Hechos 15:7 - Táurinakene máechejiriruwa’i ema Viya tikaijare

⁷ Nakaemataneakaipa eta juka náechejisi'a'i. Taka'e ema Pedro, máichawakapa: –Nuparapenaveana, échaichu'i eti ánakiapaipa eta manerejisiranu'i ema Viya eta nukametarairuya eta naye'e ena apawasana eta náuchukuirayare'i táichavenena'i eta nasuapirayare ena apana.

Ignaciano

⁷ Nacaema­ta­nea­caripa eta juca náechaji­sihahi. Tacahe, titupihapa ema Pedro. Máichavacapa: —Nupara­pe­naveana, écharichuhi éti ánaquia­paripa eta manere­ji­si­ranuhi ema Viya eta nucame­ta­rairuya eta nayehe ena apava­sanana eta náuchucui­ra­yarehi táichave­nénahi eta nasuapi­rayare ena apana.

Hechos 15:7 ပူးပေါင်းရင်းမြစ်များ

San Juan 15:16

Wa'i étina'ini enerejikanu'ini eta é'isiranu'i, nuti nunerejika'e'i eti, puiti nutuparaka'e, eyanayare ichapemuriyare eta ekaemataneasiranuyare. Eta taka'e ema Tata tíjaraka'eyare tamutu eta eyasearuanayare te níjare.

San Juan 3:27

Tási'a, ema Juan majikapawakapa: –Wa'i ekueñamawa. Ema Viya, ema técha'i eta máijarasira'i eta máitukakene'i nákani manerejiruana. Németeaka ema tíjaraka'i ema Viya eta máitupajijiasirawa ema maka Jesús.

Hechos 1:16

“Nuparapenaveana, titauchawayare'i eta tametarapi'i eta Machanewa Viya, mamétakasi'i ema David, eta taechejisi'akene'i eta Ajureka, eta matiari'iraya ema Júlasi, ema tínapumirauchaya ena suntaruana te nakaratakayapa ema Jesús.

Hechos 1:24

Tási'a tiyujarakanapa, ánipa naka'e'i: “Tata, piti pímati eta visamureana vimutu viti, pímecha'avi nája'apuka ema tiuripa naye'e ena nani apinawa vinerejiruana'i

Hechos 10:19

Émasera ema Pedro manasi'icha'a tipanererekaicha'a taicha eta máima'akene'i eta makaimairurujiwa'i. Tási'a, ema Machanewa Viya máichapa: “Pima'a narari'i te juka ena mapanana ajairana titanukavianapa'i.

Hechos 10:20

Piyana píma'awaka ena, wa'i pikueñamawa eta pé'isirawakayare, taicha nuti nuwanekawaka'i ena.”

Hechos 13:2

eta jena sache, tiyujarakana'i, maye'e ema Viya, náicha'iware eta ayuna. Taka'e, máechejikawakapa ema Machanewa ema Viya. Máichapa: “Ema Bernabé émapa ema Saulo, natupara'aichu'i tikametarairuanaya taicha nunerejiruana'i ena.”

Hechos 15:14

Ema Simón Pedro timetaka'avipa te tépanawainapa majakapawakainapa ema Viya ena apawasana machaneranayare'i ema.

Hechos 15:2

Ema Pablo, émapa ema Bernabé tiakapaemachakakanapa muraka naye'e ena tipamikana'i ena apawasana, taka'e nawanekapa ema Pablo emapa ema Bernabé, natiari'iware ena apamuriana nanerejiruana'i tiyananayare'i eta te Jerusalén naechapanayare'i eta juka naye'e ena apústuleana, enapa ena tachutiri'ana techana'i eta templo te awasare.

Hechos 15:39

Nakaemataneakaipa eta mamawaraira'i mayana'ini ema Marcos. Taka'e, tínajikakanapa. Ema Bernabé tiyanapa, makachane'i ema Marcos, tiáwaku'anapa, nakaiju'eyarepa eta tiúrupu'i Chipre,

Hechos 20:24

Tájinasera wa'i nupikakawa, tayanapaneine népenapuka, wa'i néñama eta nítaresira. Nuwara'a nímiyanawaya eta núriwa'i maye'e ema Viya, nuwapinawa'i eta nítauchiraya eta nutuparakasiwa'i maye'e ema Viákenu Jesucristo. Taicha ema tituparakanu'i nukametarairuya eta máemunasira'avi'i ema Viya vimutu viti achaneana.

Hechos 21:16

Té'ika'avianapa ena vichamuriana tikawasana'i te Cesarea, té'ika'avipa'iware ema vichamuri tikaijare Mnasón, ánakiripa'i eta máe'isira'i ema Jesús, ema, máuchure'i eta te tiúrupu'i Chipre, tatiari'isera eta mapena te Jerusalén, eta vítekapi'ayare'i.

Hechos 3:18

Étasera taka'eyare'i eta juka taicha máechejiriruwaichu'i ema Viya nametakasiwa'i ena profetana eta makatajiwairayare'i ema Cristo.

Hechos 4:25

píti pimetaka'i ema víyara'aini David eta májukunachiraya eta taichakenevi'i eta Machanewa ema Viya: ‘Taja'a takayema emáchanenejikawakapa ena achaneana. ¿Taja'asika eta epanerecha'i eti máetupikushiana?

Hechos 9:15

Émasera ema Jesús máichapa: “Piyanachucha, taicha ema maka achane, nunerejiruichu'i, nuwanarayare'i ema, nuwanekayare makametarairu eta níjare naye'e ena achaneana apawasana te apanana awasareana étapa eta naye'e ena vijaneanana israelítana. Étapa naye'e ena ichapekeneana akenukana reyeana.

Filipenses 2:14

Te tatiari'inapuka jákani íchakeneanayare, wa'i ekuewataemachawaka, wá'iware ekuakapauchawa,