Hechos 6:9 - Táurinakene máechejiriruwa’i ema Viya tikaijare

⁹ Tatiari'iware te Jerusalén eta apana peti náurujisirarewa ena juriyuana. Tiúrujikawana'i ena israelítana esclawuanaini náuchukureanapa. Ena tiási'ana'i te Cirene, te Alejandría, te Cilicia, étapa te Asia. Nákapaemajirikapa ema Esteban,

Ignaciano

⁹ Tatiari­hivare te Jerusalén eta apana náuruji­si­rareva. Tiúruji­ca­vanahi ena israelítana prisioné­roanaini náuchucu­rea­na­pasera. Éna tiásihanahi te apanana avasareana, te Cirene, te Alejandría, te Cilicia, étapa te Asia. Nácapae­ma­ji­ricapa ema Esteban te yátupi­hipuca ema Jesús émaquenehi Cristo. Vahi nasuapahini taicha tétavi­cavahi eta namasua­pa­ji­raivahi.

Hechos 6:9 ပူးပေါင်းရင်းမြစ်များ

San Mateo 10:17

Échapawa, taicha tikarataka'eanainapa, tiáma'eanainapa naye'e ena tuparairukana, téstaka'eanainapa te peti náurujisirarewa ena juriyuana

San Mateo 23:34

Eta taka'e nuti nuwanekayare ena profetana, titupaijiakawana, tási'a maestro-keneanaya. Énasera nakapakayarepa'i, émetatakayare te crusu. Tási'a, ena apamuriana éstakawakainapa te peti náurujisirarewa ena juriyuana. Tási'a napanajirikawakainapa te awasareana.

San Mateo 27:32

Te tiuchukapa ema ánaki, nákapajikapa ema achane tikaijare Simón, tikawasa'i te Cirene. Napamikapa ema manaraku'a eta macrusura ema Jesús.

Marcos 13:9

“Etijiwayare ekuneuchawayare, taicha tikarataka'eanainapa tiáma'eanainapa naye'e ena tuparairukana, téstaka'eanainapa te peti náurujisirarewa ena juriyuana. Ena tiáma'eanainapa te namira'u ena akenukana, té'eware te namira'u ena reyeana, táichavene'i eta é'isiranu'i, taka'e ekamapurawainapa échejisianuyare eta nuye'e te namira'u ena.

San Lucas 21:12

“Tatiwanumayaresera tipanajirika'eanayare eti. Tikarataka'eanayare, tiáma'eanayare te peti náurujisirarewa ena juriyuana, taka'e temerataka'eanainapa, tási'a, tiáma'eanaya te namira'u ena reyeana, te'epa te namira'u ena akenukana, ekaviurewayare táichavene'i eta é'isiranu'i.

Hechos 11:20

Tási'a, títekapanapa ena te'ikana'i ema Jesús, eta te awasare Antioquía, nasi'apa'i te Chipre étapa te Cirene, énasera tikametarairuanapa eta maéchejiriruwa maye'e ema Viákenu Jesús.

Hechos 13:1

Ena té'ikana ema Jesús, tikawasana'i te Antioquía, natiari'i te namuri ena tikametarairura'iana eta maéchejiriruwa ema Viya. Tímitura'iana'i ena. Natiari'iware ema Bernabé, ema Simón (náimijarechaware Negro), émapa ema Lucio (eta máuchusine'i te Cirene), ema Menahem (ema machajuru'i ema Herodes),

Hechos 13:45

Énasera ena juriyuana masuapajiraira'ana'i, te náima'apa ena kamurikeneana, tisemanapa eta mametasirawaka'i ema Pablo eta najakapakarewa'i me Viya ena apanawa, eta taka'e, nákapaemachapa ema Pablo, napanararachapa eta nakajachira'i.

Hechos 15:23

tási'a éneichu'iware tiamana'i, eta ajureka: “Vímiamareka eta juka véchejiriruwa viti apústuleana, énapa ena víyara'ana, énapa ena vichamuriana te juka Jerusalén. Viwara'a tatiwayare véchejika'e eti viparapenaveana'i te mawa'uana ema Viákenu, eti apawasana tiáviana'i te Antioquía, étipa eti tiáviana'i te táunawana'i eta Siria étapa eta Cilicia.

Hechos 15:41

Eta napaisirapa'i te achene tétawajikanapaipa taye'e eta awasarechichana Siria étapa te Cilicia, náejirawakapaipa ena nachamuriana náetumesamurechawakapaipa'i eta naimiyanawa nasuapa ema Tata Viya.

Hechos 16:6

Tiuri, ema Machanewa ema Viya mametaka'i wa'i nakuyana eta te tinapaika'i eta awasareana te Asia. Tási'a, náetavikapa eta awasarechichana táunawana'i eta Frigia etapa eta Galacia,

Hechos 18:24

Te jena sácheana'i, títekapa'i te awasare Éfeso ema émana juriyu tikaijare Apolo, ema máuchure'i te awasare Alejandría. Máituka'i tikametarairu ema, máimatiware yátupi tamutu eta Takapika'ukene Ajureka.

Hechos 19:10

Apina añu eta máimituresira'i, eta maechejiriruwa ema Jesús. Taka'e'i eta máechejiriruwa ema, naye'e ena achaneana tikawasana'i eta te awasarechichana táunawana'i eta Efeso, tinápaika eta Asia. Tási'a, nasamairíkapa, ena israelítana énapa ena griegoana eta maechejiriruwa ema Viakenu Jesús.

Hechos 19:26

Íma'aichu'i eti, esama'iware ema Pablo eta máechejiruwa'i ena nani visiñarajiana vépiyaruana viti achaneana, wá'iji yátupina'ini vénaina'ini; ichapemurianaipa ena tisuapana'i, ena achaneana tikawasana'i te juka viáwasa Éfeso, éneichu'iware ena tikawasana'i te awasarechichana táunawana eta Asia.

Hechos 21:27

Taka'e, te tiane'ipa tiyuritikawa eta sietekene sache eta naechejiriruwa'i. Te jena sache, natiari'ipaware ena israelitana tiási'ana'i te tinapaika eta Asia. Náima'apa ema Pablo mávi'airaicha'a te templo. Náimiyusemakapa ena achaneana, nakaratakapa ema Pablo.

Hechos 21:39

Ema Pablo máichapa: –Nuti'ichuware juriyunu. Eta núchusine te Tarso. Tawanaranu eta ichape awasare Cilicia. Pikatajikanusera písapanu néchejikaya naye'e ena achaneana.

Hechos 22:19

Taka'e, nuti níchapa: ‘Tiuri, Tata, énasera, tímatinuana'i eta néstarasirawaka'i nemeratakawaka'i ena té'ikaviana'i, tamutu'i te peti náurujisirarewa ena juriyuanana nutanusi'awakapa'i ena,

Hechos 22:3

“Nuti'ichu'i juriyunu. Eta núchusine te Tarso te Cilicia. Ánipasera nujurusine'i te juka Jerusalén. Ema tímitukanu'i ema Gamaliel. Nujurucha'i eta nupikauchira'i yátupi eta viye'erepi náijararu'avi'i ena viáchukanaveanaini. Eta nítaresira'i, nímikapikaucha'i ema Viya, takuti'i puiti eta ímikapikauchira'i eti te juka sácheana.

Hechos 23:34

Te tamutupa eta máechejikuira'i eta ajureka, ema akenuka mayaserekapa ema Pablo távi'a eta maúchusine; te maechapa eta mauchusine'i taye'e te Cilicia,

Hechos 24:18

Te tamutupa eta takasipaira'i eta náchanewa étapa eta nuwa'uana, nuyanapa te templo eta nunapanayare'i eta námawa'uana me Viya, eta návi'aira'i te templo, tichimapanuanapa ena nujaneanana tiási'ana'i te tinapaika te Asia, nájinasera achanena'ini nachimapa'ini te nuchakaya, enachucha tichana'i eta semanere.

Hechos 26:11

Ichapemuri'i eta némecharekawakapa'i ena nétupiaruanapa'i te peti náurujisirarewa ena juriyuanana. Níminajikawakapaipa eta náe'isira'i ema Jesús. Nékati'aware eta náepuruiraya. Tamutu'i nutanusi'awaka te apanakeneana awasareana tayere'ikeneana.

Hechos 6:10

eta Machanewa Viya, máijaraka'i ichape ema Esteban eta máitusiraya téchejika. Eta taka'e, wa'i nárata'a'ini nakachuriaka'ini ema.

1 Corintios 1:20

Tájina takunachakarewaina me Viya eta máitukakene'i ema achane títupajijiakawa'i, mákani timiturekara'ipuka, tayanapane makarichu'i naye'e ena apamuriana tímatiekene'ana'iware eta taye'eana eta juka apake'e. ¡Ema Viya maipichasikapa eta maitupaijiasirawaini ema achane eta te juka apake'e!

Gálatas 1:21

Tájinasera wa'i nukaimitukasi'ini naye'e taicha nuyanawarepa nukaiju'e'i eta te Siria, nánuku'apa taye'e eta Cilicia.