Hechos 8:12 - Táurinakene máechejiriruwa’i ema Viya tikaijare

¹² Té'esera te nasamapa ema Felipe, nasuapapa eta Arairu máechejiriruwa maimiturapi ema Viya. Makametarairupa eta Mawasa ema Viya akenuka te anuma. Eta émaira'i ema Jesucristo. Taka'e, kamuriana ena ajairana énapa ena esenana ena tikaikachasiana'i.

Ignaciano

¹² Téhesera nasamapa ema Felipe, nasuapapa eta nasamirahi eta máechaji­riruva ema Viya. Náehicapa eta mameta­rairuhi mayehe ema Jesús eta émairahi Cristo, ema nacucha­pa­quenehi. Tacahe, camuriana ena ajairana énapa ena esenana ena ticaica­cha­sianahi taicha eta nasuapirahi ema Jesús.

Hechos 8:12 ပူးပေါင်းရင်းမြစ်များ

San Mateo 28:19

Eyanayare puiti, epaikayare tamutu eta awasareana. Tási'a ímitukayare ena achaneana, nuchaneranaina ena apanaware, íkachasikawakaya te máijare ema Tata, ema Machicha, tási'a émapa ema Machanewa Viya,

San Lucas 9:2

Tási'a, mawanekawakapa tikametarairuanayare eta mawasa ema Viya akenuka te anuma. Tikanararekanayarepa'iware nákani nakajumakeneana'i.

San Lucas 9:60

Ema Jesús majikapapa: –Naima'akakaine náekarakakaicha'a ena máecharaireana, piti piyanaya pikametarairuyare eta máechejiriruwa ema Viya.

Hechos 1:3

Tási'a te táekenepa eta máepenira'i, téchepukapa te máekari, tiápechawaware títareka'i, kuarentakene'i sache eta makáchanerawakaicha'a ena máimitureana. Máimitukawaka'i ena eta mawasa ema Viya akenuka te anuma.

Hechos 11:20

Tási'a, títekapanapa ena te'ikana'i ema Jesús, eta te awasare Antioquía, nasi'apa'i te Chipre étapa te Cirene, énasera tikametarairuanapa eta maéchejiriruwa maye'e ema Viákenu Jesús.

Hechos 18:8

Tási'a ema Crispo, ema'i tachutiri'a'i taye'e eta peti náurujisirarewa ena juriyuana, ema masuapa'i ema Viya, ésupa esu mayena, ena machichanaveana, énapa ena tikawasana'i taye'e eta awasare Corinto, eta nasamira'i eta máechejiriruwa ema Viya, namutupa tikaikachasiana'i.

Hechos 19:5

Te nasamapa eta juka, tikaikachasianapa, te máijare ema Viákenu Jesucristo;

Hechos 2:38

Ema Pedro majikapapa: –Ítsiwacha eta ítaresiraina te mamira'u ema Viya. Eta íjarasirawaya maye'e ema Jesucristo, ekaikachasiya emutu eti. Tási'a, ema Viya makaepa'ainapa eta epekaturana. Tíjaraka'enawarepa eta Machanewa ema Viya.

Hechos 2:41

Taka'e, natiari'i ena tisuapana'i eta máechejiriruwa'i. Enewanepa tikaikachasiana ena. Mapanakeneana mil ena tisuapajira'iana'i.

Hechos 20:21

Namutu ena juriyuana enapa ena apawasana numetakawaka'i namutu eta náeñauchirawaina me Viya, étapa eta nasuapiraina nakasiñairaina ema Viákenu Jesucristo.

Hechos 20:25

Numetaka'e puiti juka nuyaniraya, waipa iápechawaima'i íma'anu, eti ínapureana'i nímitureana'i emutu eti te iáwasanapachu'i, nímituka'e'i tamutu eta vé'isiraya ema Viákenu Jesucristo.

Hechos 28:31

Máechejisi'a'i eta mawasa ema Viya akenuka te anuma, máimituka'iware eta náe'isiraina ema Viákenu Jesucristo, émaira'i yátupikene'i, nájina nakamatinaka'ini, náisapa'i tikametarairu.

Hechos 5:14

Kamurianapaipasera ena ajairana énapa ena esenana ena té'ikanapaipa'i ema Jesús.

Hechos 8:4

Tasi'asera ena tiuchukana'i te Jerusalén tejena awasareana náitekapi'apa'i ena najunakeneana'i, tímiyanawanaichucha tikametarairuana eta máimiturapiana ema Viákenu.

Romanos 10:10

Taicha te yatupina visuapa te visamure je'ewarenapa ema Viya tijachapa'aviyare, tási'a vimetaurekawainapa eta vimatira'i eta émaira'i ema Jesucristo, je'ewaresera puiti vijachapainapa eta makatiurapi ema Viya.

1 Corintios 11:11

Puítisera, eta juka vítaresira'i vé'isira'i ema Viákenu, ichapemuri eta véjiasira eta náitatira'avi ena esenana. Víti'ipa ichapemuri'iware eta náejiasira'avi'i ena eta vítatiraya viti ajairana.

Gálatas 3:28

Tayanapane apawasasajiana'e eti, tayanapane'iware ekasirikikíji'i eti ajairana, ena esenana, tayanapane'iware músuanapuka, wa'inenipuka musuanaina, té'esera te mamira'u ema Viya, étanaichu'i eta víma'i.

1 Pedro 3:21

Puiti, eta une, nímikuticha'e'i eta víkachasi. Eta vikaikachasira'i, wa'i étaparakaina táepachiaka'avi'ini eta viáke'e. Étasera eta vikaikachasira'i, étapa tímereucha'avi eta majapanuira'avi'ipa ema Viya, tamutu eta vipekaturana. Yátupina eta viúchukuirayare táichavene'i eta máechepusira'i te máekari ema Jesucristo.