Hechos 17:2 - Táurinakene máechejiriruwa’i ema Viya tikaijare

² Eta maye'erepi'i ema Pablo, matupiru te peti náurujisirarewa ena juriyuana, mapana sáwaru eta makametarairuira'i naye'e ena achaneana.

Ignaciano

² Eta mayehe­repihi ema Pablo, matupiru te náuruji­si­rareva. Mapana sávaru eta macame­ta­rai­ruirahi nayehe ena achaneana.

Hechos 17:2 ပူးပေါင်းရင်းမြစ်များ

San Mateo 26:24

Ema Machicha ema Ajaira, títauchawayare'i maye'e eta táechejiriruwa'i eta Ajureka, ¡páuresamisera ema tíjararekanuyare! Tiúripanaichu'ini wa'i makuchuka'ini te suju'e esu máena.

San Lucas 4:16

Ema Jesús tiyanapa te Nazaret, te jena awasare majurusine'i. Jena sache sáwarumu'u, tisiapapa te peti náurujisirarewa ena juriyuana, taicha taka'e'i eta maye'erepi'i, tási'a titupi'apa ema, eta maéchejiku'ayare'i eta Ajureka.

San Juan 18:20

Ema Jesús majikapapa: –Nuti wa'i nuyumurukawa'ini eta nímituresira'i. Nímerekawa'i te namuri namutu ena achaneana te viúrujisirarewana, étapa te templo, eta nímituresirareana'i.

Hechos 13:14

Ena, tiánuku'anapa nakaiju'epa te awasare Antioquía ichipichu, te tinapaika eta Pisidia. Te jena sache, sáwarumu'u'i, tisiapanapa ena te peti náurujisirarewa ena juriyuana. Tasi'a téjakanapa.

Hechos 13:5

Te títekapanapa te puerto tikaijare Salamina, tiyananapa eta te peti náurujisirarewana ena juriyuana. Tikametarairuanapa eta máechejiriruwa ema Viya. Mae'ikawakapa'i ema Juan Marcos.

Hechos 14:1

Taka'e, títekapanapa ema Pablo émapa ema Bernabé eta te awasare tikaijare Iconio. Tiyananaware natupiru eta te peti náurujisirarewa ena juriyuana. Tikámetarairuanawarepa, taka'e, kamurianaware ena achaneana tisuapana'i eta nametarairu'i, ena israelítana énapa ena apawasana.

Hechos 17:10

Te jena yátikene'i, ena nachamuriana nakuchukapa ema Pablo émapa ema Silas taye'e eta awasare. Tiyananapa nakaiju'e eta awasare Berea. Te títekapanapa ánaki, tiyananaware taye'e eta peti náurujisirarewa ena juriyuana.

Hechos 17:17

Taka'e, tamutu sáwaruana, tiyana eta te peti náurujisirarewa ena juriyuana. Máechejisi'a'i eta tiúrina echéjirirukawa naye'e ena, énapa ena apawasana griego tipikauchana'i ema Viya. Tamutuware sache máechejisi'a'i ema te plaza naye'e ena achaneana natiari'ikeneana'i.

Hechos 18:4

Tási'a, tamutu sáwaruana ema Pablo tiyana'i taye'e eta peti náurujisirarewa ena juriyuana, maechejirikawaka'i ena achaneana, makajimuyaka'i eta nasamureana ena israelítana énapa ena apawasana.

Hechos 19:8

Tamutu'i sáwaruana tiyana ema Pablo te peti náurujisirarewa ena juriyuana. Mapana kaje tikametarairu naye'e ena achaneana. Wa'i mapikakarakawa'ini eta makametarairuira'i. Maechejikawaka'i ena achaneana, eta mawasa ema Viya akenuka te anuma.

Hechos 24:25

Eta máechejirisirawa'i ema Pablo, mametakapa eta maitaresira wa'i maichaima'i eta tamaurikeneana etapa eta nakaikuñairaya ena masuapajiraira'ana te apana naitaresira, taka'e ema Félix tiáramekaine'i maichapa: –Puiti'ichu piyana. Nimichu'avine te nitujikawa.

Hechos 28:23

Taka'e, náijarechapa eta sache máechejisiraya, te jena sache, títekapanapa ena kamurikeneana israelítana taye'e eta máitekapi'a'i ema Pablo. Tépanawapa te jena yátikara'i téchejika'i, tiámainukawa te kapere'ichichapa títapirikapa eta makametarairuira'i eta mawasa ema Viya akenuka te anuma, máimive'apikapa'i eta máechejikuirapa'i eta Takapika'ukene Ajureka. Máimitukawaka'i ena eta náimatiraya ema Jesús eta émaira'i ema nakuchapakene'i.

Hechos 8:35

Taka'e, ema Felipe tépanawapa mametaka'i ema táechejisi'a ema Jesús, ema nakuchapakene'i.

Hechos 9:20

Taka'e, tépanawapa tikametarairu ema Saulo te peti náurujisirarewa ena juriyuana, máechejisi'apa ema Jesús émaira'i Machicha ema Viya.

1 Corintios 15:3

Échaichu'i eta nímiturapiana'i eye'e, étaichu'iware taka'e'i eta nímitukasiwa'i, eta júkana eta tisuapakarepana'i, yátupira'i máepenina'avi'i ema Cristo táichavene'i eta vipekaturana, émaira'i ema táechejisi'akene'i eta Takapika'ukene Ajureka;