Hechos 22:3 - Táurinakene máechejiriruwa’i ema Viya tikaijare

³ “Nuti'ichu'i juriyunu. Eta núchusine te Tarso te Cilicia. Ánipasera nujurusine'i te juka Jerusalén. Ema tímitukanu'i ema Gamaliel. Nujurucha'i eta nupikauchira'i yátupi eta viye'erepi náijararu'avi'i ena viáchukanaveanaini. Eta nítaresira'i, nímikapikaucha'i ema Viya, takuti'i puiti eta ímikapikauchira'i eti te juka sácheana.

Ignaciano

³ —Nútirichu ejaneana, israelítanu. Eta núchusine te avasare Tarso tayehe capital eta Cilicia. Ánipasera nujuru­sinehi te juca viávasa Jerusalén. Ema tímitu­canuhi ema víyacara Gamaliel. Nujuruchahi eta nupicau­chirahi yátupi eta viyeherepi náijara­ru­havihi ena viáchuca­na­veanaini. Eta nítare­sirahi, nímica­pi­cáuchahi ema Viya, tacutihi puiti eta ímica­pi­cáu­chirahi éti te juca sácheana.

Hechos 22:3 ပူးပေါင်းရင်းမြစ်များ

San Lucas 10:39

Esu Marta sutiari'i'i esu suparape tikaijaru'i María, taka'e, esu María téjakapa te máiwapechakaya ema Jesús. Susamararakaipa eta máimiturapiana.

San Lucas 2:46

Taka'e, te jena mapanakenepa sache eta natanusira'i, napaenumawapa náetupiaka'i ema Jesús taye'e eta templo. Makachanemuri'i, téjaka'i te namuri ena máestroana. Masamararakawaka'i, mayaseremuri'awaka'i ema apanaware.

San Lucas 8:35

Ena achaneana, tiuchukanapa tiyananapa náima'apana'i eta táichararakawa'i. Te títekapanapa, náima'apa ema achane náwa'aruini'i ena éreanana, téjakaipa'i te máiwapechakaya ema Jesús, tájinaipa'i máichirawaina'ini, tikamuiri'aipa'iware. Tási'asera, tipikanaine'i ena achaneana.

Hechos 11:25

Te táekenepa eta juka, ema Bernabé tiyanapa te Tarso, matanupanapa ema Saulo,

Hechos 15:23

tási'a éneichu'iware tiamana'i, eta ajureka: “Vímiamareka eta juka véchejiriruwa viti apústuleana, énapa ena víyara'ana, énapa ena vichamuriana te juka Jerusalén. Viwara'a tatiwayare véchejika'e eti viparapenaveana'i te mawa'uana ema Viákenu, eti apawasana tiáviana'i te Antioquía, étipa eti tiáviana'i te táunawana'i eta Siria étapa eta Cilicia.

Hechos 15:41

Eta napaisirapa'i te achene tétawajikanapaipa taye'e eta awasarechichana Siria étapa te Cilicia, náejirawakapaipa ena nachamuriana náetumesamurechawakapaipa'i eta naimiyanawa nasuapa ema Tata Viya.

Hechos 21:20

Te nasamapa ena mametaruana'i, nakunachaine'i ema Viya. Taka'e, náichapa ema Pablo: –Tiuri nuparape. Píma'apasera natiari'ira ena kamurikeneana ena vijaneanana té'ikana'i ema Jesús. Énasera, murakakeneana'i, té'ikana'i eta maye'erepini ema Moisés.

Hechos 21:39

Ema Pablo máichapa: –Nuti'ichuware juriyunu. Eta núchusine te Tarso. Tawanaranu eta ichape awasare Cilicia. Pikatajikanusera písapanu néchejikaya naye'e ena achaneana.

Hechos 23:34

Te tamutupa eta máechejikuira'i eta ajureka, ema akenuka mayaserekapa ema Pablo távi'a eta maúchusine; te maechapa eta mauchusine'i taye'e te Cilicia,

Hechos 23:6

Taka'e, ema Pablo máimatiwakapa ena akenukara'ana, natiari'ira'i ena saduceoana, énapa ena apamuriana fariséuana, tási'a, tijaranupa eta máechejisira'i: –Nuparapenaveana, núti'ichuware fariseonu, éneichuware ena tikachichanuana fariseoana'iware, ekatupiakanu'i te juka emira'u táichavene'i eta nukuchapira'i eta véchepusiraya te táekenenapa eta vépenira.

Hechos 26:5

Éneichuware naecha'i ena eta né'ika'i eta viye'erepiana viti israelítana eta nítaresira'i. Nukachanewaka'i ena fariséuana ena tipíkauchakareanapana.

Hechos 26:9

“Núti'ipa akane nímijacha'i nétupikawa'i eta níchakeneana'i, nukatianasirawaka'i ena té'ikana'i ema Jesús Nazareno,

Hechos 5:34

Matiari'i'isera te nataraku ema achane tikaijare Gamaliel, ema escriwánu'i fariseo, ema maka achane tikapika'u'i naye'e namutu ena achaneana. Taka'e, titupi'apa te namira'u. Makawanairipipa náuchukacha'a ánipina ena apústuleana.

Hechos 6:9

Tatiari'iware te Jerusalén eta apana peti náurujisirarewa ena juriyuana. Tiúrujikawana'i ena israelítana esclawuanaini náuchukureanapa. Ena tiási'ana'i te Cirene, te Alejandría, te Cilicia, étapa te Asia. Nákapaemajirikapa ema Esteban,

Hechos 9:1

Tímiyanawaichucha ema Saulo eta mapánajirisirawaka'i ena té'ikana'i ema Jesús, mawaraira'i máimikapakawakaya. Tiyanapa tiyasesereka eta wanairipi maye'e ema akenuka taye'e eta Jerusalén,

Hechos 9:11

Taka'e, ema Viákenu Jesús máichapa: “Piyana pitupiruya te jena calle tikaijare Titupina, te jena mapena ema Judas, pikayasesereruyare ema achane tikaijare Saulo, ema tikawasa te awasare Tarso, puiti máena'i tiyujaraka'i,

Hechos 9:30

Te nasamairikapa ena machamuriana, námapa ema Saulo eta te awasare Cesarea. Ánaki tiánuku'apa te máwasa Tarso.

Romanos 11:1

Puiti nuyasereka'e ¿Émapuka ema Viya makaerajikawaka'i ena machanerana? ¡Wá'i táka'e'ini! Núti'ichu'i israelitanu'i, mámariekenenu'iware ema Abraham, émapa ema apanaware náchuka Benjamín.

2 Corintios 11:22

Ena tikunachawana'i énaira'i hebreo israelítana. Nuti apana hebreonuware, israelitanuware. Éneichuware nuti mámariekenenu ema Abraham, nukuti'ichu'iware ena.

Gálatas 1:14

Nuti, eta nujurusira'i, níma'a'i eta takapika'uira'i eta viye'erepiana. Ichape'i eta némurakachirawa'i, nukachurikawaka'i ena nuparajuruana'i. Nímikapikaucha'i muraka, numawaraira'i táemitiekene'ini eta viye'erepiana'i nanakipairuana'i ena náchukanaveanaini.

Gálatas 1:21

Tájinasera wa'i nukaimitukasi'ini naye'e taicha nuyanawarepa nukaiju'e'i eta te Siria, nánuku'apa taye'e eta Cilicia.