Hechos 2:30 - Táurinakene máechejiriruwa’i ema Viya tikaijare

³⁰ Ema David, yátupikene'i profetaini'i ema, makuchapa'i eta táitauchirawayare eta mametakasiwa'i me Viya, eta matiari'irayare'i ema rey, émana mámariekeneyare'i ema.

Ignaciano

³⁰ Ema víyarahaini David, yátupi­quenehi profeta. Macuchapahi eta táitauchi­ra­vayare eta mameta­ca­sivahi me Viya, eta matiari­hi­ra­yarehi ema émana mámarié­que­ne­yarehi ema ticaija­re­yarehi Cristo ema téjaca­yarehi te trono. Máitsiva­yarehi ema máchucaini.

Hechos 2:30 ပူးပေါင်းရင်းမြစ်များ

San Mateo 22:43

Taka'e maichawakapa ema Jesús: –¿Taja'apuka takayema ema David, ema Machanewa Viya eta émaira'i tíjaraka'i eta maitukakene, émasera maicha'iware Tata nákenu? Taicha maka'e'i ema David:

San Mateo 27:35

Te náitauchapa eta náetatasira'i, ena suntaruana nasuerte'achapa eta mamuiri'a ema Jesús, eta náijarajirisirakaka'i.

Marcos 12:36

Yátupi émara ema Machanewa Viya tíjaraka'i eta maitukakene ema David, maka'epa: ‘Ema Tata Viákenu máichapa ema Tata Nákenu: Yare péjaka te nuwaure, eta pikuchapi'ayare eta nukaepuyusiraya te pimira'u ena tikatianakaviana'i nunakayare te tapeku te piwape.’

San Lucas 24:44

Tási'a, maichawakapa: –Eta juka níchawakenewa'i, étara eta numetaru'e'i kape juka nukachanera'éicha'a. Eta taka'eyare'i eta táitauchirawayare'i eta májuchakeneana'i ema víyara'aini Moisés nuti táechejisi'akene'i. Étapa eta nájuchakeneana'iware ena profetanaini, étapa eta Salmo.

Hechos 1:16

“Nuparapenaveana, titauchawayare'i eta tametarapi'i eta Machanewa Viya, mamétakasi'i ema David, eta taechejisi'akene'i eta Ajureka, eta matiari'iraya ema Júlasi, ema tínapumirauchaya ena suntaruana te nakaratakayapa ema Jesús.

Romanos 1:3

Eta Takapika'ukene Ajureka, táechejisi'aipa ema Machicha ema Viya, eta máukupaisirayare'i te juka apake'e ema Jesucristo, ema achanekene'i eta máima'i.

Romanos 15:12

Ema Isaías éneichuware tikajure'iware: “Tiuchukainapa ema Cristo, ema akenukayare naye'e ena apawasana, makarichuyare nakuneraya maye'e ema.”

2 Timoteo 2:8

Wa'i pikuemitisika eta juka nímiturapiana'i maye'e ema Jesús, eta émaira'i yátupikene Cristo, mámariekeneni'i ema rey David. Ema, máepenakeneni'i. Makaechepuka'isera ema Viya.

Hebreo 1:1

Akane eta náitaresira'i ena viáchukanaveanaini, natiari'i'i ena profetana mawanarana'i ema Viya. Ena, náitametaka'i ena achaneana eta máechejiriruwana ema Viya. Ichapemuriware eta náimeresira'i eta máitupajijiasirawana'i. Apánapanenejiware eta náimituresira eta máechajiriruwana.

Hebreo 3:7

Eta taka'e, nuwara'a ejaneakawa, ema Machanewa Viya, ani maka'e'i eta máechejiriruwa'i taye'e eta Takapika'ukene Ajureka: “Puiti te esamapuka eti, eta maechejiriruwa ema Viya

Hebreo 4:7

Eta taka'e ema Viya mapecha'i maimikutiaracha'i etana sache, etana arairu “puiti”, taka'e maitaucha'i maicha techejika'avi'i taye'e eta, kapeni juka taetaviurewa'i te taekenapa, ema David maka'epa taye'e eta Takapika'ukene Ajureka eta vechakenepa'i: “Te'esera te esama puiti eti eta makayemakene ema Viya, wa'isera ekuemurakacha eta esamureana.”

Hebreo 6:17

Eta taka'e ema Viya, mawara'apa maimerekayare'i nakaechera yatupina ena tijachapanayare eta maunaru'i naikuchi'i taicha ema maijararuwa'i maitaitauchayare'i eta maechejiriruwa, waipaine'i maitsiwachaima'i. Eta taka'e ema tikapawa'i tijarakawa'i eta maitauchirayare'i eta maechejiruruwa.

Hebreo 7:21

taicha eta Takapika'ukene Ajureka táechejisi'a'i, ema Viya, eta maijarasira'i eta maechejiriruwa ema machicha, ánipa taka'e'i: Ema Viya maijaraka'i eta maechejiriruawa piti piyujarakara'iyare máitawakakayare eta juka pitupara'a.’ ”

2 Pedro 1:21

taicha ena víyara'anaini profetana, wá'iware nave'akenena'ini te nachutiana eta nájuekene'aira'i eta máechejiriruwana ema Viya, ema Machanewa Viya éma'i tímitukawaka'i eta nájuekene'aira'i.

Apocalipsis 17:14

Taka'e, ena nani nakanarainapa ema Cordero, wá'isera nárata'aima'i, máita'akawakayare'i ema Cordero. Taicha ema, yátupikene'i Rey, Akenuka'iware, mawaneka'i ena reyeana énapa ena akenukana, natiari'iyarewa ena makachanekeneanayare ema, nakanerejikene'i eta máichuira'i ema Viya, taicha, yátupi'i eta náe'isira'i ema.”

Apocalipsis 19:16

Tatiari'iware eta ajureka te tacheyarapi eta maye'e capote tépakucha'i eta mapa'eana, ani taka'e'i: “Ema yátupikene'i Rey, Akenuka'iware. Mawaneka'i ena reyeana énapa ena akenukana.”