17 Viti véhicanahi ema Jesús eta matiari­hirahi te juca apaquehe, yátupi eta vímatirahi éma. Vímahahi te viúquihana. Vímati­varepa eta másihairahi te anuma, eta émairahi ema macari­chu­quenehi Machicha ema Viya. Yátupi­hivare eta víyairahi éma, macutihi ema Maiya. Éma, tímima­tirahi me Viya, taicha éma máimerecahi eta máetaviu­chirahi eta máemuna­si­ra­havihi, máimechi­ra­ha­vi­hivare eta yátupi­queneana mapane­reruana ema Maiya. Ema víyarahaini Moisés ticatu­pa­rahahi me Viya eta máimitu­si­ra­havihi viti achaneana eta vanairipiana. Émasera ema Jesucristo ticatu­pa­rahahi me Maiya eta máimitu­si­ra­havihi eta máemuna­si­ra­havihi, étapa eta máechaji­ri­ruvana yátupi­queneana ema Viya. Ema Cristo, tétavi­cavahi eta máuriva eta viyehe vimutu. Eta majanea­si­ra­ha­vipahi, tíjara­ca­havihi eta vitumevahi te tamutu sácheana. Émaripa ema Juan, ani macahehi eta máechaji­si­hairahi ema Jesús: “Émara ema maca ema néchaji­si­ha­quenehi eta eyehe cape juca. Yátupi núti nínapucahi eta núchusirahi, émasera matiari­hi­que­neipahi eta acane, májina­nui­chahahi núti. Eta tacahe, tipicau­cha­ca­re­panahi eta nuyehe” macahepa.

San Juan 1:14 ပူးပေါင်းရင်းမြစ်များ

San Mateo 1:16

Ema Jacob makachichapa ema José, ema suíma'i esu María, máena'i ema Jesús, ema tikaijare Cristo.

San Lucas 2:11

Puiti te jena awasare Belén, máwasaini ema rey David, tiúchukaipa ema Tikatiura'iyare eye'e emutu eti. Ema, tikaijare Cristo Tataya.

San Lucas 2:7

Taka'e, tinákapa jena yati. Suínakapa ema amuya suárachicha'i, suáyuruakapa te mámaratataji, sukaivekapa ema amuya alauchu sukaivekapa taye'e eta pesebre, taicha tajinaipa'i tavirawaina'ini taye'e eta naitekapirare'i.

San Lucas 9:32

Tawara'aipaichanéni tímaka ema Pedro énapa ena apinana machamuriana'i. Té'esera te náima'apa eta majaraiwa'i ema Jesús, énapa ena apinana ajairana tiúkupauchana'i.

San Juan 1:1

Te táepanirawa'i tamutu, tatiari'ikenepa'i eta Echéjirirukawa, mákani Echéjirirukawa'i makachaneipa'i ema Viya, émakene'i ema Viya.

San Juan 11:40

Ema Jesús majikapawarepa: –Kápachi numetakavipa, te pisuapanu yátupina, píma'ayare eta makunachakarewa'i ema Viya.

San Juan 14:6

Ema Jesús májikapawarepa: –Nútira né'ikakare'i, núti'ichuwa yátupikenenu'i. Nútiware nukaitarera'i, nájina apanaina ákasiñaima'i eta ítekapirayare me Tata.

San Juan 14:9

Ema Jesús majikapawarepa: –Ánakiapaipa eta pikachaneranu'i piti Felipe, wícha'akaruware pímatinu. Eti íma'anuipa'i, ímatinuipaware yátupi'i. Tímikutijirikawaipa'i émaina'ini ímararaka'ini ema Tata. ¿Tája'a takayema piwara'aicha'aware nímechavi ema Tata?

San Juan 17:22

Nuti níjarakawakaipa'i ena eta náitupajijiasirawakayare'i, eta pijararunu'i piti, apaesa nakurujikaka nakuti'ini viti eta émanaira'avi'i:

San Juan 17:24

“Tata, píti píjarakanu'i, nuwara'a nakachanenu nuti te navi'ayare, apaesa naima'a eta nujaraiwa eta pijarararunu'i, taicha piti pemunakanu'i akaneipa eta takaepiyairayare eta apake'e.

San Juan 18:37

Taka'e, ema Pilato mayaserekapa: –Taka'e, ¿yátupi'i eta pirrey-wa'i? Ema Jesús majikapapa: –Pitupiruwa'i eta piyaseresiranu'i: nuti rey-nu'i. Eta núkupaisira'i, te juka apake'e, nímitureka'i eta yátupikeneana, nákani tisuapajira'iana, nasamararakayare eta yátupikeneana'i.

San Juan 2:11

Eta juka táinapuiru'i tiáramikare máimereka'i ema Jesús, taye'e eta awasare Caná. Ichapeine'i eta náramira'i ena tinekapana'i eta juka máimeresira'i eta máitupajijiasirawa'i. Taka'e, ichapeine'i eta nasuapira'i ena máimitureana'i.

San Juan 3:16

Taicha ema Viya, tétavikawa'i eta máemunasira'avi viti achaneana te juka apake'e. Eta máemunasira'avi, máijaraka'i ema makarichukene'i Machicha, eta máukupaisira'i eta ani viye'e. Tíjaraka'aviya eta vítaresiraya máichekuarakinepa eta vitaresira.

San Juan 3:18

“Nákani tikasiñanayare ema Machicha ema Viya, wa'i tikaikuñanaima'i; nákanisera wa'i nakasiña'ini ema, táimikuñakawakayare'i eta naviurewana'i, taicha wa'i nasuapa'ini ema machicha makarichukene Viya.

San Juan 6:51

Nutira eta pan tikaitarekara'i, taukupairu'i te anuma, nákani tinikanayare eta neche, máichekuarakireyare eta náitaresiraya, eta juka pan nijararu'eyare eta'i eta neche, taicha nuwara'a takaitarekawaka'ini namutu ena achaneana.”

San Juan 8:32

tási'a, ímatinapa eta yátupikeneana táurikeneana, eta taurikeneana eta tikatiucha'eya, taicha te vimati eta taurikeneana vimatiya eta maemunasira'avi ema Viya.

Hechos 13:33

títauchawaipa'isera eta máechejiriruwa'i, maikure'avi'i viti machichanaveana, taicha makaechepuka'i te máekari ema Jesús. Étara takayemakene'i eta apinakene Salmo: ‘Pítira nuchichavi; nímimatichaviyare naye'e ena achaneana eta nuchichairavi'i eta nukaechepusiravi'i te pékari.’

Romanos 8:3

Taicha ema Viya, eta máimaira'i eta vimaetumechirawa'i, vimárata'aira'i vítaucha'ini eta wanairipiana, mawanekapa tiúkupaika'i ema Machicha, makake'eyare'i eta juka viáke'e viti achaneana. Eta máijarasirawa'i, makamitiekene'aipa eta tapamisira'avi'i eta viáke'e eta vikapekaturairana.

Romanos 9:5

Mametaka'iware eta máitesirayare'i ema tikatiura'iyare naye'e. Ena nani, tétavikawa'i eta táuriwa'i eta náikuchiyare'ini taicha manerejikawaka'i ema Viya ena máumuriwanaichu'i ema Cristo, najaneanaichu'i eta máukupaisira'i te juka apake'e. Puíticha émaipa técha'i tamutu. Máitawakakaipa eta vijirauchira'i. Amén.

1 Corintios 15:47

Ema ajaira máinapuiru'i, te tikaepiyainapa, máteji eta máke'e'i, ema táwapa'iyare'i eta apake'e. Émasera ema apana ajaira, máwasaichu'i te anuma.

2 Corintios 12:9

émasera ema Viya, ánipa máichanu'i: “Wicha'a nukanarakavima'i. Nujapanuvisera, níjarakaviyare ichape eta pitumewaya, tayanapane eta pimaitupajijiasirawa'i, taicha nuwara'a náimatiyare'i ena achaneana eta nítupajijiasirawa'i piye'e.” Eta taka'e, núrisamureichucha puiti eta tamajinaira'i eta nítupajijiasirawaina'ini apaesa máimerekawa'ini ema Cristo eta máijarasiranu'i eta máitupajijiasirawa'i.

Gálatas 4:4

Émasera ema Viya, te máima'a tiuri eta táitauchirawayarepa eta mapanereru'i, máewatakapa ema Machicha te juka apake'e. Ema Jesús, tiáchanechawapa te suju'e esu maena. Eta máuchusira'i, viwasima'i eta vikake'era'i viti achaneana, eta majurusira'i, tikarawa'upa eta viye'erepiana viti israelítana,

Efesios 3:8

Wa'i németeakawa'ini nútinasami'ini manerejika, taicha narari'i'i ena títupajijiapanawana'i eta nuye'e, tijapanunu'isera ema Viya, nútisamipa manerejiru'i, mawaraira'i numetapana'e eta máichuira'e'i eti apana eti apawasana, eta ejakapiraya eta táurikakarekene víkuchi maicha ema Cristo, tétavikawaya eta viúrikakarewayare.

Colosenses 1:19

Taicha ema Viya máijarakapa ema Machicha makutiyare'i eta masantuwa'i, étapa eta máuriwa'i, étapa eta máitupajijiasirawa'i.

Colosenses 2:3

Nájina mákuti ema Cristo, ema tíjaraka'avi'i tamutu eta vítupajijiasirawana'i, véchemara'iwaka'i máicha.

Colosenses 2:9

Ema Viákenu Jesucristo, jé'eware ema, yátupikene'i santu, taicha tikutikakana'i ema Tata Vikaiyakene eta nasantuwana'i ena, tikutikakana'iware eta náuriwa'i, étapa eta náitupajijiasirawa'i,

1 Timoteo 3:16

Taicha eta juka vé'iru'i vimutu, tétavikawa'i eta táuriwa taechapewa'i: Ema Viakenu timerekawa'i eta máukupaisira'i makake'era'i eta juka viake'e'i viti achaneana, émaipa ema Machanewa Viya makametarapi'iware eta yátupira'i Machicha ema Viya. Náima'a'iware ena ángeleana eta máechepusira'i te máekari. Nakametarairpa tamutu awasareana, namutu achaneana nasuapa'i te juka apake'e. Ichapemuriana ena tijachapána eta majaraiwa te anuma.

Hebreo 1:3

Ema tikaye'e'i eta majaraiwa'i máijararu'i ema Maiya. Eta máukupaisira'i eta viye'e, tímimaticha'avipa eta máuriwa'i ema Maiya. Tási'a, te tamutupa eta makaepa'aira'i eta vipekaturana, tichawapa te anuma. Ánaki ema Maiya makaejakapa te maejasi'ayare te mawaure,

Hebreo 1:5

Taicha eta máechejiriruwa'i ema Viya maye'e ema Cristo, ani maka'e'i: “Píti yátupikenevi'i nuchichavi; “nuti nukachichavi'i puiti.” Wá'isera máicha'ini emanaina'ini ena ángeleana: “Nuti pikaiyakene'i, “Ema yátupikene'i nuchicha.”

Hebreo 10:5

Étasera te tiúkupaikayareipa'i te juka apake'e ema Cristo, ánipa maka'e maye'e ema Maiya: “Wa'i pákamunu eta nukamawa'u'ini nunakikawa'ipukaini eta piye'e, Píti píjarakanu'i eta juka náke'e'i.

Hebreo 2:11

Eta máepachinachiraipa eta viáchanewana, visiapamuri'aipa ena machichanaveana'i ema Viya, vikuti'ipa ema Jesús eta machichaira'i ema Maiya. Eta taka'e, ema Jesucristo, ichape eta máurisamurewa'i eta viye'e eta majakapira'avi'i maparape'aviyare.

Hebreo 5:5

Ene maka'e'i ema Cristo, wa'i émajiriruwaina'ini eta makatupara'aira'i tiyaseura'iyare'i eta viye'e. Émaichu'i ema Viya tíjaraka'i eta matupara'a'i mapika'uyare'i, taicha ani maka'e'i ema Viya: “Píti yátupikenevi'i nuchicha; puiti nukaejakavi'i te piáwakure.”

1 Juan 4:14

Tási'a, viti vikachaneanaipa ema Jesús, vimetakawakapa'i namutu ena vímanaruanapa'i eta máukupaisiraipa te anuma, taicha viwara'a náimatiyare namutu eta mawanesira'i ema Viya máiteka ema Machicha tikatiucha'aviyare vimutu viti achaneana te juka apake'e.

1 Juan 4:9

Ema Viya, tímecha'avi'ipa eta máemunasira'avi'i, eta mawanesira'i ema makarichukene Machicha, mawaneka'i títeka te juka apake'e, tíjaraka'aviyare eta vítaresirayare máichekuarakirenapa.

2 Juan 1:7

Narari'i te juka apake'e te viávi'a'i ena nawara'a'i tikaetema'eanaya, ena nani, wa'i náwara'a'ini náimikaecheracha'ini eta máuchusira'i yátupikenera'i achane ema Jesucristo. Ena nani, tiwayuara'iana'i, tikatianakana'iware ema Cristo emapa ema anticristo.

Apocalipsis 19:13

Eta mamuiri'a tikaepapame'i te iti, tási'a eta máijare: Tímimatira'i me Viya.

Apocalipsis 21:3

Nusamawarepa muraka eta ma'u ema ángele, tiási'a'i te anuma. Ánipa maka'e: “Puiti, ema Viya makukupaikapa eta mapena te juka apake'e, áninapa mavi'ayare viye'e viti achaneana. Tiáwa'aka'enapa eti achaneana, yátupikenenapa Ekaiyakeneya ema.