Hechos 2:4 - Táurinakene máechejiriruwa’i ema Viya tikaijare

⁴ Tási'a ena, máwa'akawakapaipa ema Machanewa Viya, tiáramikareanapa apaechejiriruwawakapa, taicha eta máwa'asirawakaipa'i ema.

Ignaciano

⁴ Tacahe, ena mávahá­ca­va­caripa ema Espíritu Santo. Tiárami­ca­reanapa apáecha­ji­rí­ru­va­vacapa taicha eta mávahá­si­ra­va­cáipahi ema Espíritu Santo.

Hechos 2:4 ပူးပေါင်းရင်းမြစ်များ

San Mateo 10:19

Te'esera te nama'epa te namira'u ena akenukana, wa'i ekueñamawa eti eta échejiuchirawayare, ekatiuchirawayare, taicha te taitekapapa eta uraya eta, échejiuchirawayare ema Viya tijaraka'eyare eta tauriwayare eta échejisirayare.

Marcos 16:17

Ena tisuapajira'iana náimerekayare eta juka tiáramikareana: Náimijunijikayare ena éreanana naye'e ena achaneana, taicha námapikayare eta níjare. Náitukayare téchejikana eta apanana echéjirirukawana namaitukakeneana'i

San Lucas 1:15

Ema pichichayare, ichapeyare eta makunachakarewayare maye'e ema Viya. Wa'i písapaima'i tera eta vino, étaipa eta apamuriana térakareana murakakeneana. Taicha ema, eta máuchusirayare, máwa'áruyarepa'i ema Machanewa Viya.

San Lucas 1:41

Te susamapa esu lsabel eta sua'u esu María suéchejisira'i, tiyamurikaine'i eta amuya te suju'e esu lsabel, énewanepa máwa'aka'i esu ema Machanewa Viya.

San Lucas 1:67

Ema Zacarías, maiya ema amuya, makunachaipa ema Viya, taicha máwa'akaipa ema Machanewa Viya, tási'a tikametarairupa. Ánipa maka'e'i:

San Lucas 12:12

Ema Machanewa Viya tímituka'eyare eta táuriwaya eta ekayemayare te jena sache ekayasesere'inapa.

San Lucas 21:15

Taicha nuti, níjaraka'eyare eta ítusirayare ekatiuchirawaya, nájina ákutima'i eta ítupaijiasirawaya, ichape ekachuriakayare ena iánaranaya.

San Lucas 4:1

Ema Jesús, máwa'akaipa ema Machanewa Viya. Tási'a, ema Machanewa Viya máwasamurechira'i, máimitukaipa'i eta mayanirayare'i te máwapa'i wama'i. Majunijikayare'i eta kajakure Jordán.

San Juan 14:26

émasera ema katiura'i Machanewa Viya, mawaneruyare ema Tata te níjare nuti, ema tímikataka'eyare, tikurisamurecha'eyarewa. Éneichu tímituka'eyare, témecha'eyare tamutu eta juka numetarapiana eye'e.

San Juan 20:22

Tási'a, machajuákawakapa ena, tási'a, máichawakapa: –Ejákapa ema Machanewa Viya.

Hechos 1:5

Échawaichu, ema Juan, máikachasikawaka'i te une ena achaneana. Étisera, puiti juka sacheanayare, tiúkupaikayare ema Machanewa Viya, émainapa tíkachasika'eyare.

Hechos 1:8

té'esera te maitekapapa ema Machanewa Viya, tiáwa'aka'eyare tímikataka'eyare. Taka'e, échejisianuinapa nuti, tamutuyare te awasareana eta epaisi'ayare te Jerusalén, te Judea, te Samaria, étapa te jákani tayere'ikeneana awasareana taye'e te juka apake'e.

Hechos 10:46

Tíja'uchawapa ena máwa'aruana'i nasamapa techejikana'i apaechejiriruwanapa, eta nakunachaipa ema Viya.

Hechos 10:47

Taka'e ema Pedro maka'epa: –¿Naja'apuka naichejika'ini eta énewanena'ni nakaikachasi'ini ena nakana, taicha najakapaipa'i ema Machanewa ema Viya, vikuti'ipa viti?

Hechos 11:15

Te népanawapa néchejikawaka'i, tíja'uchawapa tiúkupaikapa ema Machanewa Viya, naye'e ena, máwa'akawakapa takuti'i eta máwa'asira'avi'i víti te tépanawainapa.

Hechos 11:24

Taicha ema Bernabé, tétavikawa'i eta máuriwa, máwa'aru'iware ema Machanewa Viya, tisuapajira'i'i, makasiñawaira ema, eta taka'e kamuriana'i ena tisuapana'i té'ikana'i ema Viákenu.

Hechos 13:52

Énasera ena apamuriana té'ikanaipa tímiyanawanapa eta nasuapira'i ema Viya, tiúrisamureana'iware ena taicha eta máwa'asira'i ema Machanewa Viya.

Hechos 13:9

Taka'e, ema Saulo, puiti tikaijare'i Pablo, máwa'arukene'i ema Machanewa ema Viya, máimararakapa ema iápemare.

Hechos 15:8

Ema Viya máimati'i eta nasamureana ena apawasana eta nasuapira'i, tási'a, máimereka'i eta majakapirawaka'i eta máwa'asirawaka'i ema Machanewa ema Viya takuti'i eta máwa'asira'avi'i víti.

Hechos 19:6

Taka'e, manakapa eta mawa'u te nápusiana ena achaneana. Tási'a, tiúkupaikapa ema Machanewa ema Viya, máwa'akawakapa. Témuna'irikawanapa apaechejiriruwana. Tikametarairuanapa eta máechejiriruwa ema Viya.

Hechos 2:11

narari'iware ena juriyuana naimiuchure'i ani, énapa ena tepiyakawana'i juriyuana. Éneichuware ena tiási'ana'i te Creta, étapa te Arabia. ¡Tási'a vimutu'isera visama eta véchejiriruwapachu eta táurikakarekeneana tási'akeneana'i me Viya!

Hechos 2:3

Tási'a, tiáramikarepa tímerekawa'i eta takuti eta tanene eta yuku, tijara'iwakapa te nápusiana namutu ena náurujiruwana'i.

Hechos 4:31

Te títapirikanapa eta nayujarasira'i, tíja'úchawapa tiyayakare eta apake'e te návi'a'i ena. Taka'e'i eta máwa'asirawaka'iware namutu ema Machanewa ema Viya, wáipasare napikakarakawa'ini eta náechejisira'i eta máechejiriruwa ema Viya.

Hechos 4:8

Taka'e, ema Machanewa Viya máimikataka'i ema Pedro eta majikapira'i ena tiyaserekana'i, ánipa maka'e: –Tátanaveana akenukara'ana víyakarana te juka viáwasa.

Hechos 6:3

Tiuri puiti nuparapenaveana, takamunu'i vinakayare siéteanaina ena ajairana te emuri eti, nákani ímatikeneana tiúriana, téchemara'iana náimatiekene'a tamutu, máwa'aruana'iware ema Machanewa Viya. Énaina vituparaka naicha eta juka emátaneka.

Hechos 6:5

Taka'e tikanerejianapa ena tikatupara'anayare. Nave'apa ema Esteban, achane tiuri, tisuapajira'ikene maye'e ema Viya, máwa'aru'iware eta Machanewa Viya. Nave'awarepa ema Felipe, ema Prócoro, ema Nicanor, ema Timón, ema Parmenas, tási'a émapa ema Nicolás.

Hechos 6:8

Ema Viya máimikataka'i ema Esteban. Máijaraka'iware'i eta ichape eta máichira'i eta tiáramikareana te namira'u ena achaneana.

Hechos 7:55

Émasera ema Esteban wa'i mapikarakawaka'ini taicha máwa'aru'i ema Machanewa Viya, máesenikapa te anuma, máima'aine eta majaraiwa ema Viya, émapa ema Jesús titupi'a'i te waure tinapaika'i eta majaraiwa ema Viya.

Hechos 8:17

Taka'e, ema Pedro émapa ema Juan nanakapa eta nawa'uana te nápusiana ena. Tasi'a, eta Machanewa ema Viya máwa'akawakaipa ena.

Hechos 9:17

Taka'e, masuapa'i ema Ananías, tiyanapa taye'e eta peti mávi'a'i ema Saulo. Tisiapapa, máechejikapa, manakapa eta mawa'u te mápusi, tási'a máichapa: –Nuparape Saulo, ema Viákenu Jesús tímerekawa'i eta piye'e te achene te pítekainapa, ema tiwanekanu'i níteka eta piye'e, mawara'a'i tichawayare eta pímairisira, mawara'aware tiáwa'akaviya ema Machanewa Viya.

Romanos 15:13

Ema Viya, tétavikawa'i eta makunekarewa'i, tikasiñakare'iware. Máijaraka'eni eti eta tawayuchiraina eta iúrisamurewaina, tawayuchirainaware eta ekasiñaira maye'e, apaesa tanarakaini tamutu eta epanereruana. Eta máwa'asira'e'i ema Machanewa Viya.

1 Corintios 12:10

Narari'iware ena máijararuana'i eta nakuchusiraya eta tiáramikareana. Ena apamuriana náijarakasipachu eta nakametarairuiraya maye'e ema Machanewa Viya, eta máechejiriruwana'i ema Viya. Ena apamuriana máijarakaware eta náimatiasirawaneya ena achaneana nája'apuka nákani máwa'aruana'i ema Machanewa Viya, nája'awarepuka ena máwa'eruana'i ena éreanana. Ena apamuriana máijarakaware eta tiúri'ichuya eta náechejisiraya eta apaechejiriruwana. Ena apamuriana máijarakaware eta naitusirayare, nápepika náechejisi'a eta apaechejiriruwa.

1 Corintios 13:1

Víti'ipa, te takuija'ipukaini eta vémunaraiwaina'ini, waipa tisuapakaréma'i eta vimetarairuana, vémunasirikawapa tayanapane vítuka'ipuka véchejika tamutu eta apaechejiriruwana, wákutipukaini eta náechejisira ena ángeleana.

1 Corintios 13:8

Tájinapa títaima'i eta vémunaraiwayare, vímiyanawainapa eta vítaresiraya. Eta jena sacheanayare, vímatiekene'a tamutu. Waipa vikamunu eta vimetakasiwana eta metarapianayare tási'akeneanayare me Viya. Tájinapa viátajiwaima'i eta visamirayare eta apaechejiriruwana.

1 Corintios 14:18

Jé'ewaresera nuti, ichape eta nu'asulupayachira'i ema Viya taicha eta nítusira'i néchejika eta apaechejiriruwana. Nukachuriaka'e'i emutu eti.

1 Corintios 14:5

Nuwara'a'inéni nuti ámutu'ini ítupajijiakawa'ini, échejika'ipukaini te apaechejiriruwana. Tiápajukawa'isera eta nuwaraira'i ekametarairu'ini eta máechejiriruwana tási'akeneana'i maye'e ema Viya, taicha étara tiúripana'i eta juka taye'e eta échejisiraina'ini te apaechejiriruwana. Tiúri'ineni échejika'ini, takamunu'isera natiari'ina'ini nákani tiapepirikana, nametakawakasarepaini ena apamuriana eta takayemakeneana'i apaesa tajurusi'apaini eta nasuapajiraiwaina'ini.

Efesios 3:19

Nuyaseaka'i ema Viya eta erata'airaina ákaikutiaraina eta maemunasira'avi, ichapepana'i taye'e eta vimatiraipa taye'e eta vipanereruana, apaesa ejákapa tamutu eta maikure'avi' ema Viya.

Efesios 5:18

Wa'i ekukawa'a taicha eta tikauyayakare'i tikamitiaka'e. Ísapawasera émaira máecha'e ema Machanewa Viya tamutu eta ítaresira.

Efesios 6:18

Eyujaraka, eyaseakaya ema Viya máijaraka'e eta etumewaina. Eta eyujarasirana, takuija ta'apapirika'e eta máimitusira'e'i ema Machanewa Viya. Wa'i ekuyakuji eta eyaseuchirawaka namutu ena vichamuriana, majaneakawaka'ini ema Viya.

1 Pedro 1:12

Émasera ema Viya, mametakawakapa wa'i náima'aima'i ema Cristo te vikametarairupa maye'e ema. Ema Machanewa Viya masi'akene'i te anuma títametaka'e'i te esamureana. ¡Tétavikawayare eta viúrikakarewayare víti, te viúchuku'apa! Énaipa ena ángeleana, ichape nawara'a'i náimati'ini tája'apuka táichararakawayare eta viúrikakarewayare.

2 Pedro 1:21

taicha ena víyara'anaini profetana, wá'iware nave'akenena'ini te nachutiana eta nájuekene'aira'i eta máechejiriruwana ema Viya, ema Machanewa Viya éma'i tímitukawaka'i eta nájuekene'aira'i.