Hechos 17:5 - Táurinakene máechejiriruwa’i ema Viya tikaijare

⁵ Énasera ena apamuriana juriyuana, timasuapana'i nakapinarupa ena apústuleana, tisemasamureanaine'i. Nakurujikapa ena wínarajipanereruana, máematanereana'i te calleana. Natanukapa ema Pablo émapa ema Silas, nawaraira'i nakaetemairika te namira'u ena achaneana. Tiyananapa te mapena ema Jasón.

Ignaciano

⁵ Énasera ena apamuriana israelítana masuapa­ji­rai­ra­hanahi, ticapi­na­ruanahi eta náimairahi ena camuri­que­neanahi achaneana téhicanahi ena apóstoleana. Tisema­sa­mu­rea­na­richucha. Nacuru­jicapa ena ajairana váinara­ji­pa­ne­reruana, máemata­ne­reanahi te cálleana. Tíchuha­ji­ri­ca­canapa eta nacaeche­pu­siraya eta semanere. Natanucapa ema Pablo émapa ema Silas, navarairahi nacaete­ma­ji­ri­cavaca te namira ena achaneana. Tiyananapa eta te mapena ema Jasón. Náquipaicapa eta tapaja. Tisiapanapa.

Hechos 17:5 ပူးပေါင်းရင်းမြစ်များ

San Mateo 27:18

Taicha máimatiakaipa'i eta nametauchira'i ema Jesús, taicha ena nakápinaru'i.

Hechos 13:45

Énasera ena juriyuana masuapajiraira'ana'i, te náima'apa ena kamurikeneana, tisemanapa eta mametasirawaka'i ema Pablo eta najakapakarewa'i me Viya ena apanawa, eta taka'e, nákapaemachapa ema Pablo, napanararachapa eta nakajachira'i.

Hechos 14:19

Títekapanapa ena israelítana tiási'ana'i te Antioquía te Pisidia, étapa te Iconio. Nayurukawakapa ena achaneana, náimiyusemakawakapa. Natupisisi'apa te márija'iana, nákipaikapa. Eta náimaira'i eta mákipaisirawa'i, náimijachaipapuka tépena'i, nachururupaikapa nákijikayare'i te tachachaku eta awasare.

Hechos 14:2

Wá'isera téjiakawana ena apamuriana juriyuana masuapajiraira'ana'i, nayurukawakapa ena apamuriana achaneana apawasana'i, nawara'apa náimikaticha ena té'ikanaipa ema Viya.

Hechos 17:13

Nasamairikawarepasera ena israelítana tikawasana'i te Tesalónica eta makametarairuipa'iwa ema Pablo eta te Berea. Enewanepa tiyanana nakapayaka. Te títekapanapa, náimiyusemakawarepa ena achaneana.

Hechos 17:6

Eta namaichimavira'i ema Pablo émapa ema Silas, nakaratakapa ema Jasón énapa ena apamuriana machamuriana. Nachururupaikawakapaipa'i eta námirapa'i te namira'u ena tuparairukana'i. Tipiarakanapa: –¡Títekapaucha'aviana'i ena nani achanetatajiana. Najararekapa'i eta viye'erepiana, na'apapika'iware eta napanereruana ena vijaneanana,

Hechos 17:7

ena majakapakeneana'i ema Jasón te mapena! ¡Namutu ena nani nakaeka'i'i ema viye'e emperador, náepuruware eta mawanairipiana. Náimijacha'i marari'i ema apana rey tikaijare'i Jesús!

Hechos 17:9

Tájinasera apanaina'ini náicharaka'ini, nayaseakapa nanakika eta prenda eta náuchusirayare ema Jasón énapa ena machamuriana.

Hechos 18:12

Étasera jena sácheana matupi'aira'i ema tuparairuka Galión, akenuka'i ema taye'e eta Corinto tinapaika te Acaya, taka'e tikurujikakanapa ena juriyuana nakaratakapa ema Pablo, námapa te mamira'u ema akenuka, nametauchayare'i

Hechos 19:40

Tíñe'ikare eta juka íchakene'i, náimijachaipa ena achaneana vícha'i eta revolución puiti jena sache. Tijurikati, tiyasereka'avianaya eta táicharakawa'i eta juka.” Te tamutupa eta máchejisira'i, mawanekapa téjanerekana ena achaneana.

Hechos 7:9

“Ena machichanaveana ema Jacob, éna'i ena viáchukanaveanaini'i, nakapinarupa ema naparape José, tási'a náijararekapa, apaesa nama'ini te Egipto, émasera ema Viya majaneaka'i ema José,

Romanos 16:21

Téchejika'e ema Timoteo, ema nuchamuri'i eta vikaemataneasira'i ema Viákenu. Énapa ena nujaneanana, ema Lucio, ema Jasón, émapa ema Sosípater.

1 Corintios 3:3

Taicha eti wicha'a támutu'ini ínajika'ini eta tajamurachakeneana eta iáke'eana! Taicha ekapinarujirikakaicha'a, ekatianajirikakaicha'a, íputsimuriajirikakaicha'a, eta epanereruana ekutiricha'a eta napanereruana'i ena apamuriana achaneana masuapajiraira'anaicha'a.

2 Corintios 11:26

Ichapemuri eta nupaisirana'i. Níma'aware eta táiñe'ikarewa'i eta tamurakawa tajunapira'i eta ichape une étapa te kajakureana. Nupikakawa'iware naicha ena tiámera'iana. Tipanereuchanuanapa'i tikapakanuana ena nujaneanana, énapa ena apawasana. Tamutu'i náemauchianupa'i te awasare, té'epa te wáma'i, étapa te jákani nupaisirana te pakure. Éneichuware témauchanuana ena tímijachawana'i nuchamuriana.

Gálatas 5:21

Tikapinarukakanapa, tikapa'ianapa. Tikawa'arasianaware, piéstamareana, tamutuchucha naicha eta tájiparakana, puiti numetaka'eware nápechawa, takuti'i eta numetasira'e'i kape juka viásinekene'i, wa'i títujikawanaima'i tisiapana te máwasa ema Viya ena tíchana'i eta juka tamaurikeneana'i.

Gálatas 5:26

Waipa táurika'ini ekasiñawawaika'ini ekapinarujirikaka'ipukaini, wá'isera etanukaima'i eta semanere maye'e mákani echamuri.

1 Tesalonicenses 1:6

Jé'esare puiti, étijiwapa eta épanirawa'i é'ika'avi eta viúriwa'i víti, vikutiyare eta máuriwa ema Viákenu. Ekátajiwanuma'i ichape taicha eta ejakapira'i eta vimetarapiana. Iúrisamure'isera maicha ema Machanewa Viya.

Santiago 4:5

Eti ímijachaipapuka táepiyewa'i eta táechejiriruwa'i eta Takapika'ukene Ajureka. Ani taka'e'i: “Eta máwa'asira'avi'i ema Machanewa Viya, téñama'avi'ipa wa'i vi'apasamurechaima'i taye'e eta tamaurikeneana.”