Hechos 6:1 - Táurinakene máechejiriruwa’i ema Viya tikaijare

¹ Te jena sácheana'i, eta nasimutuwaipa ena té'ikana'i ema Jesús, tisiapanapaipa tikajanemurianapaichucha ena apaechejiriruwana griegoana. Énapa ena máimaruana, ena nani jakapa'i eta naye'e ración tamutu sácheana, etana sache, ena nani apaechejiriruwana ena hebreoana, waipa náurisamure'ini, taicha waipa nákutikaka'ini náechapajirika'ini ena máimaruana griegoana.

Ignaciano

¹ Te jena sácheana, eta nasimu­tuvaipa ena téhicanahi ema Jesús tisiapa­napaipa ticaja­ne­mu­ria­na­paichucha. Natiari­hivare ena israelítana, apáecha­ji­rí­ru­va­narípa éna. Natiarihihi ena páurepanana te nataracu énapa ena máimaruana. Ena nani najacapahi eta nayehe ración tamutu sácheana. Étana sache, ena nani apáecha­ji­rí­ru­va­narípa vaipa náurisa­mu­rehini taicha vaipa nácuti­ca­cahini náechapa­ji­rí­cahini ena máimaruana. Ánipa nacahe: —Váipa nácuti­ca­cahini eta najaca­pirahi eta tinicacare ena vijanea­na­na­richuhi máimaruana —nacahepa.

Hechos 6:1 ပူးပေါင်းရင်းမြစ်များ

San Mateo 23:13

“¡Páure'esami eti, escriwánuana, tási'a énapa ena fariséuona apimira'e'i!, eti érataka'i eta tapaja te anuma mawasa akenuka ema Viya, apaesa wa'i nakusiapa'ini ena apamuriana. Étina'ipukaini ítujikawa'ini esiapa'ini, wa'iware isapa'ini nasiapa'ini nákani tiwara'ana'i tichana.

Hechos 11:20

Tási'a, títekapanapa ena te'ikana'i ema Jesús, eta te awasare Antioquía, nasi'apa'i te Chipre étapa te Cirene, énasera tikametarairuanapa eta maéchejiriruwa maye'e ema Viákenu Jesús.

Hechos 11:26

tási'a te máetupiakapa, mámapa te Antioquía. Nanasipa ánaki, etana'i añu naka'e eta nakachanerawaka'i ena nachamuriana'i, kamuriana'i ena náimitureana'i. Te Antioquía eta táepaninewa'i eta nakaijarera'i cristianoana namutu ena té'ikana'i ema Jesús.

Hechos 11:29

Taka'e, ena té'ikana'i ema Jesús tikawasana'i te Antioquía, napanerechainapa náimiamareka eta nanakiruana, náimikatasiraya ena nachamuriana tikamunuwana'i, énaipa ena tikawasana'i te Judea. Tinakikawanapaipa eta narata'akeneya nanakika.

Hechos 2:41

Taka'e, natiari'i ena tisuapana'i eta máechejiriruwa'i. Enewanepa tikaikachasiana ena. Mapanakeneana mil ena tisuapajira'iana'i.

Hechos 2:45

Náijarareka'i eta náima'akeneana. Tási'a, náijarakapa eta plata ema tikamunuwa'i.

Hechos 2:47

Najiraucha nakunacha'i ema Viya. Taka'e, namutu ena apamuriana achaneana napikaucha'i ena. Tási'a, tamutu sácheana ema Viya máichu'awaka'i ena apamuriana tisuapanaware.

Hechos 4:35

nanakikapaipa te namira'i ena apústuleana enapasera techanayare'i, náijarakawakayare namutu nákani kamunuwanapana páurepanana'i.

Hechos 4:4

Kamurianasera ena tisuapana'i táichavene'i eta nasamararasira'i eta náechejiriruwa'i ena apústuleana. Eta natupa'i ena té'ikanaipa ema Viákenu Jesucristo sinku mil ena achaneana ajairana. Kamurianaware ena esenana énapa ena amaperuana.

Hechos 5:14

Kamurianapaipasera ena ajairana énapa ena esenana ena té'ikanapaipa'i ema Jesús.

Hechos 5:28

–Víti viwaneka'e'i muraka eta waipa ekuapechawa ekuimitureka eta máechepusira'ipuka ema Jesús, tási'a, eti ímiyanawaichucha ímitureka, namutupa ena achaneana taye'e eta juka viáwasa Jerusalén náitukapa eta ímiturapiana eti, ¿Tája'a takayema wa'i esuapa'avi'ini? Visapi'apa ewara'a vítiyare táekati'a eta máepenira'i ema achane.

Hechos 6:2

Taka'e, ena dósekeneana apústuleana nakurujikapa namutu ena té'ikana'i ema Jesús, tási'a náichapa: –Wa'i táurika'ini víchepaika'ini eta vikametarairuira eta máechejiriruwa ema Viya. Tikaichepairika'avipa eta víjarasira'i eta tinikakare ena vichamuriana.

Hechos 6:7

Eta nasamira'i eta máechejiriruwa ema Viya, kamurianapa ena té'ikana'i taye'e eta awasare Jerusalén. Tisimutuanaware ena tiyujarakara'iana israelítana, náunakaipa te nasamureana eta náe'isiraipa ema Viákenu.

Hechos 9:29

Máechejirikawakapa'i ena israelítana. Makanaraemachawaka'i, wa'isera náurika'ini eta máimiturapiana'i. Tisemanapa maye'e, nawara'apa nakapakaya ema.

Hechos 9:39

Taka'e, tiyanapa ema Pedro, máe'ikawakapa ena. Te títekapanapa, náimisiapapa eta te taju'e suávi'a'i esu Dorcas. Namutu ena esenana tepenaimana, te náima'apa ema Pedro, náurujiakapa. Náimechapa eta namuiri'ana supariruana'i esu te achaneicha'a.

Hechos 9:41

Ema, makaratakapa eta suwa'u, makaechepukapa. Énewanepa máichu'awaka ena tepenaimana énapa ena apamuriana machamuriana. Máimechapa eta suchaviraipa títareka.

Romanos 12:7

te tíjaraka'avipuka eta vítusirayare vímikataka ena vichamuriana, tatupiruwayare'i te visamure eta vímikatasirawakaya. Nákani náituka'i tímiturekana, wa'i nayakujima'i eta náimituresiraya;

1 Corintios 10:10

Wá'ira takukarasakawa eta échejisirana maye'e ema Viya, wa'i ekukuti eta naejekapirawa'i ena viáchukanaveanaini, makapapajiruana'i ema ángele mawaneru'i ema Viya.

2 Corintios 11:22

Ena tikunachawana'i énaira'i hebreo israelítana. Nuti apana hebreonuware, israelitanuware. Éneichuware nuti mámariekenenu ema Abraham, nukuti'ichu'iware ena.

Filipenses 3:5

nuti yátupikenenu'i israelítanu'i, taicha timikutiarachanuana'i te úchupa sache eta núchusira'i, náitaucha'i ena eta viye'erepi. Mámariekenenuini ema Benjamín. Yátupikenenu'i hebreo. Nuti náchamurinuini'iware ena fariséuana. Nítuka'i nímikapikaucha eta náitauchiraina yátupi eta wanairipiana,

1 Timoteo 5:3

Pímikatakawakaya ena tépenaimana'i, nákani tájina'i naviyawa'ini, yátupi'i eta nakamunuirawana.

1 Timoteo 5:9

Nakarichu tikajukunanayare ena tépenaimana, ena tikaye'eanaipa sesenta añu eta na'añura. Súkani esena tépenaima, émanaichu'iware ema suímaini eta suítaresira'i.

Hebreo 13:1

Wa'i ekukainajiruwa eta émunajirisirakaka'i eta echamurikakaira'i táichavene'i eta eparapekakaira'i, te mawa'uana ema Viya.

Santiago 1:27

Vítisera, eta vítauchira'i eta yátupikene té'ikakare, te viwara'a tájina véchejisiakarewaina te mamira'u ema Tata Vikaiyakene: tatuparaka'i vijapanuyare vítatiyare ena amaperuana wáchachichana énapa ena náepenaimakeneana taye'e eta nakamunuirawana'i, tituparaka'avi'iware wa'i víchaima'i eta pekatuana te juka apake'e.

Santiago 4:5

Eti ímijachaipapuka táepiyewa'i eta táechejiriruwa'i eta Takapika'ukene Ajureka. Ani taka'e'i: “Eta máwa'asira'avi'i ema Machanewa Viya, téñama'avi'ipa wa'i vi'apasamurechaima'i taye'e eta tamaurikeneana.”

Santiago 5:9

Nuparapenaveana, wa'i ekukicha eta tájiparakana naye'e ena echamuriana. Wá'isera ekuemeteaka ena, apaesa takuija eta táimikatsiriaka'e te ekayasesere'ipa te mamira'u ema Viya. Échaichu'i eti eta táne'irapa eta máuchujisirayare ema Juez, ekayasesere'inapa.