Hechos 4:3 - Táurinakene máechejiriruwa’i ema Viya tikaijare

³ Taka'e, nakaratakawakapa, náimisiapawakapa te nakaeratairare. Wáipasera nakayasesere'i'ini, taicha kapere'ichíchaine'i. Tiámainukawapa te apanapa sache.

Ignaciano

³ Tacahe, nacara­ta­ca­vacapa, náimisia­pa­vacapa te cárcel. Váipasera nacaya­se­se­re­hihini, taicha cápere­hi­chí­cha­rínehi. Tiámainu­cavapa te apanapa sache, nacuchu­ca­vacaya ticaya­se­se­re­hia­na­yarehi.

Hechos 4:3 ပူးပေါင်းရင်းမြစ်များ

San Mateo 4:12

Taka'e ema Jesús, eta masamairisiraipa eta makaerataira'i ema Juan, tiyanapa tichawa te máwasa Nazaret te Galilea.

San Lucas 22:52

Tási'a, máichawakapa ema Jesús, ena tuparairukana natiari'ikeneanapa'i eta nakaratasira'i ema, énapa ena akenukara'ana, énapa ena uficiáleana taye'e eta mapena ema Viya. –¿Tája'a takayema ekasiña eta espada, ekaepuchirikipa'iware eta etánusiranupa'i, tímikutijirikawapa námera'i'ini nuti?

San Lucas 22:54

Taka'e, nakaratakapa ema Jesús. Námapa te mapena ema Caifás. Émasera ema Pedro máe'iekene'apa'i mayere'ipa'isera.

San Juan 18:12

Ena nakenumuri ena suntaruana, tási'a émapa ena juriyuana taye'e eta templo, nakaratakapa ema Jesús, náitijiwauchapa.

Hechos 5:18

Taka'e, nakawanairipipa nakaratatajika ena apústuleana, náimisiapapa te nakaeratairare namutu ena kavviurewana.

Hechos 6:12

Taka'e'i, eta nakaechepusira'i eta semanere naye'e ena achaneana, énapa ena viyakarana, tási'a énapa ena escriwánuana. Taka'e, nakaratakapa ema Esteban. Námapa tikayasere'iya te namira'u ena Tuparairukana.

Hechos 8:3

Taka'e, ema Saulo, ema náinapuarakipa'i ena tipanajirikana'i ena té'ikana'i ema Jesús. Tisiapanapaipa te napenana, nakaratakawakapaipa ena nachimapakeneanapa'i ajairana, esenana, nachururupaikawakapaipa eta námirapa'i te nakaeratairare.

Hechos 9:2

tási'a ema Saulo mayaseakapa eta ajure naye'e ena akenukara'ana: Eta makaratasirawakayare'i ena te'ikanaicha'a ema Jesús ánaki te peti naurujisirarewa ena juriyuana, te jena awasare Damasco, namutu nákani ajairana, esenanapuka. Mawara'a'i maemeratakawaka eta te juka Jerusalén.