Hechos 3:6 - Táurinakene máechejiriruwa’i ema Viya tikaijare

⁶ Tási'a, ema Pedro máichapa: –Tájina nakaye'e eta plata uruinapukaini níjarakavi'ini, juka'isera eta juka nukaye'ekene nijarakaviyare: nukanarakaviyare táichavene eta máitupajijisiarawa ema Jesucristo ema Nazareno, nuwanekavi, péchepuka, pipaika.

Ignaciano

⁶ Tásiha, ema Pedro máichapa: —Tájina nuviya eta plata níjara­ca­vihini. Jucari­hisera eta juca nucata­ji­ca­viyare. Nucana­ra­ca­viyare. Táichavene eta máitupa­ji­jiá­sirava ema Jesucristo ema Nazareno, nuvanecavi: Péchepuca, pipaica —máichapa.

Hechos 3:6 ပူးပေါင်းရင်းမြစ်များ

San Mateo 10:9

“Wá'iware iámaima'i eta uru, etapa eta plata, eta reale

San Mateo 7:22

Te táitekapapa eta sache, kamurianayare ena tíchanuanayare: ‘Tata, Tata, víti véchejisi'aparaka'i eta píjare, vipiarakavi'i te píjare eta viákijisira'i ena éreana, té'eware te píjare vímereka'i eta tiáramikareana.’

Marcos 14:8

Esu suka esena suícha'i eta suímirata'aruwa'i: eta juka suépusa'asiranu'i eta perfume, sukainapuka'i esu eta suíjiyechira'i eta náke'e taye'eyare'i eta nukaekarasirayare.

Marcos 16:17

Ena tisuapajira'iana náimerekayare eta juka tiáramikareana: Náimijunijikayare ena éreanana naye'e ena achaneana, taicha námapikayare eta níjare. Náitukayare téchejikana eta apanana echéjirirukawana namaitukakeneana'i

San Juan 19:19

Ema Pilato májuchapa eta ajureka. Ani taka'e'i: “Ema Jesús Nazareno, naye'e Rey ena juriyuana”, tási'a makawanairipipa nanaka te tápusi eta macrusura.

Hechos 10:38

Máukupauchapa eta Machanewa ema Viya ema Jesús Nasareno máijararu'i ema Viya. Máwa'akapa ema, máijarakapa eta máitupajijiasirawaya. Taka'e, tépanawapa tikametarairu naye'e ena achaneana. Te mapaisi'apa'i, makanarakawakapa'i ena nakatajiwakeneana máwa'aruana'i ema wínaraji. Marata'a'i ema máicha'i eta juka, taicha ema Viya máimikatakapa'i.

Hechos 16:18

Ichapemuri eta sácheana eta sué'ikarairisira'i, mapuñakapa ema Pablo. Tékerukawapa, tási'a máichapa ema éreana ema tiáwa'aka'i esu: –Te máijare ema Jesucristo, nuwanekavi piúchuka te suáke'e esu suka amaperu. Enewanepa tiúchuka ema éreana, majunijiakapa esu.

Hechos 2:22

“Esamacha'a puiti, eti israelitana, eta juka nukayemaya: Emutu eti écha'i eta taichararakawa'i, ema Viya maimereucha'i te emira'u eti, eta émaira'i técha'e ema Jesús Nazareno, máitauchiraya eta maye'e ema eta taurinakene étapa eta tiaramikareana ekutiarareana.

Hechos 2:36

“Tiuri puiti, emutu eti nujaneanana israelítana, nuwara'a ímatiyare ema Jesús émetataru'i, émaira'iware ema Cristo.”

Hechos 3:16

Puiti, ímararaka'i eta manarasira'i ema maka masarini. Eta juka eta tímikaecheracha'i eta machavira'i títareka ema Jesús. Taicha éma'i tíjaraka'avi'i eta vítupajijiasirawa'i eta vikanarasira'i ema maka achane, táichavene'i eta vikasiñaira'i ema.

Hechos 3:5

Taka'e, máimararakaipa'i, máimijachaipa náijarakayare'i eta plata.

Hechos 3:7

Taka'e, ema Pedro machuruwauchawanepa te mawa'u waure, makaechepukapa. Énewaneine'i túmewaka eta mapaikeana eta mayukarana etapa eta mamarinapiki.

Hechos 4:10

Vimetaka'eyare puiti, viwara'a vémecha'eyare, eti énapa ena achaneana te juka viáwasa Israel. Ema maka achane, íma'akene'i eta manarasira'i, viwara'a vímimaticha'e eta máitupajijiasirawa ema Jesucristo ema Nazareno takanaraka'i eta vipiarasira'i te máijare ema, émetataru'i te crusu, ekaparu'i, émasera ema Viya makaechepuka'i te máekari.

Hechos 4:7

Taka'e, náemepanapa ema Pedro ema Juan te nakaeratairare, nakatupiakapa te namira'u, nayaseserekapa. Ánipa naicha: –¿Nája'a tiwaneka'e'i icha eta juka nája'a ema tíjaraka'e'i eta ítupajijiasirawa'i?

Hechos 9:34

Ema Pedro máichapa: –Eneas, ema Jesucristo tikanarakaviya. Péchepukapa pive'apa eta piyereruwa. Ema Eneas enewanepa téchepuka.

1 Corintios 4:11

Puíti'ipa vinasi'ichu'i eta vikatajiwaira'i eta vinikakenerepi, eta vimaunewa, étapa eta véchuriasirapa eta vimuiri'arapi, ena achaneana té'aviana, tájina viviyawa vijunaiya.

2 Corintios 6:10

Tikutimai'i eta vikatisamurewa'i ichape, viurisamurereakawa'i, vikutima'i eta páure'avi'i eta náimaira'avi'i, ichapemuriana'isera ena víjararuana'i eta nakaima'akene'i, ani, tájina víma'akenena, té'esera te apana vítaresira, tétavikawaya eta vikaima'akeneraya.

2 Corintios 8:12

Te yatupina ewara'a enakikawa, ema Viya majakapayare eta enakiruwayare, taicha ema, wa'i tipamika'ema'i enakika'ini eta kamuri taicha tajina eviyaima'i.

2 Corintios 8:9

Ímatirichu'i eti eta máemunasira'avi'i ema Viákenu Jesucristo, ema, tamutu tiúrikakare'i te mávi'a'i te anuma, tájina'ineni mákamunu'ini, étivene'isera tiúkupaikapa te juka apake'e, páurepa ema eta máitaresira'i apaesa eti ejakapa'ini eta iúrikakarewa maicha ema eta maemepaurechirawa'i.

Santiago 2:5

Némunarukeneana nuparapeneveana, esamanucha'a. Ena páureana'i te juka apake'e, majakapawaka'i ema Viya, táichavene'i eta nakasiñaira'i. Ena, tiápajupanawana'i eta náuriwaya taicha ena tikaikuchiana'i eta máwasa ema Viya, taicha machanerana'i. Nakachaneyare'i ena apamuriana témunakana'i ema;

1 Pedro 4:10

Ema Viya tíjaraka'ewakaipa eta ítukakenepachu'i. Taka'e, yátupina ítauchaya eta ekaemataneasirakaka'i te mamira'u.