Hechos 9:34 - Táurinakene máechejiriruwa’i ema Viya tikaijare

³⁴ Ema Pedro máichapa: –Eneas, ema Jesucristo tikanarakaviya. Péchepukapa pive'apa eta piyereruwa. Ema Eneas enewanepa téchepuka.

Ignaciano

³⁴ Máichapa: —Pésenicanu, Eneas. Ema Viáquenu Jesucristo ticana­ra­caviya. Puiti tájinapa eta pijumaini. ¡Péchepuca! —máichapa. Tacahe, ema Eneas enevanepa téchepuca. Tájinapa máichira­vai­nahini.

Hechos 9:34 ပူးပေါင်းရင်းမြစ်များ

San Mateo 8:3

Ema Jesús maemamakapa te mawa'u, tási'a majikapapa: –Nuwara'a nukanarakavi. ¡Puiti tajinapa pichirawaima'i! Énewaneine'i témitiaka'i eta majumaini'i caracha.

San Mateo 9:6

Tiuri puiti nímereuchawainapa, ema Machicha ema Ajaira, eta marata'aira'i makaepa'a eta pekatuana te juka apake'e. Taka'e máichapa ema murakaki'a: –Péchepuka, pive'a eta pímakaraji, tási'a piyanapa te pipena.

San Juan 2:11

Eta juka táinapuiru'i tiáramikare máimereka'i ema Jesús, taye'e eta awasare Caná. Ichapeine'i eta náramira'i ena tinekapana'i eta juka máimeresira'i eta máitupajijiasirawa'i. Taka'e, ichapeine'i eta nasuapira'i ena máimitureana'i.

Hechos 16:18

Ichapemuri eta sácheana eta sué'ikarairisira'i, mapuñakapa ema Pablo. Tékerukawapa, tási'a máichapa ema éreana ema tiáwa'aka'i esu: –Te máijare ema Jesucristo, nuwanekavi piúchuka te suáke'e esu suka amaperu. Enewanepa tiúchuka ema éreana, majunijiakapa esu.

Hechos 3:12

Taka'e, eta máimaira'i ema Pedro ena achaneana náramira'i eta juka, máichawakapa: “¿Taja'a takayema tátanaveana, nujaneanana israelítana? ¿Iárami'i eti eta juka víchira'i víti, ímijachapa vítijiwa'i vikanaraka ema maka achane masarini?

Hechos 3:16

Puiti, ímararaka'i eta manarasira'i ema maka masarini. Eta juka eta tímikaecheracha'i eta machavira'i títareka ema Jesús. Taicha éma'i tíjaraka'avi'i eta vítupajijiasirawa'i eta vikanarasira'i ema maka achane, táichavene'i eta vikasiñaira'i ema.

Hechos 3:6

Tási'a, ema Pedro máichapa: –Tájina nakaye'e eta plata uruinapukaini níjarakavi'ini, juka'isera eta juka nukaye'ekene nijarakaviyare: nukanarakaviyare táichavene eta máitupajijisiarawa ema Jesucristo ema Nazareno, nuwanekavi, péchepuka, pipaika.

Hechos 4:10

Vimetaka'eyare puiti, viwara'a vémecha'eyare, eti énapa ena achaneana te juka viáwasa Israel. Ema maka achane, íma'akene'i eta manarasira'i, viwara'a vímimaticha'e eta máitupajijiasirawa ema Jesucristo ema Nazareno takanaraka'i eta vipiarasira'i te máijare ema, émetataru'i te crusu, ekaparu'i, émasera ema Viya makaechepuka'i te máekari.

Hechos 9:33

Ánaki maetupiakapa ema achane tikaijare'i Eneas. Uchu añuipa'i eta makajumaira'i. Wa'i táuri'ini mayamuriaka'ini, wá'iware máechepuka'ini te makamane.

Hechos 9:35

Taka'e, namutu ena tikawasana'i te Lida énapa ena tikawasana'iware te Sarón, náima'apa eta manarasira'i ema achane. Náe'ikapa ema Viákenu Jesús.