Hechos 5:9 - Táurinakene máechejiriruwa’i ema Viya tikaijare

⁹ Ema Pedro máichapa: –¿Tája'a takayema ekutikaka'i eta juka épiya'iraiwa'i, ewayuarasira'i ema Machanewa ema Viya? Áwane tichawana ena tékarapanana'i ema pímaini. Tási'a, puiti pítipawayare tiámavianayare.

Ignaciano

⁹ Tacahe, ema Pedro máichapa: —¿Tájaha tacayema ecuti­cacahi eta juca épiya­hi­raivahi evayua­ra­sirahi ema Espíritu Santo? Ávane tichavana ena técara­pa­nanahi ema pímaini. Tásiha, puiti pítipa­vayare tiámavia­nayare —máichapa.

Hechos 5:9 ပူးပေါင်းရင်းမြစ်များ

San Mateo 4:7

Ema Jesús májikapawarepa: –Éneichuware taka'e'i eta Takapika'ukene Ajureka: ‘Wa'i pikaitsamarajima'i ema Tata Viya, taicha Piákenu'i ema.’

San Lucas 16:2

Taka'e, máichu'apa. Mayaserekapa: ‘¿Tája'a takayema eta juka nusamauchavi'i eta pimapachichijisira'i eta níma'akeneana? Tiuri, vitupaekene'ayare tamutu, taicha waipa nuwara'a pímiyanawa eta nuye'e.’

Hechos 15:10

Puitisera, ¿tája'a takayema ewára'apa épuruyare eta máichakeneana'i ema Viya, víti'ipa wá'iware wárata'a'ini vítaucha'ini, taka'e, wáipa táurika'ini vékati'awaka'ini ena vichamuriana apawasana náicha'ini eta juka?

Hechos 5:6

Taka'e, narari'i ena natupara'aichu'i tékararekana. Nave'apa eta máke'e ema Ananías, náyuruakapa, námapa te ekari, náekarapanapa.

Romanos 10:15

¿Tasi'a waipaine'iware kametarairuanaima'i, taicha ena wa'i maewataruina'ini ema Viya? Eta Takapika'ukene Ajureka ani taka'e: “¡Tétavikawa'i eta náurisamurewana ena achaneana eta nasamira'i eta táurikene'i máichuarapi ema Viya eta majakapirawakaya, tási'a tiúriyare eta majakapira'avi'i viti mawaneruana ema Viya!”

Romanos 3:19

Vechaichu'i tamutu eta táechejisi'akene'i eta wanairipi. Taka'e'i, eti iáwaku'ana'i eta wanairipiana, emutu'i ekaviurewa'i. Te jena sácheyare, waipa ekatiuchawaima'i, táurikainapa eta ekaikuñairayare emutu eti maye'e ema Viya,

1 Corintios 10:9

Wá'ira vikuyururujika taye'e eta mapanereruana'i ema Viákenu, ena nani tiyuruchawana'i, waipa nasuapa'ini ema Viya, tási'a, maikuñakawakapa ema, táechukawakapa eta kichare, tépenarakanapa.