Hechos 6:7 - Táurinakene máechejiriruwa’i ema Viya tikaijare

⁷ Eta nasamira'i eta máechejiriruwa ema Viya, kamurianapa ena té'ikana'i taye'e eta awasare Jerusalén. Tisimutuanaware ena tiyujarakara'iana israelítana, náunakaipa te nasamureana eta náe'isiraipa ema Viákenu.

Ignaciano

⁷ Tiuri, eta nasamirahi eta máechaji­riruva ema Viya, camuria­na­paipaicha ena téhicanahi tayehe eta avasare Jerusalén. Tisimu­tua­navare ena tiyuja­ra­ca­rahiana israelítana náunacaipa te nasamureana eta náehisiraipa ema Jesucristo.

Hechos 6:7 ပူးပေါင်းရင်းမြစ်များ

San Mateo 19:30

Tási'asera mavera'e eti etiari'ikeneana'i puiti. Te jena sácheyare, ichapepanainapa eta ekapika'uiraya. Ena puiti tikapika'uana'i, te táitauchawapa te jena sácheyare, énapawainapa tékene'anayare.

San Lucas 2:34

Taka'e, ema Simeón mayaseakapa ema Viya eta náuriwaina ena. Taka'e, máichapa esu María esu maena ema amuya Jesús: –Píma'a, ema maka amuya, matuparakasiwa'i eta máimituresiraya eta máechejiriruwana ema Viya. Natiari'iyaresera kamuriana ena vijaneanana israelítana énajiwayare tíchawanayare, taicha naepuruyare,

San Juan 12:42

Narari'isera ena akenukara'ana tinerejikawanaipa'i ena tisuapana'i ema Jesús, wá'isera náwara'a'ini náimerekawa'ini eta náe'isira'i, napisira'i ena fariseona eta nakijikawaka'ini eta te peti naurujisirarewa.

Hechos 12:24

Taka'e, kamurianapaipa ena achaneana tisuapana eta máechejiriruwa ema Viya.

Hechos 13:8

Émasera ema iápemare tikaijare te náechejiriruwa griego ema'i Elimas, maichejimirauchapa, mayurukapa ema Prefecto eta wa'i makusuapa.

Hechos 14:22

Eta te juka awasareana, náimitukawarepa ena té'ikanaripa ema Jesús. Náetumechawakapa eta nakasiñawairaina, eta náe'isiraya ema Viya, tási'a náichawarepa. Échawa eta esiapiraya eta máwasa ema Viya, wa'i maejerarena taicha natiari'ya ena katianaka'eanayare ekatajiwayare táichavene eta é'isira ema Viákenu.

Hechos 19:20

Taka'e, ichape eta nasuapira ena achaneana eta máechejiriruwa ema Viya. Kamurianapaipa ena té'ikanapa'i etapa timereka'i eta maitupajijiasirawa.

Hechos 2:47

Najiraucha nakunacha'i ema Viya. Taka'e, namutu ena apamuriana achaneana napikaucha'i ena. Tási'a, tamutu sácheana ema Viya máichu'awaka'i ena apamuriana tisuapanaware.

Hechos 21:20

Te nasamapa ena mametaruana'i, nakunachaine'i ema Viya. Taka'e, náichapa ema Pablo: –Tiuri nuparape. Píma'apasera natiari'ira ena kamurikeneana ena vijaneanana té'ikana'i ema Jesús. Énasera, murakakeneana'i, té'ikana'i eta maye'erepini ema Moisés.

Hechos 6:1

Te jena sácheana'i, eta nasimutuwaipa ena té'ikana'i ema Jesús, tisiapanapaipa tikajanemurianapaichucha ena apaechejiriruwana griegoana. Énapa ena máimaruana, ena nani jakapa'i eta naye'e ración tamutu sácheana, etana sache, ena nani apaechejiriruwana ena hebreoana, waipa náurisamure'ini, taicha waipa nákutikaka'ini náechapajirika'ini ena máimaruana griegoana.

Romanos 1:5

Puiti ema Viákenu Jesucristo tijapanunu'i eta matuparasiranu'i eta nuyaniraya nupaikaya te tamutu awasareana, nukametarairuyare'i eta najakapakarewayare'i me Viya namutu ena tisuapanayare ema.

Romanos 16:26

Ena israelítana énapa ena apánapanenejikeneana achaneana, namutu tijakapakareanayare'i. Étaipa eta náechejisi'akeneana'i ena víyara'anaini profetana taye'e eta Takapika'ukene Ajureka. Nájinasera nákaikutiara'ini.

Gálatas 1:23

Tisamairirikanuana'isera eta nékesirawaipa'i, ánipaji taka'e'i eta nasamairisiranu'i: “Ema maka Pablo tipanajirika'avi'i kape juka viásinekene'i, tékekawaipa'i kape juka mawara'a'i tikámitiekene'a'aviyare'ini eta juka vé'iru'i, puiti émainecha tétukarakawa'i tikametarairu'i eta juka vé'iru'i víti.”

Gálatas 6:10

Táitusiawa, te tatiari'inapuka eta vikamunukarewana naye'e ena achaneana, te víma'a'ipuka eta nakamunuirawa'i, vítijiwayare víchayare eta táurikeneana naye'e. Tavetijipa te éna'ipuka tipaucha'aviana'i ena vichamuriana'i taye'e eta juka vé'iru'i, vikajiyare'i ena.

Colosenses 1:6

etupiruwa'i esuapa eta ímitukasiwa'i, te esamainapa eta máemunasira'e'i eti apanawa ema Viya. Étaichu'i eta juka naímiturapi'i naye'e ena apamuriana achaneana tikawasana'i te apanana awasareana.

2 Tesalonicenses 1:8

Eta tímitekayare ema, máikuñakayare ena wá'ikene náwara'a'ini náimati ema Viya, wá'iware náwara'a'ini nasuapa eta máechajiriruwa.

2 Timoteo 2:9

Eta tímikaviuchanu'i eta juka, puíticha nukatajiwa'i ichape taicha eta nukametarairuira'i, étara témeratakanu'i puiti, tikuti'ine'i nukaviurewa'ini. Etasera eta maechejiriruwa ema Viya wa'i takaerata'ini vimiyanawayare'i eta vikametarairuira.

Hebreo 11:8

Émapa ema Abraham, masuapa'iware eta máichuira'i ema Viya, máijarasirayare eta apana apake'e máwasayare'i. Taka'e, ema Abraham tiúchukapa te máwasaini, wá'ineni máimati'ini távi'apuka eta makaiju'eyare'i,

Hebreo 5:9

Eta tamutuirapa eta máepenira'i, téchepukawarepa, tási'a marata'apa eta makuchuku'aira'aviyare vimuti viti visuapana'i ema. Máitawakakayare'i eta vítaresiraya máicha,

San Judas 1:20

Étisera némunarukeneana nuparapenaveana, étumechakakaya eta esuapiraina eta é'isira'i ema Viákenu. Ísapawayarewa tímituka'e ema Machanewa Viya eta eyujarasirana.

San Judas 1:3

Tiuri nuparapenaveana, ichape eta nuwaraira'i nukajure'e emutu eti taka'e eta viuchukuiraya te apana vitaresira vimutu viti, tási'a puiti nima'apá eta vikamunukeneana nuyaseaka'ewa ímiyanawa étumechawa eta esuapajiraiwaina eta mawanairipiana.