Hechos 2:23 - Táurinakene máechejiriruwa’i ema Viya tikaijare

²³ Emara ema maka achane, eta taitauchirawaya eta mapanereruana mawara'akene maicha ema Viya, eta taka'e, máisapa'i eta íjararesira'i ema Machicha naye'e ena wínarajikeneana achaneana, ema, émetataru'i te crusu, ema, ímikaparu'i.

Ignaciano

²³ Tiyere­hi­chahahi eta juca, ema Viya mapane­re­cha­ripahi eta máichara­ca­va­yarehi ema Machicha. Eta tacahe, máisapahi eta íjara­re­sirahi ema Machicha nayehe ena váinara­ji­queneana achaneana. Éma, émeta­taruhi te crusu. Éma, ímica­paruhi.

Hechos 2:23 ပူးပေါင်းရင်းမြစ်များ

San Mateo 20:19

tási'a naíjararekayare naye'e ena suntaruana rumanuana, nakaeka'inapa ema, ena naéstakainapa, nae'ainapa, tási'a naemetatarekainapa te crusu, tási'asera te mapanakenenapa sache, téchepukainapa te maékari.

San Mateo 26:24

Ema Machicha ema Ajaira, títauchawayare'i maye'e eta táechejiriruwa'i eta Ajureka, ¡páuresamisera ema tíjararekanuyare! Tiúripanaichu'ini wa'i makuchuka'ini te suju'e esu máena.

San Mateo 27:35

Te náitauchapa eta náetatasira'i, ena suntaruana nasuerte'achapa eta mamuiri'a ema Jesús, eta náijarajirisirakaka'i.

Marcos 15:24

Taka'e, náetatakapa te crusu. Tási'a ena suntaruana, nasuerte'achapa eta mamuiri'a ema Jesús eta náijarajirisirakaka'i. Naima'ayare'i nája'apuka ema tiamayare'i eta.

San Lucas 22:22

Ema Machicha ema Ajaira, títauchawayare'i maye'e eta maichakene'i, étasera ¡páuresamisera ema tíjararekanuyare!

San Lucas 22:37

taicha puiti numetaka'e títauchawainapa eta táechejiriruwana'i eta Ajureka: ‘Tímikutijirikawa'i nukapa'i'ini náicha.’ Tamutu eta juka títauchawayare'i.

San Lucas 23:33

Te titekapanapa taye'e eta tikaijare tavirare eta Náperana ena Naépenakeneana, tikáetatapa ema Jesús, énapa ena apinana tiámera'iana, ema émana te mawaure, ema apana te sapane.

San Lucas 24:20

Énasera ena tuparairukana te viáwasa, ena tíjararekana'i naye'e ena apawasana taicha nawara'a'i náimikapaka. Taka'e náetatakapa te crusu.

San Juan 19:18

Ánaki tikáetatapa, makachanewaka'i ena apinana tiámera'iana, naemunu'uchapa ema Jesús.

San Juan 19:24

énasera ena suntaruana énajikakapa naichakaka: –Wa'i vikuvetsayuka, tiuripana, visuerte'acha, vima'aya nája'ayare'ipuka mákani tiveku'ayare'i. Taka'e titauchawapa eta taechejiriruwa'i eta Takapika'ukene Ajureka: “Tijarajirikakanapa eta numuiri'aini. Nasuerte'achaware eta apana numuiri'a.” Taka'e'i eta naichakeneana'i ena suntaruana.

Hechos 13:27

Taicha ena tikawasana'i tejena awasare Jerusalén, énapa ena nakenumuriana, wa'i naimati'ini ema Jesús wa'iware nakaikutiara'ini eta naechejiriruwana ena profetanaini, eta nakáyemakene'i te jena peti naurujisirarewa ena juriyuana tamutu eta sawaruana; enaipa wa'i nakaikutiara'ini, taka'e nakapakapa ema Jesús, titauchawapa eta nametarapi'i.

Hechos 15:18

Etara eta jukana maimeru'avi'i ema Viákenu, eta juka akanewakaipa'i, eta maijarasira'avi'i eta maechejiriruwa.’

Hechos 2:36

“Tiuri puiti, emutu eti nujaneanana israelítana, nuwara'a ímatiyare ema Jesús émetataru'i, émaira'iware ema Cristo.”

Hechos 3:18

Étasera taka'eyare'i eta juka taicha máechejiriruwaichu'i ema Viya nametakasiwa'i ena profetana eta makatajiwairayare'i ema Cristo.

Hechos 4:28

Títauchawa'i naicha eta juka pipanereruana etairayare'i taka'eyare'i eta péchejiriruwana.

Hechos 5:28

–Víti viwaneka'e'i muraka eta waipa ekuapechawa ekuimitureka eta máechepusira'ipuka ema Jesús, tási'a, eti ímiyanawaichucha ímitureka, namutupa ena achaneana taye'e eta juka viáwasa Jerusalén náitukapa eta ímiturapiana eti, ¿Tája'a takayema wa'i esuapa'avi'ini? Visapi'apa ewara'a vítiyare táekati'a eta máepenira'i ema achane.

Hechos 5:30

Víti, vé'ika'i ema Viya, émaichu'i nakasiñakene'i ena viáchukanaveanaini, éma'i ema tikaechepuka'i ema Jesús, ema ímikaparu'i eta émetatasira'i te crusu.

Hechos 7:52

¿Naja'apukaini ena wanairukana wa'i náemekatajiwacha'i ena iáchukanaveanaini eti? Ena nakapapajika'i nákaini kametarairuanapa'i eta maitekapirayare'i ema yatupikene eta mauriwa, puitisera ema maka titekapaipa'i, etisera ekatichapa ekapakapa.

Romanos 2:12

Nákani máimatira'ana'i eta mawanairipiana ema víyara'aini Moisés, tikaikuñanayare. Éneichu nákani náimati'inenipuka, tavetijinapa tikaikuñanayare taicha wa'i nasuapa'ini.

Romanos 4:17

Taicha ema Viya, ánipa maicha ema Abraham: “Puiti nunakaviyare píti nakaiyakeneyare ena achaneana te kamurikene awasareana.” Tási'a, ema Abraham, masuapapa muraka ema Viya, émaichu'i ema Viya tijarakawaka'i eta nachaviraya titarekana ena naepenekeneana, etapa eta makuchusirayare eta arairuana vimaima'akeneana.

1 Tesalonicenses 2:15

Ena nani nujaneanana nakapaka'i ema Viákenu Jesucristo nakuti'i ena eta nakapasirawaka'i apaikape ena profetanaini. Tipanajirika'avianaware víti. Ena nani náimiyusemaka'i ema Viya. Wá'isera náwara'a nasama'ini ena apamuriana achaneana eta máechejiriruwa ema Viya.

1 Pedro 1:2

emutu eti, yátupikene'i eta manerejisira'e'i ema Tata Vikaiyakene taicha taka'e'i eta mapanereru'i akane eta táepanirawa'i. Émaipa ema Machanewa Viya, tiáwa'aka'eipa máepachiasira'e'i eta epekaturana eta te máitine ema Jesucristo. Apaesa ejachapa ichapemurikene eta majapanuraiwa etapa eta viuriwayare.

1 Pedro 1:20

Akane te tépanawainapa eta apake'e ema Viákenu Jesucristo tikatupara'aipa taka'eyare'i eta máepeniraya. Wá'isera táitauchawawane'ini. Tapaenumawapa puiti, títauchawa'i étavenepa eta iúchukuirayare'i eti.

1 Pedro 2:8

Enaipa enanakana apamuriana: “Etajuka ichape wama'i tási'a etapa eta mari, etainapa eta tiakipaikayare ena masuapajiraira'ana'i.” Ena nakana masuapajiraira'ana enainapa tiakipaikawanayare taichavene wa'i nasuapa'ini eta maechejiriruwa ema Viya: etapa temecharekayare.

San Judas 1:4

Neñamawa'i taicha natiari'i ena tiwayuara'iana eye'e eti, ena naka'e'i ema Jesucristo wa'i mákarichu'ini viákenuina'ini, wa'i wikusuapa. Taicha naemeña'a'i eta maemunasira'avi ema Viya, naimijachapa wa'i tikuñaka'avima'i eta vichira eta tamaurikeneana, taicha eta titukakare ani taka'e, namutu ena achaneana kaikuñawakaya ena masuapajiraira'ana.

Apocalipsis 13:8

Eta akane te tépanawainapa eta apake'e, tatiari'i eta Ajureka tiama eta najukunana ena títarekanaya te apana vítaresira, makarataru'i ema nakaparu'i Cordero, natiari'isera ena apamuriana achaneana tikawasana te juka apake'e, tájina'i eta nájukunaina'ini taye'e eta Ajureka, ena nani ena titsiukanayare eta Útsutsure.