Hechos 7:60 - Táurinakene máechejiriruwa’i ema Viya tikaijare

⁶⁰ Eta mákipaisirawa'i, tépuyukapa tipiarakapa muraka. Ánipa maka'e: “¡Tata, wa'i pikuikuñakawaka ena nani eta juka náichiranu'i napekatura'i!” Te títapirikapa eta mayujarasira'i, tépenapa.

Ignaciano

⁶⁰ Eta máquipai­si­ravahi, tépuyucapa tipiaracapa muraca. Ánipa macahe: —Tata, piperdo­na­chavaca ena nani eta juca náichiranuhi napeca­turahi —macahepa. Te títapi­ricapa eta mayuja­ra­sirahi, tépenapa.

Hechos 7:60 ပူးပေါင်းရင်းမြစ်များ

San Mateo 27:52

Étaipa eta ekariana téjiakawakapa. Téchepukanawarepa ena náepenakeneana ena tisuapajira'iana'i maye'e ema Viya.

San Mateo 5:44

Nútisera numetaka'e: Émunakayare nákani tikatianaka'eana'i, eyujarauchayare nákani tipanajirika'eana'i.

San Lucas 22:41

Térajipanawapa ema Jesús eta naye'e ena. Tépuyukapa eta mayujarasira'i.

San Lucas 23:34

Ema Jesús maka'epa: “Tata, pajapanuwaka ena nani, taicha wa'i nákaikutiara'ini eta juka náichiranu'i.” Tási'a ena suntaruana nasuerte'achapa eta mamuiri'aini ema Jesús, eta náijarajirisirakaka'i.

San Lucas 6:28

Eyaseaka ema Viya eta nayujara'uina nákani téchejikana'i eye'e.

San Juan 11:11

Taka'e, te táekenepa, maka'ewarepa: –Ema vémunakasare Lázaro máena'i tímaka'i, nuyanayaresera nukajamipanayare.

Hechos 13:36

Tiuri, ema David, yátupi'i eta máechapajirisirawaka'i ena machanerana. Te títekapapa eta matupara'a'i maye'e ema Viya, tépenapa ema David. Makapayakapa ema maiya te mavi'a'i. Taka'e témitiekene'apa eta maeche.

Hechos 20:36

Te tamutupa eta juka maechejirisirawaka'i ema Pablo, tépuyukanapa namutu, tiyujarakapa mayaseuchawakapa me Viya.

Hechos 21:5

Taka'e tetavikawapa eta siete sache, viuchukapa. Viyanapa te puerto, té'ika'avianapa namutu ena vichamuriana'i, énapa ena nayenana énapa ena nachichanaveana. Tinapana'avianapa te pakure, te vítekapapa te playa, vépuyukapa vimutu, viyujarakapa.

Hechos 9:40

Ema Pedro makawanairipipa náuchuka namutu. Taka'e, tépuyukapa ema, tiyujarakapa. Tasi'a, máimarakaipa esu esena suépenakene, máichapa: –¡Tabitá, péchepuka! Esu téjami'aukichapa. Suíma'apa ema Pedro. Téja'apaikapa.

1 Corintios 11:30

Étara tícha'e'i eta juka táitusiawa esimutupa eti ekajumana'i, tájinapa tatumewaina'ini eta iáke'eana. Ena apamuriana tépenanapaipa táicha.

1 Corintios 15:18

Te yátupinapuka wa'i tisuapakare'i eta júkana, tímikutijirikawaipa témitiekeneanaipa ena náepenakeneana'i té'ikana'i ema Cristo te achaneanaicha'a'i.

1 Corintios 15:20

¡Yátupikene'isera eta máechepusira'i ema Cristo te máekari! Taka'e, ema ekutiarare'i viye'e eta véchepusirayare víti apanaware te vépenaipapuka.

1 Corintios 15:51

Éneichuware nuwara'a níminekapaekene'a'eyare eta juka tayumururewaini'i: Wa'i wámutuima'i vépenayare viti vítareruanaicha'a, tikaitsiwayaresera eta viáke'e, víti énapa ena náepenakeneanaripa'i

1 Corintios 15:6

Tási'apa tímerekawawarepa naye'e ena kinientukeneana eta nasimutuwana'i ena vichamuriana, puíticha narari'icha'a maverana ena tíma'ana'i, narari'ipasera ena tépenanapaipa'i.

1 Tesalonicenses 5:10

Ema Jesucristo tépena'i te crusu vítivene'i, tayanapane vitarekacha'apuka te'epukasera vepenaipapuka, etasera vitareka'ini te machakaya ema Viya.

2 Timoteo 4:16

Étaipa, te tínapukainapa nukatiuchawa'i te mamira'u ena tuparairukana juéseana, nájina náimikatakanu'ini. Namutu'i tijunijijikanuana'i. Tiuri, takuijaseraini makuícharakaini ema Viya, majapanu'ini ena tijunijikanuana'i.

2 Pedro 3:4

áninapa naka'eyarekacha: “¿Táicharakawa eta juka ekuchapakene'i, wícha'akaru machawa'ini ema Cristo, ímijachakene'i tichawawaneyare'i? Taicha puiti takuti'ichu'i eta náitaresiraini'i ena viáchukanaveanaini. Tanasi'ichu'i eta táepanirawa'i akane eta apake'e. Wa'i táitsiwachawa'ini.”