Hechos 2:3 - Táurinakene máechejiriruwa’i ema Viya tikaijare

³ Tási'a, tiáramikarepa tímerekawa'i eta takuti eta tanene eta yuku, tijara'iwakapa te nápusiana namutu ena náurujiruwana'i.

Ignaciano

³ Tacahe, tiárami­carepa tímerecava eta tacuti eta tanene eta yucu. Tijara­hi­vacapa te nápusiana namutu ena náuruji­ru­vanahi.

Hechos 2:3 ပူးပေါင်းရင်းမြစ်များ

San Mateo 3:11

Yátupi nuti, níkachasika'e'i te une, apaesa éñauchawa maye'e ema Viya, marajapainapasera ema tíkachasika'eyare, ema Machanewa Viya. Ema tiápajupanawa'i nuye'e nuti, wáipaine'i nákutinasima'i eta máitupaijiasirawa'i. Wáipaine'iware nákaemuñawaima'i nuvejuchupewacha eta maeparupewa.

San Mateo 3:15

Émasera ema Jesús majikapapa: –Tájinachucha táichawa, tikamunukare'i nítauchayare eta mawara'akene'i ema Nukaiyakene Tata Viya. Tási'a, ema Juan tísapawapa.

San Lucas 24:32

Tésenijirikakanapa énajikaka: –¿Tája'a takayema eta wa'i vímatiwane'ini ichakene te achene? Véjapusamurechapaipa'ineni eta visamirawa'i eta máimitusira'avipa'i taye'e eta Ajureka Takapika'ukene.

Hechos 1:15

Te jena sácheana, ena náurujiruwana'i náetavika'i ciento veinte eta nasimutuwa'i ena máimitureana ema Jesús. Taka'e, téchepukapa ema Pedro te namuri, titupi'apa. Máichawakapa:

Hechos 2:11

narari'iware ena juriyuana naimiuchure'i ani, énapa ena tepiyakawana'i juriyuana. Éneichuware ena tiási'ana'i te Creta, étapa te Arabia. ¡Tási'a vimutu'isera visama eta véchejiriruwapachu eta táurikakarekeneana tási'akeneana'i me Viya!

Hechos 2:2

Taka'e, tiáramikarepa eta tikaema'i te anuke'e, tiási'a'i te anuma takutipa'i eta muraka tékatikawa, tikaemapa muraka te táina'u eta peti návi'a'i ena.

Hechos 2:4

Tási'a ena, máwa'akawakapaipa ema Machanewa Viya, tiáramikareanapa apaechejiriruwawakapa, taicha eta máwa'asirawakaipa'i ema.

1 Corintios 12:10

Narari'iware ena máijararuana'i eta nakuchusiraya eta tiáramikareana. Ena apamuriana náijarakasipachu eta nakametarairuiraya maye'e ema Machanewa Viya, eta máechejiriruwana'i ema Viya. Ena apamuriana máijarakaware eta náimatiasirawaneya ena achaneana nája'apuka nákani máwa'aruana'i ema Machanewa Viya, nája'awarepuka ena máwa'eruana'i ena éreanana. Ena apamuriana máijarakaware eta tiúri'ichuya eta náechejisiraya eta apaechejiriruwana. Ena apamuriana máijarakaware eta naitusirayare, nápepika náechejisi'a eta apaechejiriruwa.

Santiago 3:6

Nákani achaneana te wa'i náituka'i tikaratajakachawana, amairijipa tamutu eta náitaresira. Tíñe'ikare'i najarareka ena nákani kamuriana achaneana, taicha eta náechejiriruwana'i. Ena nani téchejisi'ana'i eta tamaurikeneana, ena máwa'aruana'i ema Wínaraji, técha'i eta infierno.

Apocalipsis 11:3

Nútisera nuwanekawakainapa ena apinana nuwaneruanaya profetana, ena tikisamuiri'anayarepa'i eta namuiri'ana, eta juka táikutiarayare'i eta náichuaresirayare náeñauchawa ena achaneana, mil doscientos sesenta sache eta nayerewayare.”

Apocalipsis 14:6

Níma'awarepa ema émana ángele tiárarairika'i, tikametarapi'i eta tékene'a mametarapi eta máichuaresira'i eta náeñauchirawaina ena achaneana tiáviana'i te tamutu awasareana, apaechejiriruwakeneana. Máitawakakainapa eta náitaresiraya nákani ena tisuapana'i.