Hechos 9:16 - Táurinakene máechejiriruwa’i ema Viya tikaijare

¹⁶ Nuti nímechayare eta makatajiwairayare ichape táichavenena'i eta máe'isiranuyare.”

Ignaciano

¹⁶ Núti nímechayare eta macata­ji­vai­rayare ichape táichave­nenahi eta máehisi­ra­nuyare —máichapa ema Jesús.

Hechos 9:16 ပူးပေါင်းရင်းမြစ်များ

San Mateo 24:9

“Taka'e, tikarataka'eanainapa eti, tipanajika'eanainapa, tási'a tikapaka'eanainapa, tási'a namutuya ena achaneana tikatianaka'eanayare táichavene'i eta é'isiranu'i.

San Mateo 5:11

“Tétavikawa eta náurikakarewaya ena, te naichanaka'e, nápanararacha'e ena achaneana taichavene eta e'isiranu'i, étapa eta naepiyaikene'a'erana.

San Juan 15:20

Échawaware eta juka numetaru'e'i: ‘Nájina emanaina ema nakajurure, nakutinasi'ini ema makenu.’ Nuti tikatianakanuana'i, ene eka'eyare'i eti, eta nakatianasira'eyarewa, tási'a te esuapa'ipuka eta nechejiriruwa, éneichuware étijikakayare esuapakakayare.

Hechos 14:22

Eta te juka awasareana, náimitukawarepa ena té'ikanaripa ema Jesús. Náetumechawakapa eta nakasiñawairaina, eta náe'isiraya ema Viya, tási'a náichawarepa. Échawa eta esiapiraya eta máwasa ema Viya, wa'i maejerarena taicha natiari'ya ena katianaka'eanayare ekatajiwayare táichavene eta é'isira ema Viákenu.

Hechos 21:11

Títekapaucha'avipa tíma'apana'aviyare'i, taka'e, mayaseakapa eta máitiju'e ema Pablo, tási'a, títiapechawapa, étapa eta mawa'uana. Tási'a, maka'epa: –Ema Machanewa Viya ani maka'e'i eta máechejiriruwa'i, ena vijaneanana te Jerusalén nakaratakayare ema tikaye'e eta juka itijuere, náitiakaya, náijararekayarewa naye'e ena apawasana.

Hechos 21:13

Émasera ema Pablo máicha'avipa: –¿Tája'a takayema ímipanererekanu eta juka íyauchiranu'i? Wa'i nupika te náitiakanupuka, nuti níjarakawa népena te Jerusalén máichavenena'i ema Viákenu Jesucristo.

Hechos 21:4

Étapa vikainunaine'i ena apamuriana vichamuriana, vinasipanapa naye'e, siete sache vika'e. Te juka, ema Machanewa Viya mametakawaka'i ena vichamuriana eta máichawayare ema Pablo te Jerusalén, taka'e, nametakapa ema Pablo eta wa'i makuitekapa te Jerusalén.

Hechos 9:14

Ema, tímiteka'i puiti eta ani, mámapa'i eta wanairipi náijararu'i ena tuparairukana eta te Jerusalén eta máepanira'aviya naeratasira'aviya vimutu viti vé'ikaviana'i eta pijare.”

Hechos 9:6

Péchepuka, piyana pítekapa te jena awasare; ánaki marari'i ema timetakaviyare eta pítauchakeneyare nuye'e.”

2 Corintios 6:4

Eta taka'e, ichape eta néchapirawa'i te nímitureka. Nímerekawa'i yátupi eta mawanaranuira'i ema Viya. Ichapemuri nukamichira'i eta nukatajiwairana, étapa eta takajerawana eta nítatijirisirawa,

1 Tesalonicenses 3:3

apaesa nakuija nakuchawakuejechawa taye'e eta ekatajiwairana naicha ena tikatianara'iana. Échaichu'i eti, eta vikatajiwairaya táichavene eta vé'isira'i ema Viakenu.

2 Timoteo 1:12

Eta tímikaviuchanu'i eta juka, puíticha nukatajiwa'i ichape, taicha eta nítauchira'i eta nutuparakasiwa'i. Wá'isera nutsiri'a eta né'isira'i, taicha nímati'i nuti eta yátupira'i eta makasiñakaréwa'i ema nukasiñakene'i. Nécha'iware eta majakapira'i tamutu eta nématanerepiana. Nukunewainapa eta jena sácheyare eta máijarasiranuyare eta níkuchi'i maye'e.

2 Timoteo 3:11

pécha'iware eta náichiranu'i ena achaneana, eta nukatajiwaira'i náicha, ichapemuri'i eta napanajirisiranu'i eta te awasareana Antioquía Ichipichu, te Iconio, étapa te Listra, émasera ema Viya tikatiuchanu'i taye'e eta juka náichiranuana'i.

1 Pedro 4:14

Te náume'a'epuka máichavenena'i ema Cristo, tétavikawayare eta iúrikakarewaya eti, taicha tiáwa'aka'eyare ema Machanewa Viya, mási'akene'i te majaraiwa ema Vikaiyakene, tayanapane náepurupuka ema, étisera ekunacha'i ema.

Apocalipsis 1:9

Nuti Juan, núti'ichu echamurinu'i, núti'ichuware ekutikenenu'i eta nawa'asira'i ema Viya, taye'e eta vikatajiwaira'i, vikamicha'isera tamutu taicha tétumecha'avi'i ema Jesús. Taichavene eta vikametarairuira eta maechejiriruwa ema Viya, eta nukawana'ira'i ánaki tejena tiurupu'i tikaijare Patmos.