Hechos 27:1 - Táurinakene máechejiriruwa’i ema Viya tikaijare

¹ Taka'e te tiúripa eta napanereru'i eta náewatasira'aviya te Italia, ema Pablo énapa ena apamuriana nakaeratakeneana'i, natuparakapa ema nakapitara'i ena suntaruana tikaijare Julio, ema akenukaini taye'e eta batallón Augusto.

Ignaciano

¹ Tiuri, matiarihihi ema capitán ticaijare Julio, nacapi­tarahi ena masunta­rurana ema aquenucaini Augusto. Tacahe, te tiúripa eta napanereru eta náevata­si­ra­haviya te Roma, natupa­racapa ema Julio mámaya ema Pablo énapa ena apamuriana présoana.

Hechos 27:1 ပူးပေါင်းရင်းမြစ်များ

San Mateo 27:54

Taka'e, ena tijanearekana'i, émapa ema kapita, te náima'apa eta tayayakarewa'i eta apake'e, étapa eta apamuriana tiáramikareana'i, ichapeine'i eta napisira'i, tási'a naka'epa: –¡Yátupikeneichuyapa ema maka achane, Machicha'i ema Viya!

San Lucas 23:47

Taka'e, ema kapita romano. Te maima'apa eta taichararakawa'i makunachapa ema Viya, maka'epa: –Yátupikeneichuyapa, ema maka achane matapiraware'i.

San Lucas 7:2

Ánaki makawasa'i ema nakapitara ena suntaruana romanuana, tikajuma'i ema makajurure, tétavikawa'i eta máemunasira'i, tási'a tiáne'ipa'i tépena.

Hechos 10:1

Te jena awasare Cesarea matiari'i ema achane tikaijare Cornelio, militar ema achane. Eta máwakure'i ema, kapita, taye'e eta batallón tikaijare Italiano.

Hechos 10:22

Tási'a, najikapapa ena: –Tiwaneka'avi'i ema kapita Cornelio, ema achane tipikaura'i maye'e ema Viya. Títaura'iware naye'e ena achaneana, namutu ena israelítana napikaucha náemunakaware ema, puiti víti, vítekapauchavipa, taicha kape juka, ema ángele mawaneru'i ema Viya mametapana'i ema Cornelio máimichu'avi píteka te mapena, apaesa masama eta pimetarapianaya.

Hechos 16:10

Eta máimaira'i ema Pablo te mawapure, enewanepa vétupirikawapa eta viyaniraya taye'e eta Macedonia, taicha vémeteaka'i eta mawaraira'i ema Viya eta viyaniraya eta ánaki, vikametarairuirayare.

Hechos 18:2

Ánaki makainunapa ema émana juriyu tikaijare'i Áquila, ema maka máuchusine'i te tinapaika te Ponto. Ema Áquila, tási'a ésupa esu mayena Priscila naitekapirawa'i, násinepa'i te Italia, taicha ema akenuka emperador Claudio makawanairipipa náuchuka namutu ena juriyuana eta te Roma, taka'e ema Pablo tiyanapa maejirapana'i

Hechos 19:21

Te táekenepa eta juka, ema Pablo mawara'apa maejirapanaya eta Macedonia etapa eta Acaya, timiyanawayarepa eta mapaisiraya titekapayare taye'e eta Jerusalén. Taka'e maka'ewarepa te nasi'apa te Jesusalén takamunu'i nuyanayarewa taye'e eta Roma.

Hechos 21:32

Taka'e, ema nakapitara máichu'apa ena masuntarurana énapa ena oficialeana. Tiyananapa tijunapanapaipa. Ena achaneana, te náima'apa eta máitekapauchira'i ema, náinajikapa eta náe'aira'i ema Pablo.

Hechos 22:26

Te masamapa ema nakapitara eta juka, tiyanapa mametakapa ema nakenumuri'i ena, suntaruana máichapa: –¿Taja'a pikayemaya piti? Ema maka achane tikawasa'i te Roma.

Hechos 23:11

Tási'a, te jena yátikene'i máechejikapa ema Viya ema Pablo, máichapa: “Túmevinachucha, Pablo. Taicha tiúri'i eta péchejisi'aira'i eta níjare te juka Jerusalén. Puiti piyanayare eta te Roma, éneyareichu taka'eyare eta péchejisiraya.”

Hechos 23:17

Taka'e, ema Pablo máichu'apa ema nakapitara ena suntaruana, máichapa: –Piáma ema maka amaperu te mamira'u ema iákenumuri. Jukari'i eta juka mametakaya.

Hechos 24:23

Taka'e, ema tuparairuka Félix mawanekapa ema maye'e kapita máimichawa te naerataka ema Pablo, makawanairipiware makaitikaparaka ánipina mauchuka, tási'a naisapachucha majakapa ena tichimarachana, maemunakasareana.

Hechos 25:12

Taka'e, ema Festo makayasesererupa naye'e ena maye'eana abogado, tási'a, máichapa: –Piti piyasesereka'i piyana te mamira'u ema emperador, nísapaviya piyana.

Hechos 25:25

nútisera tájina níma'a matapirawaina, émasera tiyaseuchawapa tiyanayare te mamira'u ema emperador, nísapa'isera mayana eta maye'e.

Hechos 27:11

Émasera ema nakapitara ena suntaruana wa'i masuapa'ini ema Pablo, masuapapanapa ema tikaye'e eta pakure.

Hechos 27:43

Émasera ema nakapitara Julio wa'i máisapa'ini, taicha mawara'a'i makuchuku'ayare'i ema Pablo, makawanairipipa ena náitukana'i tiáwarekana napaucha eta tiajipa'i,

Hechos 27:6

Taka'e, viáwaku'awarepa taye'e eta apanapa pakure máechejiaru'i ema vikapitara Julio, eta juka pakure tiási'a'i te awasare Alejandría, puiti takaiju'eyarepa te Italia.

Hechos 28:1

Te vimutupa viúchuku'a'i taye'e eta viukupaisine'i, tiúchujiucha'avianapa ena tikawasana'i taye'e eta tiurupu'i táijare'i Malta.

Hechos 28:16

Te vítekapapa te Roma, náisapapa ema Pablo máiputsikawa te apanana peti eta mavi'ayare'i, matiari'i'isera ema émana suntaru tijaneaka'i.

Hebreo 13:24

Néchejika'e emutu eti ejaneara'iana ena vichamuriana. Échejisinanuwaka namutu ena vichamuriana vikutikeneana'i tisuapajira'iana'i te jákani návi'a'i ena. Ani te juka, nukachanewaka ena vichamuriana náiteruana te Italia. Téchejika'eanaware ena.