Hechos 16:1 - Táurinakene máechejiriruwa’i ema Viya tikaijare

¹ Taka'e, ema Pablo émapa ema Silas náejirawakapaipa ena nachamuriana tikawasana'i te Derbe, tási'a, tiánuku'anawarepa te Listra, anaki matiari'i'i ema Timoteo, suchicha esu ésuna esena israelita, té'ika'iware ema Jesús. Émasera ema maiya, apawasana'i griego'i, ema maka Timoteo émaichuware té'ika'i ema Jesús.

Ignaciano

¹ Tacahe, ema Pablo émapa ema Silas náejira­va­capaipa ena nachamuriana ticava­sanahi te Derbe. Tásiha, tiánucu­ha­na­varepa te Listra. Ánaqui te Listra matiarihihi ema Timoteo, suchicha esu ésuna esena israelíta, téhica­hivare ema Jesús. Émasera ema maiya, apava­sanahi griego éma. Ema maca Timoteo émari­chuvare téhicahi ema Jesús.

Hechos 16:1 ပူးပေါင်းရင်းမြစ်များ

Hechos 14:1

Taka'e, títekapanapa ema Pablo émapa ema Bernabé eta te awasare tikaijare Iconio. Tiyananaware natupiru eta te peti náurujisirarewa ena juriyuana. Tikámetarairuanawarepa, taka'e, kamurianaware ena achaneana tisuapana'i eta nametarairu'i, ena israelítana énapa ena apawasana.

Hechos 14:21

Taka'e te titawanapa eta nakametarairuira'i eta tiurina maechejiriruwa taye'e eta awasare Derbe, kamuriana ena tisuapana'i té'ikana'i ema Jesús, te tamutupa eta náimitusirawaka'i, tiyananawarepa tichawanapaipa eta te awasareana Listra, te Iconio, étapa te Antioquía.

Hechos 14:6

Émasera ema Pablo émapa ema Bernabé, te nasamairikapa, tijunanapa nakaiju'epa taye'e eta awasare Listra, étapa te awasareana Derbe, eta te provincia tikaijare Licaonia.

Hechos 17:14

Énasera ena machamuriana ema Pablo enewanepa náewataka ema te tachausi eta ichapeama une. Nanasipasera te Berea ema Silas, ema Timoteo.

Hechos 18:5

Te titekapanapa ema Silas, tási'a émapa ema Timoteo, nasi'apa'i te Macedonia, ema Pablo tépanawapa tikametarairu'i eta máechejiriruwa ema Viya, mawara'apa makajimuyakawakaya ena israelítana ema Jesús émaira'i Cristo ema nakuchapakene'i.

Hechos 19:22

Taka'e, máewatakawakapa náinapuka ena apinana machamuriana ema Timoteo émapa ema Erasto, tiyananapa taye'e eta Macedonia, émasera manasipanaricha'a taye'e eta Asia.

Romanos 16:21

Téchejika'e ema Timoteo, ema nuchamuri'i eta vikaemataneasira'i ema Viákenu. Énapa ena nujaneanana, ema Lucio, ema Jasón, émapa ema Sosípater.

1 Corintios 16:10

Nutuparaka'eya, te máitekapaucha'epa ema Timoteo, tauri eta ejakapiraina. Échapajirisinanuyare, taicha émaichu'i nukutikene'i eta vikaemataneasira'i ema Viákenu.

1 Corintios 4:17

Eta taka'e, néwatakayare eta ara eye'e ema némunarukene nuchicha Timoteo títaura'i eta makaemataneasira'i ema Viákenu. Ema, temecha'eyare, eta takayemakeneana eta nímiturapiana eta vé'isira'i ema Cristo. Táurikene'i eta máimiturapiana taicha étaichu'i eta nímiturapi'i naye'e ena vichamuriana te jákani nupaisineanapa'i.

1 Corintios 7:14

Taicha ema suima, ichape eta majapanukarewa me Viya, táichavene'i eta sukaimaira'i esu mayena. Éneichuware esu esena mayena'i ema vichamuri, ichape eta sujapanukarewa me Viya, táichavene'i eta mayenaira'i ema achane vichamuri. Énaipa ena nachichanaveana majapanu'iware ema Viya náichavene'i ena tikachichana, waipa náepurukare'ini me Viya.

2 Corintios 1:1

Nuti Pablo, maye'enu'i apústule ema Jesucristo, manerejirunuichu'i ema Tata Vikaiyakene, mawaraira'i nímitukaya ena achaneana eta máechejiriruwana ema, puiti juka najure, nápechawa nukajure'e nuti, émapa ema viparape Timoteo, véchejika'e'i emutu eti machanerana'i ema Viya ekawasana'i taye'e eta awasare Corinto, énapa namutu ena vichamuriana'i machanerana'iware ema Viya tikawasana'i te awasareana taye'e eta tinapaika Acaya.

2 Corintios 1:19

Taicha kape juka, te nimituka'epa nuti, émapa ema Silwano, ema Timoteo, vímimaticha'e'i ema Jesucristo, Machichakene'i ema Viya. Puiti ímatipa ema, tájinakene'i mawayuaraiwaina ema,

Filipenses 1:1

Nuti Pablo émapa ema Timoteo, mawanara'avi'i ema Viákenu Jesucristo, vímiamareka puiti eta juka viajure eye'e emutu eti vichamuriana'i, ekawasana'i te Filipos, énaipa ena najupa'ana. Taicha eti machanerana'i ema Viya, eti itati'i ema Jesucristo.

Filipenses 2:19

Nupanerecha'i néwatakayareni ema Timoteo eta ara eye'e, máima'apana'e apaesa núrisamurepaini eta nusamairisira'eya te machawapa máima'a'avirinesera ema Viákenu Jesús eta vítujisirawaya.

Colosenses 1:1

Nuti Pablo, maye'enu'i apústule ema Jesucristo, taicha manerejirunuichu'i ema Tata Vikaiyakene, nawaraira'i nímitukaya eta náechejiriruwa ema Viya, nukachane ema nuparape Timoteo,

1 Tesalonicenses 1:1

Nuti Pablo, némechejirika'e eti nuchamuriana ekawasana'i te Tesalónica. Téchejika'e ema Silas, ema Timoteo. Vímiamareka'i eta juka viajure taicha eta iáwa'asiraipa ema Tata Vikaiyakene, táichavene eta é'isiraipa ema Viákenu Jesucristo. Nuwara'a makatajika'e'ini ema Tata Vikaiyakene, émapa ema Viakenu Jesucristo; náijaraka'e'ini eta táuriwaina eta epanereruana.

1 Tesalonicenses 3:2

tási'a vewatakapaini ema vichamuri Timoteo, máiteka máima'apana'e, émaichu'i mawanara ema Viya, émaichuware vikutikene'i eta vikaematanera'i eta máechejiriruwa ema Cristo. Nuwaneka'i tímikatapana'eyare témurakacha'eyare eta esuapajiraiwaina,

1 Tesalonicenses 3:6

Puítisera eta machaviraipa ema Timoteo, mási'aira'i eta ara eye'e, timetaka'avipa tájinaira'i íchirawaina'ini eta é'isira'i ema Viákenu Jesucristo, étapa eta émunasirakaka'i. Timetaka'aviware eta echarairisira'ávi'i émunasira'avi'i víti, ewaraira'i íja'uchawa'ini íma'a'avi, vikutikaka'i eta viwaraira'i víma'a'e víti.

2 Tesalonicenses 1:1

Nuti Pablo, némechejirika'e eti nuchamuriana ekawasana'i te Tesalónica. Téchejika'e ema Silas, émapa ema Timoteo. Vímiamareka'i eta juka viajure taicha eta iáwa'asiraipa ema Tata Vikaiyakene, táichavene eta é'isiraipa ema Viákenu Jesucristo.

1 Timoteo 1:18

Nuchicha Timoteo, nutuparakavicha muraka eta pirata'airaina pikanara eta tamaurikeneana, tiúriyare eta pé'isiraya ema Viya. Tájina píchirawaima'i te mamira'u ema Viya, péchawa'i eta náechejisiavira'i eta piúriwa'i ena vichamuriana mametaruana'i ema Machanewa Viya, wa'i pikuemepurureka.

1 Timoteo 1:2

nímiamareka eta juka najure piye'e piti nuparape Timoteo. Némunakavi'i tímikutijirikawa'i nuchichavina'ini. Nuwara'a makatajikavini majapanuvini ema Tata Vikaiyakene, émapa ema Viákenu Jesucristo. Náijarakavini eta táuriwaina eta pipanereruana.

2 Timoteo 1:2

puiti nápechawaware nukajurevi eta piye'e piti nuchicha Timoteo némunarukene. Nuwara'a makatajikavini majapanuvini ema Tata Vikaiyakene, émapa ema Viákenu Jesucristo. Náijarakavini eta táuriwaina eta pipanereruana.

2 Timoteo 1:5

Taicha némechawa'i yátupi'i eta pímiyanirawa'i pisuapa ema Viákenu. Pikápayayarakawakaine'i eta susuapira'i yátupi esu piátse Loida ésupa esu pena Eunice. Ichapeine'i pémechanu'i eta naye'e ena. Eta taka'e puiti, wa'i néñamawa'ini eta piye'e.

2 Timoteo 3:11

pécha'iware eta náichiranu'i ena achaneana, eta nukatajiwaira'i náicha, ichapemuri'i eta napanajirisiranu'i eta te awasareana Antioquía Ichipichu, te Iconio, étapa te Listra, émasera ema Viya tikatiuchanu'i taye'e eta juka náichiranuana'i.

Filemón 1:1

Nuti Pablo nukaerata'i taicha eta né'isira'i ema Jesucristo, puiti nukachane ema Timoteo eta vikajureravira'i piti Filemón, vichamurivi'i vémunaruvikene'i taye'e eta vématanerepiana'i

Hebreo 13:23

Numetaka'eware ema viparape Timoteo tiúchuku'aipa te makaerataiya'i. Te máitekapawanepuka ema, nukachaneyarepa'i te níteka eta ara eye'e. Nuwara'a'i níma'apana'e.