Hechos 17:4 - Táurinakene máechejiriruwa’i ema Viya tikaijare

⁴ Enananajiwaka ena tinerejikawana'i ena achaneana tisuapana'i, náurujiaka'i ema Pablo émapa ema Silas. Kamurianaware ena griegoana té'ikana'i ema Viya. Éneichuware ena esenana nayenana ena tikapika'ukeneana'i te awasare.

Ignaciano

⁴ Tacahe, tinere­ji­ca­vanahi ena achaneana. Natiarihi ena tisuapanahi, náurujiacahi ema Pablo émapa ema Silas. Camuria­navare ena griégoana apava­sanana tipicau­chanahi ema Viya, téhica­na­hivare. Éneri­chuvare ena esenana nayenana ena táiyarahana eta avasare tinere­ji­ca­va­na­hivare ena téhicanahi.

Hechos 17:4 ပူးပေါင်းရင်းမြစ်များ

San Juan 7:35

Taka'e, ena tikatianakana'i tiyaserejirikakanapa: –¿Távi'apapuka makáiju'enapa eta waipa virata'aima'i vikapayakaima'i víti? ¿Mawara'apuka tiyanayare, makapayakaya ena vijaneanana israelítana tiávi'ana'i te tayere'ikene. Mawara'apuka máimitukayare ena apawasana?

Hechos 13:43

Taka'e titawapa eta naurujisirawa'i eta te peti naurujisirarewa ena juriyuana, kamuriana ena juriyuana té'ikanaini'i eta naye'erepianaini, namutu ena nae'ikapa ema Pablo emapa ema Bernabé, enasera naechejirikapa eta naetumechirawaina eta nae'isira'i najakapira'i eta maemunasira'i ema Viya.

Hechos 13:50

Narari'i'isera ena tikatianakana'i ema Pablo émapa ema Bernabé, israelitana'i ena, taka'e, náimitukapa ena tuparairukana te awasare, énapa ena esenana tikapika'ukareana'i, té'ikana'i eta naye'erepiana, énerichuware napamikapa ena achaneana, nawaraira'i nákijikaya taye'e eta awasare ema Pablo emapa ema Bernaé, nakuchukawakapa ena apinana.

Hechos 14:1

Taka'e, títekapanapa ema Pablo émapa ema Bernabé eta te awasare tikaijare Iconio. Tiyananaware natupiru eta te peti náurujisirarewa ena juriyuana. Tikámetarairuanawarepa, taka'e, kamurianaware ena achaneana tisuapana'i eta nametarairu'i, ena israelítana énapa ena apawasana.

Hechos 14:4

Tási'a, típutsimuri'awanapa ena achaneana tikawasana'i taye'e, ena apamuriana náe'ikapa ena israelítana masuapajiraira'ana, ena apamuriana náe'ikapa ena apústuleana.

Hechos 15:22

Ena apústuleana, tási'a énapa ena náiyara'ana, namutu ena náumuriwana, tiúri'i nasama eta mapanereru'i ema Santiago. Taka'e, tikawana'ianapa ena apinana téchemara'iana tikapika'uana'i, ema Judas, ema naimijarecha'iware Barsabás, émapa ema Silas, ena té'ikanayare'i ema Pablo émapa ema Bernabé, eta nachaviraya te Antioquía,

Hechos 15:27

Taka'e viwaneka'i ema Judas emapa ema Silas: enakeneyare techejirikawanayare eye'e eti ena timetaka'eanayare tamutu eta juka techakareana.

Hechos 15:32

Nanasipanapa jena kájeana'i ema Judas émapa ema Silas, ena, énerichuware profetana'i naituka'iware, eta máechejiriruwa ema Viya. Tiúri'i eta náimitusirawaka'i ena nachamuriana, naechejirikawakapa, náetumesamurechawakaine'i náicha.

Hechos 15:40

taka'e, ema Pablo mapanerechapa mámayare ema Silas, te tétupirikawanapa, nayujarauchanumapa ena nachamuriana, nayaseakapa ema Viya eta máimikatasirainapa'i eta napaisiraya, tikametawanapa tiyananapa.

Hechos 16:3

Taka'e, ema Pablo mawara'apa mámayare ema Timoteo eta napaisiraya, taka'e, mawanekapa naikutiarachanuma apaesa takuija nakukayema ena israelítana tikawasana'i taye'e eta napaisi'ayare, taicha náimati'i ema eta machichaira'i ema apawasana'i.

Hechos 17:10

Te jena yátikene'i, ena nachamuriana nakuchukapa ema Pablo émapa ema Silas taye'e eta awasare. Tiyananapa nakaiju'e eta awasare Berea. Te títekapanapa ánaki, tiyananaware taye'e eta peti náurujisirarewa ena juriyuana.

Hechos 17:12

Jé'esareine'i, kamuriana ena tisuapana'i. Kamurianaware ena apawasana tisuapana'i. Te namuri, natiari'iware ena esenana tikapika'ukeneana'i, énapa ena ajairana.

Hechos 17:14

Énasera ena machamuriana ema Pablo enewanepa náewataka ema te tachausi eta ichapeama une. Nanasipasera te Berea ema Silas, ema Timoteo.

Hechos 17:17

Taka'e, tamutu sáwaruana, tiyana eta te peti náurujisirarewa ena juriyuana. Máechejisi'a'i eta tiúrina echéjirirukawa naye'e ena, énapa ena apawasana griego tipikauchana'i ema Viya. Tamutuware sache máechejisi'a'i ema te plaza naye'e ena achaneana natiari'ikeneana'i.

Hechos 17:34

Natiari'isera ena apamuriana nasuapa'i, náe'ikapa eta mametarapi ema Pablo. Matiari'i ema Dionisio táiyara'a eta naye'e cabildo, ésupa esu esena tikaijaru Dámaris, tási'a énapa ena apamuriana'i.

Hechos 18:4

Tási'a, tamutu sáwaruana ema Pablo tiyana'i taye'e eta peti náurujisirarewa ena juriyuana, maechejirikawaka'i ena achaneana, makajimuyaka'i eta nasamureana ena israelítana énapa ena apawasana.

Hechos 19:10

Apina añu eta máimituresira'i, eta maechejiriruwa ema Jesús. Taka'e'i eta máechejiriruwa ema, naye'e ena achaneana tikawasana'i eta te awasarechichana táunawana'i eta Efeso, tinápaika eta Asia. Tási'a, nasamairíkapa, ena israelítana énapa ena griegoana eta maechejiriruwa ema Viakenu Jesús.

Hechos 2:44

Namutu ena tisuapajira'iana tiúrujikawanaparaka'i tikajikakana'i eta náima'akeneana.

Hechos 21:28

Tipiararekanapa: “¡Israelitana, ímikataka'avi! Émara ema maka achane tipaika'i tamutu awasareana, tímiturekapa'i naye'e ena achaneana eta macontrachira'i eta viáwasa. Éneichuware makatianaka'i eta maye'erepi ema Moisés, étapa eta juka viye'e templo. Puiti makasiapaware te juka templo ena apawasana. Majararekapa eta juka takapika'ukene'i.”

Hechos 28:24

Natiari'i ena apamuriana nasuapa eta makayemakeneana'i ema Pablo, natiari'isera ena apamuriana wa'i nasuapa'ini.

Hechos 4:23

Eta náuchukuiraipa ema Pedro émapa ema Juan, tiyananapa eta te návi'a'i ena nachamuriana. Nametakapa tamutu eta nakatianasira'i ena tuparairukana.

2 Corintios 8:5

Ena, náetaviucha'i eta nawapinairawa'i, tínapukapa tinakikawana'i eta nakaemataneasira'i ema Viya, nawaraira'i nakurisamurecha ema, tási'a, étapa eta náikure'i ena vichamuriana.