Hechos 26:7 - Táurinakene máechejiriruwa’i ema Viya tikaijare

⁷ Vimutu viti tachichanaveana'i eta viawapairu Israel, vikuchapawa'i eta juka táitauchirawaya eta máijararu'aviya ema Viya. Eta taka'e'i, rey Agripa, tamutu'i sacheana, yátiana vítati'i ema Viya, táichavene'i eta nukuchapirawa'i, timetauchanuana'i puiti.

Hechos 26:7 ပူးပေါင်းရင်းမြစ်များ

San Mateo 19:28

Ema Jesús majikapawakapa: –Nutupiruwa numetaka'e járajapayare eta sachewayare, takaitsiwairayare tamutu. Te maejakapa ema Machicha ema Ajaira te maejasi'ayare te tajara'ikene majarapi. Taka'e eti e'ikanuana'i éjakainapa taye'e eta dósekene Majarapi, éjakainapa taye'e eta ekatupara'airaya, étinapa ewanerekaya naye'e ena dósemurikeneana israelítana.

San Lucas 2:25

Matiari'i'i te Jerusalén ema achane tikaijare Simeón, tétavikawa'i eta máuriwa, tipikaura'i ema. Émaichu máwa'aru'i ema Machanewa Viya.

San Lucas 22:30

tási'a étinapa enikayare erayare te numesara te navi'a'i, éjakainapa taye'e eta ekatupara'airaya, étinapa ewanerekaya naye'e ena dósemurikeneana israelítana.”

Hechos 20:31

Tási'a, ekaunewaicha yátupina, échawayare eta mapanakene añu eta nutiari'ira'i eye'e, tamutu'i sacheana, yátiana nechejirika'e'i, émanapachu'i numetaka, níya'asamure'i taicha eta nímaira'e'i.

Hechos 24:15

Nemeteaka ema Viya makaitarekawakaya ena naepenakeneana'i, viti matapirawareana'i, énapa ena tikatapirawana, puiti, énaipa ena timetauchanuana'i tikutinuana'i eta nasuapira'i eta makaechepusiraya ema Viya ena náepenakeneana.

Hechos 26:2

“Tiúrisamurekare eta nítujisirawa'i néchejika te pimira'u piti rey Agripa, eta nukatiuchirawaya nuti apanawa eta juka nametauchiranu'i ena nujaneanana,

Hechos 26:3

taicha píti pímati'i tamutu eta juka viye'erepiana viti juriyuana, eta taka'e nuyaseakavi pisamanu eta nukayemaya, nuwara'asera pakamichawa nuye'e.

Hechos 28:20

Eta taka'e, nímichu'a'e'i nuwara'a'i, numetaka'e eta juka níchawakenewa'i. Tikaviurenu'i eta né'isira'i ema Cristo, ema vikuchapakene'i viti israelítana, eta tímitiakanu'i puíticha te juka cadena.

Filipenses 3:11

Taicha nuti nukunewa'i eta néchepusiraya te nékari.

1 Tesalonicenses 3:10

Tamutu sácheana, yátiana, viyujaraka'i maye'e ema Viya, viyaseaka'i vítujisirawaina'ini viápechawa víma'a'e, vímituka'e'ini eta apamuriana títukakareana taye'e eta juka vé'isira'i ema Jesús, támutu'ini ítuka.

1 Timoteo 5:5

Súkani tépenaima'i sukarichu'ipuka, nájina suchichaina'i, nájinaware suviyawa'i. Sukuchapainapa eta tási'akeneya maye'e ema Viya, taicha suíjararuwaipa yátupi eta maye'e. Tiyujarakainapa te sacheana, te'epa yátiana.

Santiago 1:1

Nuti Santiago, mawanaranu'i ema Viya, emapa ema Viákenu Jesucristo. Nuwara'a nukaitekapa eta juka néchejiriruwa eye'e emutu eti nujaneanana israelítana éjanerepairuana'i te tamutu awasareana.