Hechos 6:5 - Táurinakene máechejiriruwa’i ema Viya tikaijare

⁵ Taka'e tikanerejianapa ena tikatupara'anayare. Nave'apa ema Esteban, achane tiuri, tisuapajira'ikene maye'e ema Viya, máwa'aru'iware eta Machanewa Viya. Nave'awarepa ema Felipe, ema Prócoro, ema Nicanor, ema Timón, ema Parmenas, tási'a émapa ema Nicolás.

Ignaciano

⁵ Tacahe, namutu navaraha eta náechaji­ri­ruvahi. Tacahe, ticane­re­jianapa ena ticatu­pa­ra­ha­nayare. Navehapa ema Esteban, achane tiuri, tisuapa­ji­ra­hiquene mayehehi ema Viya, mávahá­ru­hivare ema Espíritu Santo. Naveha­varepa ema Felipe, ema Prócoro, ema Nicanor, ema Timón, ema Parmenas, émapa ema Nicolás.

Hechos 6:5 ပူးပေါင်းရင်းမြစ်များ

San Mateo 23:15

“¡Páure'esami eti, escriwánuana tási'a énapa ena fariséuona, apimirana!, murakayare eta íkuñayare. Eti, tétavikawa'i eta éñamawaira'i, eta íturuka ena té'ikana eta ímiturapiana, tasapi'a'i ímitukawaka'i eta nakuti'eraya eta ewínarajiwa'i. Tiápajukawa'i eta namauriwa'i ícha. Eta taka'e, ekachanewakayare ena te yuku te infierno.

Hechos 11:19

Te nakapakapa ema Esteban, tépanawanapa napanajika'i ena apamuriana té'ikana'i ema Jesús, eta taka'e, tijunanapa, te Fenicia, ena apamuriana tiyananapa te Chipre, tási'a étapa te Antioquía. Ánaki, tikametarairuanapa naye'e ena juriyuana, énachuchasera, wa'i nametaka'ini ena apawasana.

Hechos 11:20

Tási'a, títekapanapa ena te'ikana'i ema Jesús, eta te awasare Antioquía, nasi'apa'i te Chipre étapa te Cirene, énasera tikametarairuanapa eta maéchejiriruwa maye'e ema Viákenu Jesús.

Hechos 11:22

Te nasamairirikapa ena nachamuriana tikawasanana'i te Jerusalén, eta juka téchakareana'i, naéwatakapa ema Bernabé, eta te Antioquía.

Hechos 11:24

Taicha ema Bernabé, tétavikawa'i eta máuriwa, máwa'aru'iware ema Machanewa Viya, tisuapajira'i'i, makasiñawaira ema, eta taka'e kamuriana'i ena tisuapana'i té'ikana'i ema Viákenu.

Hechos 11:26

tási'a te máetupiakapa, mámapa te Antioquía. Nanasipa ánaki, etana'i añu naka'e eta nakachanerawaka'i ena nachamuriana'i, kamuriana'i ena náimitureana'i. Te Antioquía eta táepaninewa'i eta nakaijarera'i cristianoana namutu ena té'ikana'i ema Jesús.

Hechos 11:27

Te jena sácheana'i, natiari'i te Jerusalén ena profetana, tiyananapa nakaiju'e te Antioquía.

Hechos 13:1

Ena té'ikana ema Jesús, tikawasana'i te Antioquía, natiari'i te namuri ena tikametarairura'iana eta maéchejiriruwa ema Viya. Tímitura'iana'i ena. Natiari'iware ema Bernabé, ema Simón (náimijarechaware Negro), émapa ema Lucio (eta máuchusine'i te Cirene), ema Menahem (ema machajuru'i ema Herodes),

Hechos 15:22

Ena apústuleana, tási'a énapa ena náiyara'ana, namutu ena náumuriwana, tiúri'i nasama eta mapanereru'i ema Santiago. Taka'e, tikawana'ianapa ena apinana téchemara'iana tikapika'uana'i, ema Judas, ema naimijarecha'iware Barsabás, émapa ema Silas, ena té'ikanayare'i ema Pablo émapa ema Bernabé, eta nachaviraya te Antioquía,

Hechos 2:4

Tási'a ena, máwa'akawakapaipa ema Machanewa Viya, tiáramikareanapa apaechejiriruwawakapa, taicha eta máwa'asirawakaipa'i ema.

Hechos 21:8

Te apanakenepa sache viyanapa vikaiju'epa eta awasare Cesarea. Te vítekapapa, viyanapa te mapena ema Felipe ema tikametarairura'i, ema nasietene'i ena nanerejiruana'i nawa'u'i ena apústuleana, vinasipa maye'e.

Hechos 22:20

Énerichuware, te nakapakapa ema Esteban ema piwanaraini'i, nutiari'i'iware, nímikataka'iware ena tikapakana'i, nujaneasirawaka'i eta namuiri'ana.’

Hechos 6:10

eta Machanewa Viya, máijaraka'i ichape ema Esteban eta máitusiraya téchejika. Eta taka'e, wa'i nárata'a'ini nakachuriaka'ini ema.

Hechos 6:3

Tiuri puiti nuparapenaveana, takamunu'i vinakayare siéteanaina ena ajairana te emuri eti, nákani ímatikeneana tiúriana, téchemara'iana náimatiekene'a tamutu, máwa'aruana'iware ema Machanewa Viya. Énaina vituparaka naicha eta juka emátaneka.

Hechos 6:8

Ema Viya máimikataka'i ema Esteban. Máijaraka'iware'i eta ichape eta máichira'i eta tiáramikareana te namira'u ena achaneana.

Hechos 7:1

Ema nakenumuri ena tiyujarakara'iana mayaserekapa ema Esteban, te yátupi'ipuka eta nametarapiana'i,

Apocalipsis 2:15

Éneichuware narari'i ánaki te emuri ena apamuriana wá'iware nawara'a náemitisika eta náimiturapiana ena nicolaítas.

Apocalipsis 2:6

Pikunachakare'isera eta pikatichira'i eta tamaetupisirawa'i eta naye'erepiana ena apamuriana té'ikana'i ema nicolaítas. Ene nuka'e'i nuti, nukaticha'iware.