Hechos 9:2 - Táurinakene máechejiriruwa’i ema Viya tikaijare

² tási'a ema Saulo mayaseakapa eta ajure naye'e ena akenukara'ana: Eta makaratasirawakayare'i ena te'ikanaicha'a ema Jesús ánaki te peti naurujisirarewa ena juriyuana, te jena awasare Damasco, namutu nákani ajairana, esenanapuka. Mawara'a'i maemeratakawaka eta te juka Jerusalén.

Ignaciano

² Máichapa ema Saulo: —Nuvaraha nuyanaya te jena avasare Damasco. Nuvara­havare píjaracanu eta órdene, eta nucara­ta­si­ra­vacaina ena téhica­na­hicacha ema Jesús, namutu nácani nétupia­rua­na­ya­repahi ajairana, esena­napuca. Nutanu­ca­va­cayare te náuruji­si­ra­revana ena vijaneanana. Présoana­ya­repahi eta námirayare eta te juca Jerusalén —máichapa.

Hechos 9:2 ပူးပေါင်းရင်းမြစ်များ

San Mateo 10:17

Échapawa, taicha tikarataka'eanainapa, tiáma'eanainapa naye'e ena tuparairukana, téstaka'eanainapa te peti náurujisirarewa ena juriyuana

San Juan 14:6

Ema Jesús májikapawarepa: –Nútira né'ikakare'i, núti'ichuwa yátupikenenu'i. Nútiware nukaitarera'i, nájina apanaina ákasiñaima'i eta ítekapirayare me Tata.

Hechos 18:25

Tamutu'i maituka maimatiekene'a'i eta maechejiriruwa ema Viákenu, mawapina'i eta timitureka eta maitaresira ema Jesús, etachuchaneni maimati'i eta maimiturapi ema Juan tikachasirikara'i.

Hechos 19:23

Taka'e, te jena sácheana'i, tisemamurianapa ena apamuriana achaneana taye'e eta Éfeso taicha kamurianapaipa ena té'ikanapa'i ema Viákenu Jesús eta Arairu Achene,

Hechos 19:9

Natiari'isera ena apamuriana murákasamureana, te jákani náurujisirawana, nakaeka'ichucha eta Arairu máimiturapi'i ema Jesús. Taka'e, ema Pablo térajikawapa eta naye'e, máiputsimuri'apa ena tisuapajira'iana'i, mámamuri'apa taye'e eta escuela máimituresirare'i ema Tirano. Ánaki, tímiyanawapa tímitureka tamutu sacheana,

Hechos 24:14

Nútisera nusuapa takuti'i eta nasuapira'i namutu ena viáchukanaveanaini, émaichu'i nukasiña'i ema Viya, ema nakasiñakene'iware ena viáchukanaveanaini, nuti nusuapa'i tamutu eta táechejiriruwa eta Takapika'ukene Ajureka.

Hechos 24:22

Émasera ema tuparairuka Félix máechaipa'i tamutu eta náe'isira'i ena achaneana ema Jesús, énewanapa makaichepaika eta naurujisirawa'i eta náechejirisirawa'i, máichawakapa: –Tiuri, táka'eine achichupaine vécha eta juka, te máitekapa ema nákenumuri ena suntaruana Lisias, nuyaserekaya ema eta juka íchawakenewa'i eti.

Hechos 26:10

eta juka níchira'i te Jerusalén. Tímikatakanuana'i ena tachutiri'ana naye'e ena tiyujarakara'iana, eta nukaratasirawaka'i ena té'ikana'i ema Jesús, nímisiapirawaka'i te nakaeratairare. Eta nímaira'i eta nakapasirayarepa'i, né'ika'i eta napanereru ena.

Hechos 26:12

“Étaichuware tímiyananu'i te awasare Damasco, tiwanekanuanapa ena tachutiri'ana naye'e ena tiyujarakara'iana, tíjarakanuana'i eta wanairuka.

Hechos 6:9

Tatiari'iware te Jerusalén eta apana peti náurujisirarewa ena juriyuana. Tiúrujikawana'i ena israelítana esclawuanaini náuchukureanapa. Ena tiási'ana'i te Cirene, te Alejandría, te Cilicia, étapa te Asia. Nákapaemajirikapa ema Esteban,

Hechos 7:19

Ema maka rey, masapi'apa makatianakawaka'i ena viáchukanaveanaini, makaetemajirikawakapa, makawanairipipa eta wa'i nakueperajika ena amuyana ajairachichana náuchusirawana'i.

Hechos 9:14

Ema, tímiteka'i puiti eta ani, mámapa'i eta wanairipi náijararu'i ena tuparairukana eta te Jerusalén eta máepanira'aviya naeratasira'aviya vimutu viti vé'ikaviana'i eta pijare.”

Hechos 9:21

Namutu ena tisamararakana'i, ichapeine'i nárami, tási'a, naka'epa: –¿Tája'a takayema Émara ema maka ema tipánajirikawaka'i ena té'ikana'i ema Jesús, ena tikawasana te Jerusalén? ¿Tímiteka'i te juka eta makaratakawakayare'i mámamuri'ayare'i, naye'e ena tuparairukana eta te Jerusalén?

2 Corintios 11:32

Takutikene te návi'aipa'i te Damasco, ema tuparairuka'i taye'e, majupa'a'i ema rey Aretas, máimiwanereka'i ena sentinélana te tapajana taye'e eta awasare, mawaraira'i tikaratakanuana;

Gálatas 1:17

wá'isera nuyana'ini te Jerusalén nutanupana'ipukaini ena náinapureana'i apústuleana eta nuye'e nuti. Té'echucha apake'e Arabia nukaiju'e'i, tási'a nuchawawarepa te Damasco.