Hechos 16:9 - Táurinakene máechejiriruwa’i ema Viya tikaijare

⁹ Te jena yati, máima'apa ema Pablo te mawapure ema achane tikawasa'i te tinapaika te Macedonia. Titupi'apaji eta máechejisira'i: “Piánueka te juka Macedonia Pímikatapana'avi.”

Ignaciano

⁹ Te jena yati, máimahapa ema Pablo te mavapure ema émana achane ticavasahi te tinapaica te Macedonia. Titupi­hahiji éma. Máichapaji eta máechaji­sirahi: —Picata­ji­cahavi, piánueca te juca viávihahi Macedonia. Pímica­ta­pa­nahavi —máichapaji.

Hechos 16:9 ပူးပေါင်းရင်းမြစ်များ

Hechos 10:3

Te jena sache las tréskenepa kapere'i, ema Cornelio, tíja'uchawapa kaimairurujipa: Máima'apa ema ángele mawaneru'i ema Viya. Másiapauchapa te mavi'a'i ema, máichapa: “¡Cornelio!”

Hechos 10:30

Ema Cornelio majikapapa: –Kuatropa sache eta juka níma'akene'i. Te jena kapere'i, las tréspapuka sache, nuti nunasikene'i te juka nupena. Níjima'i, nuyujaraka'iware. Tímerekawa ema achane, tijanunuka eta mamuiri'a.

Hechos 16:10

Eta máimaira'i ema Pablo te mawapure, enewanepa vétupirikawapa eta viyaniraya taye'e eta Macedonia, taicha vémeteaka'i eta mawaraira'i ema Viya eta viyaniraya eta ánaki, vikametarairuirayare.

Hechos 16:12

Viyanapa te awasare Filipos. Eta juka awasare nawapairu'i ena rumanuana. Eta ichapepana'iware taye'e eta awasarechichana, tinapaika'i te Macedonia. Te Filipos vinasipanapa jena sácheana.

Hechos 18:5

Te titekapanapa ema Silas, tási'a émapa ema Timoteo, nasi'apa'i te Macedonia, ema Pablo tépanawapa tikametarairu'i eta máechejiriruwa ema Viya, mawara'apa makajimuyakawakaya ena israelítana ema Jesús émaira'i Cristo ema nakuchapakene'i.

Hechos 19:21

Te táekenepa eta juka, ema Pablo mawara'apa maejirapanaya eta Macedonia etapa eta Acaya, timiyanawayarepa eta mapaisiraya titekapayare taye'e eta Jerusalén. Taka'e maka'ewarepa te nasi'apa te Jesusalén takamunu'i nuyanayarewa taye'e eta Roma.

Hechos 19:22

Taka'e, máewatakawakapa náinapuka ena apinana machamuriana ema Timoteo émapa ema Erasto, tiyananapa taye'e eta Macedonia, émasera manasipanaricha'a taye'e eta Asia.

Hechos 19:29

Taka'e, tisemamurianapa ena achaneana, apanapa eta napanerecha. Natiari'i ema Gayo émapa ema Aristarco, machamuri ema Pablo. Taka'e, ena achaneana nakaratakapa nachururupairikapa ena nani apinana. Námapa taye'e eta náurujisirarewa.

Hechos 20:1

Taka'e, te táekenepa eta jákani sácheana, ema Pablo máichu'awakapa ena machamuriana, maechejimuri'awakapa ena, tási'a, tikametawapa naye'e. Tiyanapa tiánueka te Macedonia.

Hechos 20:3

ánaki manasipanapa, mapana kaje eta mávi'aira'i. Tási'a, mapanerechaipa eta mánuesirayare máe'ikayare'i eta ichape pakure, makaiju'erayare'i te Siria, étasera te máechapa eta nawaraira'i nakapaka ena israelítana, tékekawapa eta mapanereru. Tiyanapa tipaika tichawapa.

Hechos 27:2

Viáwaku'apa te ichape pakure tiási'a'i te anuereku Adramitio. Tiyanayare'i te apanaware anuereku te Asia. Té'ika'avipa'i ema Aristarco tikawasa'i te Tesalónica, tinapaika te Macedonia.

Hechos 9:38

Eta Jope tachakayaichu'i eta apana awasare Lida, eta mávi'a'i ema Pedro. Náechaipa'i eta matiari'ira'i ema Pedro te Lida. Taka'e, nawanekapa ena apinana ajairana, náichu'apanayare ema. Te náitekapauchapa, náichapa: “Viwara'a viámavi puíti'ichu ánaki te Jope.”

Romanos 15:26

Taicha ena vichamuriana te Macedonia, énapa tikawasana'i te juka Acaya, tinakikikawana'i eta náimikatasi'aya ena apamuriana vichamuriana páureana tikawasana'i te Jerusalén.

2 Corintios 11:9

Tási'a, te níta'apa eta plata, wá'iware nuyaseaka'e'ini eta nunikakene. Taicha ena vichamuriana tikawasana'i te Macedonia náimiamareka'i eta nukamunukeneana'i. Taka'e, nujaneakawa'i, wa'i nuyaseaka'e'ini eti.

2 Corintios 12:7

tétavikawa'i eta tiáramikare eta níma'akeneana te anuma. Tási'a, ema Viya wa'i máwara'aima'i nukasiñawawaika'ini eta nímaira'i, máisapa'i ema wínarajikene tékajumachanu'i, kúti'ine tatiari'ina'ini itape tayuwaraka te neche, taicha ema Viya mawara'a wa'i nukuwayuchawa eta nukunachakarewaina.

2 Corintios 7:5

Étaipa te nítekapapa taye'e eta Macedonia, tájina nunarasiraina'ini, ichape eta nukatajiwaira'i naicha ena tikatianakanuana'i, ichapeine'iware eta néñamirawa'i eta eye'e.

2 Corintios 8:1

Tiuri puiti, nuparapenaveana, viwara'a vimetaka'e eta nanakisirawa'i ichape ena apamuriana vichamuriana tikawasana'i te awasareana tinapaika te juka Macedonia ena, nasuapawanepa eta manakasamurechira'i ema Viya eta nakajirisirayare'i.

2 Corintios 9:2

Ichapemuri'i eta nukunachira'e'i naye'e ena vichamuriana tikawasana'i te juka Macedonia. Numetakawaka'i eta ewapinairawa'i eta épanirawa'i enakikawa kapekeneipa'i te apana'i añu. Taka'e, eta nasamairisira'i eta ewapinairawa'i eti, ena apanawa tiwapinawanawarepa ichape.

1 Tesalonicenses 4:10

Taicha nusamairirika'eipa eta émunaraiwa'i naye'e ena echamuriana títekapaucha'eana'i tiási'ana'i te táunawana'i eta iáwasa Macedonia. Nuparapenaveana, puiti vituparaka'echa iápajukawayare eti eta émunaraiwaya.