Hechos 20:4 - Táurinakene máechejiriruwa’i ema Viya tikaijare

⁴ Náe'ikapa ena machamuriana, ema Sópatro machicha ema Pirro, tikawasa'i te Berea, ema Aristarco émapa ema Segundo tikawasa'i te Tesalónica, ema Gayo tikawasa'i te Derbe, ema Timoteo, ema Tíquico émapa ema Trófimo, tikawasana'i te tinapaika te Asia.

Ignaciano

⁴ Eta machavirapa, náehicapa ena machamuriana ema ticaijare Sopater ticavasahi te Berea, ema Aristarco émapa ema Segundo ticava­sanahi te Tesalónica, ema Gayo ticavasahi te Derbe. Máehicavare ema Timoteo. Natiari­hivare ema Tíquico émapa ema Trófimo ticava­sanahi te tinapaica eta Asia.

Hechos 20:4 ပူးပေါင်းရင်းမြစ်များ

Hechos 14:20

Tasi'a, tiyananapa ena machamuriana ema Pablo, náima'apanayare'i. Te náitekapauchapa, náurujiakaipa, émasera técharara'aipa téchepukapa. Te apanapa sache, tiyananapa ema Pablo émapa ema Bernabé te awasare Derbe.

Hechos 14:6

Émasera ema Pablo émapa ema Bernabé, te nasamairikapa, tijunanapa nakaiju'epa taye'e eta awasare Listra, étapa te awasareana Derbe, eta te provincia tikaijare Licaonia.

Hechos 16:1

Taka'e, ema Pablo émapa ema Silas náejirawakapaipa ena nachamuriana tikawasana'i te Derbe, tási'a, tiánuku'anawarepa te Listra, anaki matiari'i'i ema Timoteo, suchicha esu ésuna esena israelita, té'ika'iware ema Jesús. Émasera ema maiya, apawasana'i griego'i, ema maka Timoteo émaichuware té'ika'i ema Jesús.

Hechos 16:6

Tiuri, ema Machanewa ema Viya mametaka'i wa'i nakuyana eta te tinapaika'i eta awasareana te Asia. Tási'a, náetavikapa eta awasarechichana táunawana'i eta Frigia etapa eta Galacia,

Hechos 17:1

Eta nayanira'i ema Pablo émapa ema Silas, tiánuku'anapa taye'e eta awasareana Anfípolis étapa te Apolonia, tási'a títekapanapa taye'e eta apanaware awasare Tesalónica, tatiari'i ánaki eta peti náurujisirarewa ena juriyuana.

Hechos 17:13

Nasamairikawarepasera ena israelítana tikawasana'i te Tesalónica eta makametarairuipa'iwa ema Pablo eta te Berea. Enewanepa tiyanana nakapayaka. Te títekapanapa, náimiyusemakawarepa ena achaneana.

Hechos 19:29

Taka'e, tisemamurianapa ena achaneana, apanapa eta napanerecha. Natiari'i ema Gayo émapa ema Aristarco, machamuri ema Pablo. Taka'e, ena achaneana nakaratakapa nachururupairikapa ena nani apinana. Námapa taye'e eta náurujisirarewa.

Hechos 2:9

Eta te juka ani natiari'i'i ena achaneana nasi'a'airuana'i te apánapanenejiana awasareana, ena tiási'ana'i te Partia, te Media, te Elam, te Mesopotamia, te Judea, te Capadocia, te Ponto, té'epa te tinapaika te Asia,

Hechos 20:16

Wáipa maetawajika'ini te Éfeso, taicha ema Pablo waipa máwara'a'ini máyererejipa'ini eta mapaisirapa'i te táunawa'i te Asia, taicha mawara'a'i títekapawaneyare te Jerusalén, eta máimaiyayare'i eta napiestara tikaijare Pentecostés.

Hechos 20:18

Te títekapanapa ena, máichawaka: “Eti ímatinu'i eta taichararakawa'i eta nítaresira'i eta jena sácheana te nítekapaucha'enapa taye'e eta Asia.

Hechos 21:29

Ena nayunaka'i eta juka, taicha náima'a'i te awasare ema Pablo makachanepa'i ema Trófimo tikawasa'i te Efeso. Náimijacha'i máma'i ema Pablo te taju'e eta templo.

Hechos 27:2

Viáwaku'apa te ichape pakure tiási'a'i te anuereku Adramitio. Tiyanayare'i te apanaware anuereku te Asia. Té'ika'avipa'i ema Aristarco tikawasa'i te Tesalónica, tinapaika te Macedonia.

Romanos 16:21

Téchejika'e ema Timoteo, ema nuchamuri'i eta vikaemataneasira'i ema Viákenu. Énapa ena nujaneanana, ema Lucio, ema Jasón, émapa ema Sosípater.

Romanos 16:23

Téchejika'eware ema Gayo, ema nítekapaure'i te mapena. Etaichu'iware viúrujisirarewa'i te viyujarasirana. Téchejika'eware ema Erasto, ema tésorero'i taye'e eta awasare. Téchejika'eware ema viparape Cuarto.

2 Corintios 1:1

Nuti Pablo, maye'enu'i apústule ema Jesucristo, manerejirunuichu'i ema Tata Vikaiyakene, mawaraira'i nímitukaya ena achaneana eta máechejiriruwana ema, puiti juka najure, nápechawa nukajure'e nuti, émapa ema viparape Timoteo, véchejika'e'i emutu eti machanerana'i ema Viya ekawasana'i taye'e eta awasare Corinto, énapa namutu ena vichamuriana'i machanerana'iware ema Viya tikawasana'i te awasareana taye'e eta tinapaika Acaya.

2 Corintios 1:19

Taicha kape juka, te nimituka'epa nuti, émapa ema Silwano, ema Timoteo, vímimaticha'e'i ema Jesucristo, Machichakene'i ema Viya. Puiti ímatipa ema, tájinakene'i mawayuaraiwaina ema,

Efesios 6:21

Tiuri puiti, máima'a'einesera ema vémunarukene'i vichamuri Tíquico. Ema, títametaka'eyare tamutu eta níchararakáwa'i nuti. Tétavikawa'i eta máimikatasiranu'i eta vikaemataneasira'i ema Viákenu.

Filipenses 2:19

Nupanerecha'i néwatakayareni ema Timoteo eta ara eye'e, máima'apana'e apaesa núrisamurepaini eta nusamairisira'eya te machawapa máima'a'avirinesera ema Viákenu Jesús eta vítujisirawaya.

Colosenses 4:10

Ema Aristarco, ema nukutikene'i eta nukaerataira'i. Téchejika'eware ema Marcos, ema macheji ema Bernabé. Eti échaipa eta máitesirayare eta ara eye'e ema Marcos. Te máitekapaucha'epa, tiúriyare eta ejakapirayare ema.

Colosenses 4:7

Máima'a'einesera ema vémunarukene'i vichamuri Tíquico. Ema, títametaka'eyare tamutu eta níchararakawa'i nuti, taicha ema nukachane'i eta te juka návi'a'i. Tétavikawa'i eta máimikatasiranu'i eta vikaemataneasira'i me Viákenu.

1 Timoteo 1:1

Ema Pablo maye'e apústule ema Jesucristo. Mawanekasiwa'i maye'e ema Viya. Makatiura'ikene'i viye'e, émapa ema Viákenu Jesucristo, ema vikunekene'i eta mápechirawayare tichawa,

2 Timoteo 1:2

puiti nápechawaware nukajurevi eta piye'e piti nuchicha Timoteo némunarukene. Nuwara'a makatajikavini majapanuvini ema Tata Vikaiyakene, émapa ema Viákenu Jesucristo. Náijarakavini eta táuriwaina eta pipanereruana.

2 Timoteo 4:12

Ema Tíquico, nuwaneka'i máiteka ara piye'e te awasare Éfeso, émainacha'a pítsiwaina.

2 Timoteo 4:20

Émasera ema Erasto, nunakika'i te Corinto, émapa ema Trófimo nunakika'iware te Mileto taicha tikajuma'i ema.

Tito 3:12

Tiúri, néwatakayare pítsiwayare ema Artemas eta ara piye'e, té'esera émapuka néwataka ema Tíquiico, te máitekapauchavipa ara piye'e, pítekawaneyare ani nuye'e te juka awasare Nicópolis, taicha nunasiyarecha'a ani. Nuwara'a táetavikawanumacha'a eta murakana tékatikawa,

Filemón 1:24

Éneichuware téchejika'eana ena apamuriana vichamuriana taye'e eta vématanerepiana'i, ema Marcos, ema Aristarco, ema Demas, tási'a émapa ema Lucas.

3 Juan 1:1

Ema viyara'a tikatupara'a, ema némunarukene'i Gayo nukaju'i, ema temunaka'i eta yatupikeneana.