Hechos 17:3 - Táurinakene máechejiriruwa’i ema Viya tikaijare

³ Manetakawaka'i ema Cristo, eta maepenirayare'i, tási'a te taekenepa eta maepeniraya, techepukayarepa te maekari. Ánipa máichawaka'i: –Émaichu ema maka Jesús numetaru'e'i eti, émara ema Cristo.

Ignaciano

³ Manere­ji­capahi eta te Sagrada Escritura eta máechaji­cu­repahi. Máimitu­ca­vacahi eta máitesi­raipahi ema Cristo. Ánipa máichavacahi: —Tiyerehi eta vicucha­pirahi eta máimere­si­ra­vayare ema Cristo eta viyehe viti israelítana. Tímitu­ca­havihi eta Sagrada Escritura eta macata­ji­vai­ra­yarehi, nacapa­ca­yarehi. Émasera téchepu­ca­yarehi te máecari. Puiti numetacahe: Nímatipa ema Jesús Nazareno, ema nacaparuhi. Téchepu­caipahi éma. Eta juca tímicae­che­rachahi émahi ema Cristo —máichapa.

Hechos 17:3 ပူးပေါင်းရင်းမြစ်များ

San Lucas 24:32

Tésenijirikakanapa énajikaka: –¿Tája'a takayema eta wa'i vímatiwane'ini ichakene te achene? Véjapusamurechapaipa'ineni eta visamirawa'i eta máimitusira'avipa'i taye'e eta Ajureka Takapika'ukene.

San Lucas 24:44

Tási'a, maichawakapa: –Eta juka níchawakenewa'i, étara eta numetaru'e'i kape juka nukachanera'éicha'a. Eta taka'eyare'i eta táitauchirawayare'i eta májuchakeneana'i ema víyara'aini Moisés nuti táechejisi'akene'i. Étapa eta nájuchakeneana'iware ena profetanaini, étapa eta Salmo.

San Lucas 24:46

Tási'a, máichawakapa: –Étara eta juka takajukene'i, eta maepenirayare'i ema Cristo. Tási'a téchepukayare'i te maékari te mapanakenenapa sache,

San Juan 20:9

Ena wicha'a'isera nakaikutiara'ini eta táechejiriruwa'i eta Ajureka, eta máechepusirayare'i ema Viákenu.

Hechos 1:4

Makáchanewakaicha'a'i ena apústuleana ema Jesús, mametakawakapa, eta wa'i nakújunika'ini eta Jerusalén. Máichawakapa: –Ekuchapayare eta táitauchirawayare eta máijararuwa'i ema Vikaiyakene. Étaipa eta juka numetarapiana'i.

Hechos 18:28

taka'e te namira'u namutu máimituka'iware ena juriyuana, máiminekapaekene'awaka'i taye'e eta Takapika'ukene Ajureka ema Jesús éma'i ema Cristo.

Hechos 18:5

Te titekapanapa ema Silas, tási'a émapa ema Timoteo, nasi'apa'i te Macedonia, ema Pablo tépanawapa tikametarairu'i eta máechejiriruwa ema Viya, mawara'apa makajimuyakawakaya ena israelítana ema Jesús émaira'i Cristo ema nakuchapakene'i.

Hechos 3:18

Étasera taka'eyare'i eta juka taicha máechejiriruwaichu'i ema Viya nametakasiwa'i ena profetana eta makatajiwairayare'i ema Cristo.

Hechos 9:22

Émasera ema Saulo tiápajukawapanapa eta máitusira tikametarairu, máimereka'i naye'e ena tikawasana'i taye'e eta awasare Damasco eta yátupikenera'i ema Jesús émaira'i ema Cristo, ema nakuchapakene'i.

Gálatas 3:1

¡Páure'echapukaini, eti nuparapenaveana gálatanas! ¿Naja'asika ena tinaka'eana'i? Eta vikametarairuira'i vimikacherachina'e'i apaesa eti ákaikutiara'ini eta taichararakawa'i eta maepenira'i makaetataira'i te crusu ema Viákenu Jesucristo.