Hechos 5:16 - Táurinakene máechejiriruwa’i ema Viya tikaijare

¹⁶ Éneichuware, títekapanapa te Jerusalén ena achaneana tiási'ana te awasareana nachakayara'ana'i. Námapa'i ena nakajumakeneana énapa ena náwa'aruana ena éreanana. Namutu ena nani tinarakanapa'i taye'e eta náichawakenewana'i.

Ignaciano

¹⁶ Éneri­chuvare, títeca­panapa te Jerusalén ena achaneana tiásihana te avasareana nachaca­ya­ra­hanahi. Námapahi ena nacaju­ma­queneana énapa ena návaháruana ena éreanana. Namutu ena nani tinara­ca­napahi tayehe eta náichava­que­né­vanahi.

Hechos 5:16 ပူးပေါင်းရင်းမြစ်များ

San Mateo 2:16

Taka'e, ema Aluresi te masamairikapa eta nánukuiraipa ena máguana, tisemaine'i eta nawayuasira'i máimiwanerekapa nakapapajipana namutu ena amuyana ajairana tiávi'ana'i te Belén énapa ena tiávi'ana'i te tachakayara'ana, ena tikaye'eanaipa apina añu énapa ena náuchusirawana máepanaekene'apa eta táuchusi'a'i eta jarairiki náima'akene'i ena máguana.

San Mateo 4:24

Nasamairikapa ena achaneana tikawasana'i te tinapaika te Siria, tási'a, námawakapaipa ena nakajumakeneana, apánapanenejikene'i eta najumana, nakatiru'awana'i, énaipa ena náwa'aruana'i ena éreanana, ena tirapapasiana, énapa ena murakaki'ana, namutu ena makanarakawakapa'i ema Jesús.

San Mateo 8:16

Te timapikukupa'ipa títekaparakanapa kamuriana ena achaneana máwa'aruana'i ema éreana; eta'echu'i maechejika'i ema Jesús, makuchuchujikawakapa ena éreanana. Éneichuwa makanarakawakapa namutu ena nakajumakeneana'i.

San Lucas 5:17

Etana sache ema Jesús tímitureka'i te taju'e eta peti, kamuriana ena achaneana. Natiari'i'iware ena fariséuana tépiyakawana religiósoana, énapa ena escriwánuana, tímatiana eta naye'erepiana ena israelítana. Ena, tiási'ana'i te Jerusalén, ena apamuriana tiási'ana'iware te awasarechichana taye'e eta Galilea, étapa te Judea. Ema Viya máimikataka'i ema Jesús eta makanarasirawakayarepa'i ena nakajumakeneana.

San Lucas 6:18

Eta tímitekana'i ena, nawarai'ra'i nasama ema Jesús, nawara'a'iware makanarakawaka'ini eta najumana, tikatajiwana'i eta máwa'asira'i ema éreana, makanarakawakapasera.

San Lucas 9:11

Énasera ena achaneana te náechapa eta makaiju'e'i, nakapayapanapa, tási'a ema Jesús majakapawakapa, máechejisi'apa eta mawasa ema Viya akenuka te anuma, tási'a makanarakapa ena nakajumakeneana'i.

San Juan 14:12

Nutupiruwa numetaka'e: Nuyanainapa eta me Tata. Eta taka'e eti yátupi eta esuapiranu'i. Níjaraka'eya eta erata'airaya ekuchuka eta tiáramikareana, ekutinuyare. Jé'esare, eta juka tiápajupanawayare eta takunachakarewa taye'e eta tiáramikareana íchakeneanayare.

Hechos 4:30

Píjaraka'avi eta vítupajijiasirawaina virata'airaina vikanaraka ena nakajumakeneana, vímeresiraina eta tiáramikareana táichavene'i eta vikasiñaira'i ema santukene'i pichicha Jesús.”

Hechos 5:15

Taka'e, námawakapa'i ena apamuriana nakajumakeneana, nanakikapaipa te calleana mayani'ayare'i ema Pedro. Eta máetavisirayare'i ema, távichayare eta makuna, takanarakayare'i eta najumana.

Hechos 5:17

Emasera nákenumuri, énapa ena machamuriana Saduceoana'i ena, nakapinaruine'i tisemanapa táichavene'i eta náe'isira'i ena kamurikeneana achaneana eta náimiturapi'i,

1 Corintios 12:9

Narari'iware ena máijararuana'i eta nakuchapirayare muraka eta nayasearuana'i ema Viya táichavene eta nakasiñawaira'i eta maye'e. Narari'iware ena máijararuana'i eta nakanarasirayare ena nakajumakeneana.

Santiago 5:16

Eta taka'e, te tatiari'ipuka eta éjekapirawana'i maye'e ema echamuri, eyaseakayare eta najapanuira'ena, tási'a, eyaseuchakakayare te eyujaraka eta enarasiraina. Taicha tétavikawa'i eta tasamakarewa'i eta nayujarakasa ena matapirawareana.