Hechos 15:4 - Táurinakene máechejiriruwa’i ema Viya tikaijare

⁴ Te titekapanapa te Jerusalén ema Pablo émapa ema Bernabé, ena apústuleana énapa ena náiyara'ana'i, nakurujikapa ena nachamuriana eta najakapiraya ena araitekapiana'i. Taka'e, ena nametakapa eta máimikatasirawakapa'i ema Viya eta napaisirapa'i ena.

Ignaciano

⁴ Tacahe, eta náiteca­pirahi eta te Jerusalén ema Pablo émapa ema Bernabé, ena apóstoleana énapa ena náiyara­hanahi pastoreanahi nacuru­jicapa ena nachamuriana eta najaca­piraya ena araite­ca­pianahi. Tacahe, ena apinana nametacapa eta máimica­ta­si­ra­va­capahi ema Viya eta napaisi­rapahi éna.

Hechos 15:4 ပူးပေါင်းရင်းမြစ်များ

San Mateo 10:40

“Mákani tijachapa'eanayare eti, nuti'i tijakapanuana'i, tási'a mákani tijakapanu'i nuti, najakapa'iware ema Tata.

Hechos 11:30

Taka'e, náimiamarekapa maye'e ema Bernabé émapa ema Saulo, náijarakayare'i ena náiyara'ana te judea.

Hechos 14:27

Eta náitekapiraipa, nakurujikapa ena nachamuriana, nametakapa tamutu eta máimikatasirawaka'i ema Viya taye'e eta napaisirapa'i, étapa eta najakapirawaka'i ema Viya ena apawasana eta nasuapirawaka'i nakasiñaira'i ema.

Hechos 15:12

Timatinanapa namutu, nasamararakaipa ema Bernabé, émapa ema Pablo. Nametamuri'apa eta máimechira'i ema Viya eta mawanesirawaka'i ena, taicha máijarakawaka'i eta náichira'i eta tiáramikareana te namira'u ena apawasana.

Hechos 15:2

Ema Pablo, émapa ema Bernabé tiakapaemachakakanapa muraka naye'e ena tipamikana'i ena apawasana, taka'e nawanekapa ema Pablo emapa ema Bernabé, natiari'iware ena apamuriana nanerejiruana'i tiyananayare'i eta te Jerusalén naechapanayare'i eta juka naye'e ena apústuleana, enapa ena tachutiri'ana techana'i eta templo te awasare.

Hechos 15:22

Ena apústuleana, tási'a énapa ena náiyara'ana, namutu ena náumuriwana, tiúri'i nasama eta mapanereru'i ema Santiago. Taka'e, tikawana'ianapa ena apinana téchemara'iana tikapika'uana'i, ema Judas, ema naimijarecha'iware Barsabás, émapa ema Silas, ena té'ikanayare'i ema Pablo émapa ema Bernabé, eta nachaviraya te Antioquía,

Hechos 15:3

Eta napaisirapa'i te achene, tétawajikanapaipa'i taye'e eta awasarechichana táunawana'i eta Siria, étapa te Samaria, návi'a'i ena apamuriana nachamuriana'i. Nametakapaipa eta náinajisira'i ena apawasana eta naye'erepianaini tamaurikeneana, taicha náe'ikaipa'i ema Viya. Taka'e, ena nachamuriana, eta nasamairisira'i eta juka, tiúrisamureanaine'i ena.

Hechos 15:6

Taka'e, tiúrujikawanapa ena apústuleana énapa ena náiyara'ana. Nawara'apa náetupirika eta juka.

Hechos 16:4

Taka'e, tiyananapa, náejirawakapaipa ena nachamuriana te tamutu awasareana. Nametakapa'i ena eta táechejiriruwapa'i eta ajureka náimiamareru'iware ena apústuleana énapa ena náiyara'ana tiávi'ana'i te Jerusalén.

Hechos 18:27

Manasipanapa ema Apolo, taka'e te mawara'apa tiyanayare'i te tinapaika te Acaya, ena machamuriana náimikatakapa, tikajureanapa naye'e ena nachamuriana'i taye'e eta awasareana makaiju'eyare'i, apaesa táuri eta najakapiraina. Te títekapapa ema taye'e eta Acaya, ichape eta máimikatasirawaka'i ena machamuriana, taicha ema Viya máijaraka'i eta máitupajijiasirawa'i,

Hechos 21:17

Te vítekapapa te Jerusalén, ena vichamuriana tiúrisamureanarine eta najakapira'avi'i.

Hechos 21:19

Taka'e, ema Pablo máechejikawakapa ena, mametakawakapa tamutu eta máimikatasirapa'i ema Viya, eta makametarairuirapa'i naye'e ena apawasana.

Romanos 15:18

Wá'isera nukasiñawaima'i, nukuneuchawaima'i taye'e eta jákani nakaemataneasirana'i ena apamuriana mawanarana. Nútisera nítaucha'i eta nukatupara'aira'i me Cristo eta nímimatichirawaka'i ena apawasana eta nasuapira'i ema Viya, náe'isirapaipa'i eta nímiturapi'i étapa eta núriwa'i eta naye'e.

Romanos 15:7

Taka'e nuparapenaveana, ejákapakakayare eti echamurikakana'i, apaesa makunachakare'i ema Viya naye'e namutu ena achaneana. Ekutiyare ema Viákenu Jesucristo eta majakapira'avi'i víti.

1 Corintios 15:10

Tíchu'anu'isera ema Viya, taicha eta máemunasiranusami'i apústulenu'i puiti eta maye'e, wa'isera némepururekawa'ini eta máemunasiranu'i. Jé'eware nuti, nukachurika'i ena apamuriana apústuleana, ichapemuripana'i eta nukaemataneasira'i ema, wa'isera nutijirikawa'ini eta nukaematanera'i, etasera eta máemunasiranu'i ema Viya, tímikatakanu'i, tíjarakanu'i eta nétumechirawa'i.

2 Corintios 5:19

Tási'a, ema Viya mawaneka ema Machicha Jesucristo, apaesa makaepa'ayare'i eta vipekaturana vimutu viti vikasiñawana eta maye'e. Tási'a, tájina eta vipikakarasirawaima'i eta víkuñaina'ini.

2 Corintios 6:1

Tási'a, viti mawanara'avi'i ema Viya, viyaseaka'eyare ímiyanawa tauri eta é'isira'i ema. Wa'i ekuemepurureka eta máemunasira'e'i, majakapira'e'iware.

Colosenses 4:10

Ema Aristarco, ema nukutikene'i eta nukaerataira'i. Téchejika'eware ema Marcos, ema macheji ema Bernabé. Eti échaipa eta máitesirayare eta ara eye'e ema Marcos. Te máitekapaucha'epa, tiúriyare eta ejakapirayare ema.

2 Juan 1:10

Te natiari'inapuka naitekapaucha'e eti te iúrujisirarewa, te'esera esama apanaina eta naimiturapiana wa'i ekujakapa te epenana wa'iware ekuechejika;