Hechos 2:22 - Táurinakene máechejiriruwa’i ema Viya tikaijare

²² “Esamacha'a puiti, eti israelitana, eta juka nukayemaya: Emutu eti écha'i eta taichararakawa'i, ema Viya maimereucha'i te emira'u eti, eta émaira'i técha'e ema Jesús Nazareno, máitauchiraya eta maye'e ema eta taurinakene étapa eta tiaramikareana ekutiarareana.

Ignaciano

²² Tiuri puiti, nupara­pe­naveana nujaneanana, esamavare eta juca apana numeta­ru­heyare. Ímatihi ema Jesús Nazareno. Ema maca ajaira, mavaneruhi ema Viya. Écharichuhi éti eta tiárami­ca­reanahi máichaque­neanahi ema Jesús. Ema Viya máijaracahi eta máitupa­ji­jiá­si­ra­vayare, mavarairahi máimere­ca­yarehi te emirahu eta émairahi mavaneru ema Viya.

Hechos 2:22 ပူးပေါင်းရင်းမြစ်များ

San Mateo 12:28

Émakene'isera ema Machanewa ema Viya, ema tíjarakanu'i eta juka nurata'aira'i nukuchukawaka ena éreanana. Eta juka étara íkutiaraya eta maitekapiraipa eye'e eti eta mawasa ema Viya Akénuka te anuma.

San Mateo 2:23

Te títekapanapa ánaki, tiyananapa tikapenana'i te Nasaret. Taka'e titauchawapa eta náechejiriruwana'i ena profetanaini: Ema Jesús eta makaijarerayare'i Nazareno.

San Mateo 9:8

Te naima'apa eta juka, ena achaneana tipikanapa. Tasi'a tétavikawaine'i eta nakunachira'i ema Viya, taicha eta máitupaijiasirawa'i eta máijarasira'i ena achaneana.

San Lucas 11:20

Émakene'isera ema Viya, tíjarakanu'i eta juka nurata'aira'i nukuchukawaka ena éreanana. Eta juka étara íkutiaraya eti eta matuparasiranu'i ema Viya eta nútiyare'i nécha tamutu. Núti'ipa nuti ekuchapakene'i.

San Lucas 18:37

Nametakapasera eta émaira'i tiánuku'ayare'i ema Jesús Nazareno.

San Lucas 24:18

ema émana tikaijare'i Cleofás majikapapa: –¿Pikarichu'ipuka piti wa'i pécha'ini eta juka, eta piavi'aira'i eta táichararakawa'i te Jerusalén, puiti juka sácheana'i?

San Juan 1:45

Ema Felipe tiyanapa matanupana'i ema Natanael, tási'a te máetupiakapa, máichapa: –Víma'aipa ema májuekeneru'i ema Moisés, émaichuware ema táechejisi'akene'i eta libro nájureana'i ena profetanaini. Ema tikaijare'i Jesús, machicha ema José, tikawasa'i te Nazaret.

San Juan 10:37

Etasera te wa'i nítaucha nuti eta mawanairipiana ema Tata, tiwanekanu'i, taurikapa waipa ekusuapanu.

San Juan 11:47

Taka'e, ena tuparairukana náimichu'apa namutu ena juéseana, tikurujikakanapa. Naka'epa: –¿Tája'a vícharakawayare, tátanaveana? Ema maena achane, tétavikawa'i eta máitupaijiasirawa'i máicha'i eta tiáramikareana.

San Juan 12:17

Tiuri puiti, ena apamuriana achaneana tímararakanaipa ema Jesús eta makaechepusira'i ema Lázaro te máekari, náechajisi'aipa'i ena eta náima'akene'i.

San Juan 15:24

Éneichu'iware, takuija'ini taviuchawaka'ini te wa'i nukuimereka'ini eta níchakeneana'i, marata'akene'i máicha'ini mákani apana achane. Étasera náima'aipa'i, wá'ikenesera nasuapa'ini, nanasikene tikatianakanuana'i, nakatianaka'iware ema Tata.

San Juan 19:19

Ema Pilato májuchapa eta ajureka. Ani taka'e'i: “Ema Jesús Nazareno, naye'e Rey ena juriyuana”, tási'a makawanairipipa nanaka te tápusi eta macrusura.

San Juan 3:2

Taka'e, eta jena yátikene'i, ema Nicodemo tiyanapa mapaipiuchapanapa'i ema Jesús. Taka'e, eta náechejirisirawa'i, maka'epa ema Nicodemo: –Tata maestro, vécha'i eta wanairukavi'i me Viya eta juka pítesira'i pímitusira'avipana'i. Taicha nájina apanaina achane títuruekene'aima'i eta juka tiáramikareana píchakeneana'i píti.

San Juan 4:48

Ema Jesús májikapapa: –Eti wa'i esuapanuima'i, te wa'i nímecha'e'i eta tiáramikareana.

San Juan 5:36

Wá'isera mákarichu eta máimikaecherachiranu'i ema Juan. Jarari'i eta apana táimikaecherachiranu'i, tiápajupanawa'i eta táramikarewa. Taicha nuti nicha eta nématanerepiana máijararunu'i ema Tata.

San Juan 6:14

Eta náimaira'i ena achaneana eta juka máichakeneana'i ema Jesús, ichapeine'i nárami. Tási'a, naka'epa: –Emaipa ema maka profeta ema vikuchapakene'i máiteruyare'i te juka apake'e.

San Juan 6:27

Wa'isera ekukaeñamarakawa eta etánusira eta enikakenerepi taicha títawayare'i, tatuparaka'isera etanukayare eta tinikakare tikaitareka'eyare'i, máichekuarakiraya eta naitaresira. Etara eta juka níjararu'eyare'i nuti Manerejirunu'i ema Viya, ema Tata manaka'i eta tímereuchanu'i eta yátupira'i nuwanekasiwa'i eta maye'e ema.

San Juan 7:31

Kamuriana'isera ena tisuapana'i ema. Tási'a, naka'epa: –¡Taicha najina makuti eta máichira'i eta tiáramikareana ema maka achane!

San Juan 9:33

Nuti németeaka te takuija'ini eta wanairukaira'i me Viya ema maena achane, wá'iwa makurata'a'ini maicha eta tiáramikareana máichakeneana'i.

Hechos 13:16

Taka'e, ema Pablo titupi'apa. Makanukechapa eta mawa'uana eta máechejisirayare'i. Ánipa maka'epa: –Esamanucha'a, eti israelitana, étipa eti apajuekunana, epikaura'iana'i maye'e ema Viya.

Hechos 14:27

Eta náitekapiraipa, nakurujikapa ena nachamuriana, nametakapa tamutu eta máimikatasirawaka'i ema Viya taye'e eta napaisirapa'i, étapa eta najakapirawaka'i ema Viya ena apawasana eta nasuapirawaka'i nakasiñaira'i ema.

Hechos 2:19

Te anuma nímerekayare eta tiáramikareana, tási'a tépusaikawayare eta íti, nukamirikayare eta yuku étapa eta kijare, te juka apake'e.

Hechos 2:43

Ichape eta náramira'i ena achaneana, taicha náima'aipa eta tiáramikareana náichakeneana ena apústuleana.

Hechos 21:28

Tipiararekanapa: “¡Israelitana, ímikataka'avi! Émara ema maka achane tipaika'i tamutu awasareana, tímiturekapa'i naye'e ena achaneana eta macontrachira'i eta viáwasa. Éneichuware makatianaka'i eta maye'erepi ema Moisés, étapa eta juka viye'e templo. Puiti makasiapaware te juka templo ena apawasana. Majararekapa eta juka takapika'ukene'i.”

Hechos 22:8

Taka'e, nuyaserekapa: ‘¿Nája'avi piti tata?’ Tási'a, tijikapanupa: ‘Nuti Jesús Nazareno, nuti pikatianaru'i, eta pipánajirisirawaka'i ena té'ikanuana'i.’

Hechos 24:5

Puiti vímatipa ema maka achane, ti'apapira'i ema, tamutu awasareana te jákani navi'aipa'i ena vijaneana israelítana, mayurukawaka ena, émaichuwa tachutiri'a'i naye'e ena té'ikana ema Jesús Nazareno.

Hechos 26:26

Émaipa ema maka rey Agripa máimatiware tamutu eta juka, eta taka'e'i wa'i nupikakarakawa'ini eta néchejisira'i te mamira'u, taicha nukasiñawa'i eta máimatira'i ema. Namutu'iware ena achaneana náecha'i, taicha tájina wa'i tayumurukawa'ini.

Hechos 26:9

“Núti'ipa akane nímijacha'i nétupikawa'i eta níchakeneana'i, nukatianasirawaka'i ena té'ikana'i ema Jesús Nazareno,

Hechos 3:12

Taka'e, eta máimaira'i ema Pedro ena achaneana náramira'i eta juka, máichawakapa: “¿Taja'a takayema tátanaveana, nujaneanana israelítana? ¿Iárami'i eti eta juka víchira'i víti, ímijachapa vítijiwa'i vikanaraka ema maka achane masarini?

Hechos 3:6

Tási'a, ema Pedro máichapa: –Tájina nakaye'e eta plata uruinapukaini níjarakavi'ini, juka'isera eta juka nukaye'ekene nijarakaviyare: nukanarakaviyare táichavene eta máitupajijisiarawa ema Jesucristo ema Nazareno, nuwanekavi, péchepuka, pipaika.

Hechos 4:10

Vimetaka'eyare puiti, viwara'a vémecha'eyare, eti énapa ena achaneana te juka viáwasa Israel. Ema maka achane, íma'akene'i eta manarasira'i, viwara'a vímimaticha'e eta máitupajijiasirawa ema Jesucristo ema Nazareno takanaraka'i eta vipiarasira'i te máijare ema, émetataru'i te crusu, ekaparu'i, émasera ema Viya makaechepuka'i te máekari.

Hechos 5:35

Taka'e, máichawakapa ena machamuriana akenukara'ana: –Tátanaveana, nujaneanana israelítana, échapawa eta ewara'akene'i íchaya naye'e ena nani achaneana.

Hechos 6:14

Éneichuware maka'e'i, ema Jesús Nazareno mákipaikayareji eta templo, máitsiwachayare'iji eta viye'erepiana, manakipairu'i ema Moisés.

2 Corintios 12:12

Tayanapane kamuri eta nukatiru'awana, nukamicha'isera tamutu. Nímecha'eipa'ineni eta tiáramikareana níchakeneana'i, maicha ema Viya. Eta tímikaecherachanu'i eta yátupikenenuira'i apústulenu.

Hebreo 2:4

Énerichuware, ema Viya máimerekapa'i eta tiáramikareana, máikutiarana'i eta émaira'i wanairuka, mawaraira'i tisuapakareyare'i eta nametarapiana, énerichuware puiti ema Machanewa Viya, ema tíjaraka'avi'i eta vítukakenepachuyare apaesa vítauchayare'i eta vématanerepipachu'i víjara'i máicha.