Hechos 2:10 - Táurinakene máechejiriruwa’i ema Viya tikaijare

¹⁰ te Frigia, te Panfilia, te Egipto narari'iware ena tiási'ana te Libia tachakaya eta Cirene. Narari'iware ena tiási'ana te Roma, ena tikawasana ani,

Ignaciano

¹⁰ Narari­hivare ena tiásihana te Cirene te Libia. Narari­hivare ena tiásihana te Roma, ena yátupi­queneana israelítana énapa ena tépiya­ca­va­naripa israelítana.

Hechos 2:10 ပူးပေါင်းရင်းမြစ်များ

San Mateo 2:15

nanasipa ánaki, tiámainukawa te tépenapa ema Aluresi. Eta juka titauchawapa eta makayemakene'i ema profetaini: “Tejena Egipto nichu'a'i ema nuchicha.”

San Mateo 23:15

“¡Páure'esami eti, escriwánuana tási'a énapa ena fariséuona, apimirana!, murakayare eta íkuñayare. Eti, tétavikawa'i eta éñamawaira'i, eta íturuka ena té'ikana eta ímiturapiana, tasapi'a'i ímitukawaka'i eta nakuti'eraya eta ewínarajiwa'i. Tiápajukawa'i eta namauriwa'i ícha. Eta taka'e, ekachanewakayare ena te yuku te infierno.

San Mateo 27:32

Te tiuchukapa ema ánaki, nákapajikapa ema achane tikaijare Simón, tikawasa'i te Cirene. Napamikapa ema manaraku'a eta macrusura ema Jesús.

Marcos 15:21

Emana achane tikaijare Simón, maiya ema Alejandro, émapa ema Rufo, maitekapirawa'i ema te máesane. Eta maetavisirapa'i ema ánaki. Napamikapa ema manaraku'a eta macrusura ema Jesús.

Hechos 11:20

Tási'a, títekapanapa ena te'ikana'i ema Jesús, eta te awasare Antioquía, nasi'apa'i te Chipre étapa te Cirene, énasera tikametarairuanapa eta maéchejiriruwa maye'e ema Viákenu Jesús.

Hechos 13:1

Ena té'ikana ema Jesús, tikawasana'i te Antioquía, natiari'i te namuri ena tikametarairura'iana eta maéchejiriruwa ema Viya. Tímitura'iana'i ena. Natiari'iware ema Bernabé, ema Simón (náimijarechaware Negro), émapa ema Lucio (eta máuchusine'i te Cirene), ema Menahem (ema machajuru'i ema Herodes),

Hechos 13:13

Ema Pablo énapa ena makachanekeneanapa'i tiáwaku'anapa. Najunijikapa eta Pafos, tiyananapa te awasare Perge táunawa'i eta Panfilia; te títekapanapa te Perge, ema Juan Marcos majunijikawakapa ena, tichawapa te Jerusalén.

Hechos 13:43

Taka'e titawapa eta naurujisirawa'i eta te peti naurujisirarewa ena juriyuana, kamuriana ena juriyuana té'ikanaini'i eta naye'erepianaini, namutu ena nae'ikapa ema Pablo emapa ema Bernabé, enasera naechejirikapa eta naetumechirawaina eta nae'isira'i najakapira'i eta maemunasira'i ema Viya.

Hechos 14:24

Taka'e, tiyananapa ema Pablo émapa ema Bernabé, tétawajikanapa eta te awasarechichana taye'e eta Pisidia. Náitekapirapa taye'e eta awasare Perge táunawa'i eta provincia Pamfilia.

Hechos 15:38

émasera ema Pablo wa'i máwara'a'ini mayana'ini ema Marcos, taicha te tínapukainapa tipaikana manakimuri'a'i ema Marcos taye'e eta Panfilia, wa'i máimikataka'íni taye'e eta náemataneanapa'i.

Hechos 16:6

Tiuri, ema Machanewa ema Viya mametaka'i wa'i nakuyana eta te tinapaika'i eta awasareana te Asia. Tási'a, náetavikapa eta awasarechichana táunawana'i eta Frigia etapa eta Galacia,

Hechos 17:21

Taicha ene naka'e'i namutu ena tikawasana'i te Atenas, énapa ena apawasanana ena tikawasana'i ánaki, etachucha naematane'i tikasamara'iana tamutu sácheana eta nakayemakeneana, náima'akeneana, nasamakeneanapa'i, arairukeneana.

Hechos 18:2

Ánaki makainunapa ema émana juriyu tikaijare'i Áquila, ema maka máuchusine'i te tinapaika te Ponto. Ema Áquila, tási'a ésupa esu mayena Priscila naitekapirawa'i, násinepa'i te Italia, taicha ema akenuka emperador Claudio makawanairipipa náuchuka namutu ena juriyuana eta te Roma, taka'e ema Pablo tiyanapa maejirapana'i

Hechos 18:23

Tiyere'i eta kajeana manasiranuma'i taye'e eta awasare Antioquía, taka'e, tiápechawaware tipaika'i, máejirawakapa'i ena machamuriana taye'e eta awasarechichana te Galacia étapa eta Frigia, maechejirikawakapaipa ena te'ikana ema Viya.

Hechos 2:11

narari'iware ena juriyuana naimiuchure'i ani, énapa ena tepiyakawana'i juriyuana. Éneichuware ena tiási'ana'i te Creta, étapa te Arabia. ¡Tási'a vimutu'isera visama eta véchejiriruwapachu eta táurikakarekeneana tási'akeneana'i me Viya!

Hechos 23:11

Tási'a, te jena yátikene'i máechejikapa ema Viya ema Pablo, máichapa: “Túmevinachucha, Pablo. Taicha tiúri'i eta péchejisi'aira'i eta níjare te juka Jerusalén. Puiti piyanayare eta te Roma, éneyareichu taka'eyare eta péchejisiraya.”

Hechos 27:5

Taka'e, vijuchecherekapaipa eta ichapeama une te tachakayapa'i eta Cilicia, étapa eta Pamfilia, vítekapirapa te awasare Mira taye'e eta Licia.

Hechos 28:15

Ena vichamuriana tikawasana'i te Roma, tisamairirika'avianaipa eta vítekapirayare'i. Nárajapapa tiakapa'aviana'i te awasare tikaijare'i Foro de Apio. Éneichuware ena apamuriana tiakapa'aviana'iware, tikúchapa'avianaipa taye'e eta awasarechicha tikaijare Tres Tabernas. Te máima'awakapa ema Pablo, tiúrisamureine'i naicha, tétumechawapa ema. Ma'asulupayachapa ema Viya.

Hechos 6:5

Taka'e tikanerejianapa ena tikatupara'anayare. Nave'apa ema Esteban, achane tiuri, tisuapajira'ikene maye'e ema Viya, máwa'aru'iware eta Machanewa Viya. Nave'awarepa ema Felipe, ema Prócoro, ema Nicanor, ema Timón, ema Parmenas, tási'a émapa ema Nicolás.

Hechos 6:9

Tatiari'iware te Jerusalén eta apana peti náurujisirarewa ena juriyuana. Tiúrujikawana'i ena israelítana esclawuanaini náuchukureanapa. Ena tiási'ana'i te Cirene, te Alejandría, te Cilicia, étapa te Asia. Nákapaemajirikapa ema Esteban,

Romanos 1:15

Taka'e, nuti nutserereakawa'i eta nupaipiuchira'eya te iawasa Roma, nuwaraira'i nímituka'e eta máechejiriruwa ema Viya taye'e eta vé'iru'i.

Romanos 1:7

Emutu eti ekawasana te Roma, maemunarukene ema Viya manerejiru'ekene'i machaneranayare'i santuana: Nu'asulupayacha ema Tata vikaiyakene eta iuriwaina eta itaresira te maijare ema Viakenu Jesucristo.

2 Timoteo 1:17

Emasera maitekapinaichu te Roma enewanepa titanukanu'i wa'i manaraka'ini eta matanusirani tiamainukawa te tichimawanupa tiurisamurepa.

Apocalipsis 11:8

Eta nake'enaini tejarupaikawainapa taye'e eta calleana te ichapekene awasare, ánaki te naetatasine'i ema Viakenu, eta juka awasare, tétavikawa'i eta tamauriwa'i takuti eta awasare Sodoma, étapa eta Egipto.