Hechos 18:1 - Táurinakene máechejiriruwa’i ema Viya tikaijare

¹ Te táekenepa eta juka, ema Pablo, tiúchukapa te taye'e eta awasare Atenas, tási'a makaiju'epa eta te apanaware awasare tikaijare Corinto.

Ignaciano

¹ Te táequenepa eta juca, tiyanapa ema Pablo. Tiúchucapa eta avasare Atenas. Ticaijuhe eta apana avasare ticaijare Corinto.

Hechos 18:1 ပူးပေါင်းရင်းမြစ်များ

Hechos 17:15

Ena tinapanana'i ema Pablo, te títekapanapa te nanuereku, tiáwaku'anapa tiyananapa taye'e eta awasare Atenas. Tasi'a tichawanapa, ena tinapanana'i ema Pablo. Taka'e, ema Pablo matuparakawakapa nametaka ema Silas, ema Timoteo nayanawane nakapayaka ema eta te mávi'a'i.

Hechos 17:16

Eta makuchapirawaka'i eta náitekapiraya ema Silas, ema Timoteo, waipa máitukakare'ini ema Pablo eta máimairawaka'i ena achaneana naye'e'earaka'i eta nasiñarajiana.

Hechos 18:8

Tási'a ema Crispo, ema'i tachutiri'a'i taye'e eta peti náurujisirarewa ena juriyuana, ema masuapa'i ema Viya, ésupa esu mayena, ena machichanaveana, énapa ena tikawasana'i taye'e eta awasare Corinto, eta nasamira'i eta máechejiriruwa ema Viya, namutupa tikaikachasiana'i.

Hechos 19:1

Manasipa ema Apolo eta te awasare Corinto, ema Pablo tianukupaikapa eta te máriripa'i, taka'e títekapapa te awasare Éfeso, te jena awasare natiari'i ena apamuriana tisuapajira'iana'i.

1 Corintios 1:2

eta juka najure'i eye'e eti vichamuriana ekawasana'i taye'e eta awasare Corinto puiti eti iáwa'aruipa ema Viákenu Jesucristo, taicha etupiruwa'i esuapa eta máichuira'e'i eti ema Viya, tichu'a'e'i esiapayare'e te mawasa, ekutipa ena apamuriana vichamuriana tikawasana'i te tamutu awasareana, taicha ekasiñawa'i eta eyujarasirana eta maye'e ema Viákenu Jesucristo, ema visuapakene'i Vimutu.

2 Corintios 1:1

Nuti Pablo, maye'enu'i apústule ema Jesucristo, manerejirunuichu'i ema Tata Vikaiyakene, mawaraira'i nímitukaya ena achaneana eta máechejiriruwana ema, puiti juka najure, nápechawa nukajure'e nuti, émapa ema viparape Timoteo, véchejika'e'i emutu eti machanerana'i ema Viya ekawasana'i taye'e eta awasare Corinto, énapa namutu ena vichamuriana'i machanerana'iware ema Viya tikawasana'i te awasareana taye'e eta tinapaika Acaya.

2 Corintios 1:23

Nuti, wicha'a nítekaima'i eta ara eye'e, taicha némunaka'e'i, numawaraira'i nukarameaka'e'ini eti. Ema Viya tímatinu'i eta nutupiruwaira'i.

2 Corintios 6:11

Nuparapenaveana némunarukeneana, nutupiruwa'i te nusamure eta juka nechejirisira'e'i eye'e.

2 Timoteo 4:20

Émasera ema Erasto, nunakika'i te Corinto, émapa ema Trófimo nunakika'iware te Mileto taicha tikajuma'i ema.