Hechos 26:9 - Táurinakene máechejiriruwa’i ema Viya tikaijare

⁹ “Núti'ipa akane nímijacha'i nétupikawa'i eta níchakeneana'i, nukatianasirawaka'i ena té'ikana'i ema Jesús Nazareno,

Ignaciano

⁹ Nútiripa acane nímijachahi nétupicava eta me Viya eta níchaque­neánahi nucatia­na­si­ra­vacahi ena téhicanahi ema Jesús Nazareno.

Hechos 26:9 ပူးပေါင်းရင်းမြစ်များ

San Juan 15:21

Eta é'isiranu'i, étaipa tiviucha'eyare tamutu eta juka nakatianasira'enapa, táichavene'i eta wa'i náimati'ini ema tiwanekanu'i.

Hechos 21:13

Émasera ema Pablo máicha'avipa: –¿Tája'a takayema ímipanererekanu eta juka íyauchiranu'i? Wa'i nupika te náitiakanupuka, nuti níjarakawa népena te Jerusalén máichavenena'i ema Viákenu Jesucristo.

Hechos 22:3

“Nuti'ichu'i juriyunu. Eta núchusine te Tarso te Cilicia. Ánipasera nujurusine'i te juka Jerusalén. Ema tímitukanu'i ema Gamaliel. Nujurucha'i eta nupikauchira'i yátupi eta viye'erepi náijararu'avi'i ena viáchukanaveanaini. Eta nítaresira'i, nímikapikaucha'i ema Viya, takuti'i puiti eta ímikapikauchira'i eti te juka sácheana.

Hechos 22:4

Eta nítaresira'i, nukatianakawakaini'i ena té'ikana'i ema Jesús. Nemeratakawaka'i nukasiapawaka'i te nakaeratairare ena ajairana énapa ena esenana. Nímikapakawaka'i ena.

Hechos 22:8

Taka'e, nuyaserekapa: ‘¿Nája'avi piti tata?’ Tási'a, tijikapanupa: ‘Nuti Jesús Nazareno, nuti pikatianaru'i, eta pipánajirisirawaka'i ena té'ikanuana'i.’

Hechos 24:5

Puiti vímatipa ema maka achane, ti'apapira'i ema, tamutu awasareana te jákani navi'aipa'i ena vijaneana israelítana, mayurukawaka ena, émaichuwa tachutiri'a'i naye'e ena té'ikana ema Jesús Nazareno.

Hechos 3:17

“Tiuri puiti, nuparapenaveana, eti ímikapaka'i ema Jesús taicha wa'i ímati'ini eta émaira'i ema Cristo ema vikuchapakene'i. Énaipa ena tuparairukana eye'e, wá'iware náimati'ini ema.

Hechos 3:6

Tási'a, ema Pedro máichapa: –Tájina nakaye'e eta plata uruinapukaini níjarakavi'ini, juka'isera eta juka nukaye'ekene nijarakaviyare: nukanarakaviyare táichavene eta máitupajijisiarawa ema Jesucristo ema Nazareno, nuwanekavi, péchepuka, pipaika.

Hechos 9:1

Tímiyanawaichucha ema Saulo eta mapánajirisirawaka'i ena té'ikana'i ema Jesús, mawaraira'i máimikapakawakaya. Tiyanapa tiyasesereka eta wanairipi maye'e ema akenuka taye'e eta Jerusalén,

Hechos 9:16

Nuti nímechayare eta makatajiwairayare ichape táichavenena'i eta máe'isiranuyare.”

Romanos 10:2

Nukunachawaka'i ena eta napikauchira'i ema Viya. Téjekapawana'isera ena eta táichararakawa'i eta vijakapakarewa me Viya. Ena, tímiuriakawana'i tiúriana'i.

Filipenses 3:6

eta nímikapikauchira ichape eta nupanajirisirawaka'i ena te'ikana'i ema Jesús, nukasiñawa'i nuti eta nítauchira'i yátupi eta viye'erepiana. Tájina néchejisiakarewa'ini naye'e ena achaneana.

1 Timoteo 1:13

ema, tituparakanu'i eta juka, ichapemuri'inéni eta néjekapirawa'i maye'e, tíñema'i'i eta néchejiriruwana'i maye'e, nupanajirikawaka'i ena náinapureana'i té'ikana'i ema, tijapanunu'isera ema, wícha'a'ineni nusuapa'ini né'ika'ini ema, taicha wa'i nécha'ini ema'inénipuka nukatianaka'i, eta níchira'i ena machanerana ema.