Hechos 2:5 - Táurinakene máechejiriruwa’i ema Viya tikaijare

⁵ Te jena sacheana'i, natiari'i'i ena juriyuana te Jerusalén, tiási'ana'i te tamutu awasareana, tipikaura'iana'i taye'e eta naye'e religión.

Ignaciano

⁵ Te jena sache, natiari­hivare ena camuri­queneana israelítana te Jerusalén tiásihana te tamútu­yaréini avasareana. Tipicau­ra­hianahi tayehe eta nayehe religión.

Hechos 2:5 ပူးပေါင်းရင်းမြစ်များ

San Mateo 24:14

Tási'a eta juka tiúrina techakare, tikámetakasiyare tamutu awasareana, apaesa naimati namutu ena tiavi'ana'i te apake'e, te taekenepa eta juka titekapainapa eta taitaviraya eta apake'e.

San Lucas 17:24

Taicha takutiyare eta térameka, eta maítesirayare ema Machicha ema Ajaira. Tamikauchayare eta anuma étapa eta apake'e, jena sacheyare.

San Lucas 2:25

Matiari'i'i te Jerusalén ema achane tikaijare Simeón, tétavikawa'i eta máuriwa, tipikaura'i ema. Émaichu máwa'aru'i ema Machanewa Viya.

San Lucas 24:18

ema émana tikaijare'i Cleofás majikapapa: –¿Pikarichu'ipuka piti wa'i pécha'ini eta juka, eta piavi'aira'i eta táichararakawa'i te Jerusalén, puiti juka sácheana'i?

San Juan 12:20

Natiari'iware ena apamuriana achaneana apajuekuru'ana taye'e eta Jerusalén. Éneichu'i ena tímitekana'i tiyujarapanana'i te jena piéstaira'i.

Hechos 10:2

Ema maka achane mapikaucha'i ema Viya. Máimitukawaka'i namutu ena machichanaveana. Éneichuware máimikatakawaka'i ena israelítana páurekeneana, tamutu'i sacheana tiyujaraka'i maye'e ema Viya.

Hechos 10:7

Te tamutupa eta máchejisira'i ema ángele, tiyanapa tichawa. Taka'e, máichu'apa ema Cornelio ena apinana mamusurana. Máichu'aware ema émana masuntarura. Éneichuware tipikaura'i maye'e ema Viya,

Hechos 13:50

Narari'i'isera ena tikatianakana'i ema Pablo émapa ema Bernabé, israelitana'i ena, taka'e, náimitukapa ena tuparairukana te awasare, énapa ena esenana tikapika'ukareana'i, té'ikana'i eta naye'erepiana, énerichuware napamikapa ena achaneana, nawaraira'i nákijikaya taye'e eta awasare ema Pablo emapa ema Bernaé, nakuchukawakapa ena apinana.

Hechos 2:1

Te títekapapa eta piesta tikaijare'i Pentecostés. Tiúrujikawanapa ena te'ikana'i ema Jesús.

Hechos 22:12

“Eta ánaki, matiari'i'i ema achane tikaijare Ananías, títaura'i ema taye'e eta mawanairipiana, namutu'i ena vijaneanana tikawasana'i te Damasco nakunacha'i ema.

Hechos 8:2

Natiari'iwaresera ena apamuriana ajairana tiúripanereruana'i, nave'apa eta máke'e ema Esteban, náekarapanapa, tíya'anapa ichape eta nakatiekenera'i ema.

Hechos 8:27

Ema Felipe téchepukapa, tási'a tiyanapa, te achene makainunapa ema achane tikawasa te Etiopía. Ema maka achane, sujupa'a'i esu reina taye'e eta Etiopía. Ema maka, ema'i tijaneaka'i eta suíma'akeneana esu reina, ema másine'i te Jerusalén, máejirapana'i ema Viya.

Colosenses 1:23

Taka'e, nuwara'a étumechawayarechucha, ímiyanawa táuri eta é'isira'i. Wa'i ekuyakujiekene'awa eta ekuchapira'i eta iúchukuiraya. Wa'i ekuemepurureka eta esuapiraipa'i eta máechejiriruwa ema Viya. Tétavikawa'i tasuapakarewa'i naye'e namutu ena achaneana te juka apake'e. Núti'ipa nuti Pablo wanairukakenenu'i, étaichu'iware taka'e'i eta nukametarairuira'i.