Hechos 21:3 - Táurinakene máechejiriruwa’i ema Viya tikaijare

³ Eta vipaisirapa'i, viánuku'apa eta tiúrupu'i Chipre tanapaikapa'i te sapa eta viye'e, vímiyanawachucha vipaika vítekapira te puerto tikaijare'i Tiro taye'e eta Siria. Taicha eta pakure vé'irupa'i tanakikayare'i eta támakenepa'i taye'e eta puerto.

Ignaciano

³ Eta vipaisi­rapahi, viánucuhapa eta tiúrupuhi Chipre tanapai­capahi te sapa eta viyehe. Vímiya­na­vachucha vipaica vítecapira te puerto ticaijarehi Tiro tayehe eta Siria. Taicha eta pacure véhirupahi tanaqui­ca­yarehi eta carga támaque­nepahi tayehe eta puerto.

Hechos 21:3 ပူးပေါင်းရင်းမြစ်များ

San Mateo 11:21

“¡Je'eyapukaini, Corazín! ¡Je'eyapukaini, Betsaida! Taicha te népiyaka'ini eta tiaramikare te Tiro etapa te Sidón, ena naitsiwachaipaini eta naitaresira me Viya, nakamuiri'aipaini eta tisesu amáratataji, naepurasikawaipa'ini eta tsimapa te nachuti enewanena'ini náimerekawa'ini yátupi eta náeñauchirawa'i.

San Mateo 4:24

Nasamairikapa ena achaneana tikawasana'i te tinapaika te Siria, tási'a, námawakapaipa ena nakajumakeneana, apánapanenejikene'i eta najumana, nakatiru'awana'i, énaipa ena náwa'aruana'i ena éreanana, ena tirapapasiana, énapa ena murakaki'ana, namutu ena makanarakawakapa'i ema Jesús.

San Lucas 10:13

“¡Je'eyapukaini, Corazín! ¡Je'eyapukaini, Betsaida! Taicha te népiyaka'ini eta tiaramikare te Tiro etapa te Sidón, ena naitsiwachaipaini eta naitaresira me Viya, nakamuiri'aipaini eta tisesu amáratataji, naepurasikawaipa'ini eta tsimapa te nachuti enewanena'ini náimerekawa'ini yátupi eta náeñauchirawa'i.

San Lucas 2:2

Táinapuiru'i eta nakatupaira'i maicha ema tuparairuka Quirinio taye'e eta Siria.

Hechos 11:19

Te nakapakapa ema Esteban, tépanawanapa napanajika'i ena apamuriana té'ikana'i ema Jesús, eta taka'e, tijunanapa, te Fenicia, ena apamuriana tiyananapa te Chipre, tási'a étapa te Antioquía. Ánaki, tikametarairuanapa naye'e ena juriyuana, énachuchasera, wa'i nametaka'ini ena apawasana.

Hechos 12:20

Ema Herodes tisema'i naye'e ena achaneana tikawasana te Tiro étapa te Sidón. Énasera náimiwanerekapa maye'e ema Herodes. Tiyaseserekanapa eta náuriwaina maye'e ema, taicha eta náwasana'i, táitekapaucha'i eta tinikakare, tiási'a'i eta te máwasa ema rey. Taka'e, nakasiñapa ema Blasto, ema majupa'a ema rey, máechejiuchawakaya eta náuriwaina.

Hechos 13:4

Ema Bernabé ema Saulo, mawaneruana'i ema Machanewa ema Viya, tiyananapa te Seleucia. Taka'e, tiánuekanainapa, nakaiju'eya eta tiúrupu'i tikaijare Chipre.

Hechos 15:23

tási'a éneichu'iware tiamana'i, eta ajureka: “Vímiamareka eta juka véchejiriruwa viti apústuleana, énapa ena víyara'ana, énapa ena vichamuriana te juka Jerusalén. Viwara'a tatiwayare véchejika'e eti viparapenaveana'i te mawa'uana ema Viákenu, eti apawasana tiáviana'i te Antioquía, étipa eti tiáviana'i te táunawana'i eta Siria étapa eta Cilicia.

Hechos 15:39

Nakaemataneakaipa eta mamawaraira'i mayana'ini ema Marcos. Taka'e, tínajikakanapa. Ema Bernabé tiyanapa, makachane'i ema Marcos, tiáwaku'anapa, nakaiju'eyarepa eta tiúrupu'i Chipre,

Hechos 15:41

Eta napaisirapa'i te achene tétawajikanapaipa taye'e eta awasarechichana Siria étapa te Cilicia, náejirawakapaipa ena nachamuriana náetumesamurechawakapaipa'i eta naimiyanawa nasuapa ema Tata Viya.

Hechos 18:18

Manasiraicha'a'i ema Pablo taye'e eta Corinto. Te taekenepa tiyanayapa tichawa'i, tikametawapa naye'e ena machamuriana, makachanepaipa ema Áquila ésupa esu Priscila, tiawaku'anapa tiyananapa te tinapaika te Siria. Te Cencreas, tiane'ipa eta nawakuiraya, charusikawapa eta machuti, eta maitauchirayare'i eta maechejiriruwa.

Hechos 21:16

Té'ika'avianapa ena vichamuriana tikawasana'i te Cesarea, té'ika'avipa'iware ema vichamuri tikaijare Mnasón, ánakiripa'i eta máe'isira'i ema Jesús, ema, máuchure'i eta te tiúrupu'i Chipre, tatiari'isera eta mapena te Jerusalén, eta vítekapi'ayare'i.

Hechos 21:2

Étapa vikainunaine'i eta apana pakure tiyanayare'i taye'e eta apachara apanaware tinapaika Fenicia, taka'e, viáwaku'apa taye'e, viyanapa.

Hechos 21:7

Eta viási'aira'i te Tiro, vítekapapa te Tolemaida, étapa táenasi'a'i eta vipaisira'i te ichape une. Viyanapa véchejikawaka'i ena vichamuriana, vinasipa étana sache eta naye'e.

Hechos 27:4

Te viási'awarepa te Sidón, vétavikapa eta tiúrupu'i Chipre tinápaikapa'i te sapa, wáipasare viákapapa'ini eta tékatikawa.

Hechos 4:36

Matiari'iware ema achane tikaijare José. Ema máuchure'i te tiúrupu'i te tikaijare Chipre. Ema maka José náumuriwaicha'a ena levitana. Ena apústuleana nanakapa eta máijare'i Bernabé (te véchejiriruwa tikaijare: “Tikaurisamurera'i”.)