Hechos 15:2 - Táurinakene máechejiriruwa’i ema Viya tikaijare

² Ema Pablo, émapa ema Bernabé tiakapaemachakakanapa muraka naye'e ena tipamikana'i ena apawasana, taka'e nawanekapa ema Pablo emapa ema Bernabé, natiari'iware ena apamuriana nanerejiruana'i tiyananayare'i eta te Jerusalén naechapanayare'i eta juka naye'e ena apústuleana, enapa ena tachutiri'ana techana'i eta templo te awasare.

Ignaciano

^2-3 Émasera ema Pablo, émapa ema Bernabé nacapae­ma­cha­vacapa muraca ena tipami­canahi ena apava­sanana eta nacama­rcai­rahi. Ichape eta nacapae­ma­chi­ra­cacahi. Tacahe, ena nachamuriana navarahahi náetupirica eta juca. Tásiha, natupa­racapa ema Pablo émapa ema Bernabé, nayanahini eta te Jerusalén. Eta ánaqui, ticaecha­ca­si­yarehi nayehe ena apóstoleana énapa ena náiyara­hanahi. Náevata­cavare ena apamuriana téhica­na­ya­repahi ena apinana. Tacahe, eta napaisi­rapahi te achene, tétava­ji­ca­na­paipahi tayehe eta avasa­re­chichana táunavanahi eta Siria, étapa te Samaria, návihahi ena apamuriana nachamu­rianahi. Nameta­capaipa eta náinaji­sirahi ena apava­sanana eta nayehe­re­pianaini tamauri­queneana, taicha eta náehisiraipa ema Jesús. Tacahe, ena nachamuriana, eta nasamai­ri­ri­sirahi eta juca, tiúrisa­mu­rea­na­rinehi éna.

Hechos 15:2 ပူးပေါင်းရင်းမြစ်များ

Hechos 10:23

Taka'e, ema Pedro makasiapawakapa te taju'e, nanasipa jena yati. Maye'e ema Pedro, te apanapa sache, tiyananapa, náe'ikapa ema Pedro ena apamuriana machamuriana tikawasana'i te Jope.

Hechos 11:12

Taka'e ema Machanewa Viya tiwanekanupa né'ikawaka ena, taicha tájina táeñamawakare'ini, éneichuware té'ikanuanapa ena nani sáisikeneana vichamuriana, vimutu'i visiapa'i te mapena ema achane,

Hechos 11:30

Taka'e, náimiamarekapa maye'e ema Bernabé émapa ema Saulo, náijarakayare'i ena náiyara'ana te judea.

Hechos 15:25

Véwataka'i ema Judas émapa ema Silas, wanairukana'i viye'e, ena, timetaka'eanayare tamutu eta juka téchakareana'i viye'e, ena nani té'ikanapa'i ema Bernabé ema Pablo, ena viparapenaveana vémunarukeneana,

Hechos 15:27

Taka'e viwaneka'i ema Judas emapa ema Silas: enakeneyare techejirikawanayare eye'e eti ena timetaka'eanayare tamutu eta juka techakareana.

Hechos 15:4

Te titekapanapa te Jerusalén ema Pablo émapa ema Bernabé, ena apústuleana énapa ena náiyara'ana'i, nakurujikapa ena nachamuriana eta najakapiraya ena araitekapiana'i. Taka'e, ena nametakapa eta máimikatasirawakapa'i ema Viya eta napaisirapa'i ena.

Hechos 16:4

Taka'e, tiyananapa, náejirawakapaipa ena nachamuriana te tamutu awasareana. Nametakapa'i ena eta táechejiriruwapa'i eta ajureka náimiamareru'iware ena apústuleana énapa ena náiyara'ana tiávi'ana'i te Jerusalén.

Hechos 21:18

Te apanapa sache ema Pablo tiama'avipa, viúrujikawayare'i te mapena ema Santiago. Vichimapapa natiari'ipa namutu ena víyara'ana Tachutiri'ana.

1 Corintios 1:1

Nuti Pablo, maye'enu'i apústule ema Jesucristo, níchuarekasiwaichu'i maye'e, manerejirunuichu'i ema Tata Vikaiyakene, mawaraira'i nímitukaya eta náechejiriruwana ema. Puiti nukajure'e nuti émapa ema vichamuri Sóstenes,

2 Corintios 11:5

Nuti németeaka wa'i tikachurikanuanaima'i eta nukametarairuira, ena tímijachawana'i apústulekeneana tikametarairura'iana'i náichawa.

Gálatas 2:5

Tájinasera wa'i vísapawa'ini nakachuriaka'avi'ini, taicha víti viwara'a'i takuija'ini ta'apapika'e'ini eta é'isira'i eta Arairu maechejiriruwa ema Viya.

San Judas 1:3

Tiuri nuparapenaveana, ichape eta nuwaraira'i nukajure'e emutu eti taka'e eta viuchukuiraya te apana vitaresira vimutu viti, tási'a puiti nima'apá eta vikamunukeneana nuyaseaka'ewa ímiyanawa étumechawa eta esuapajiraiwaina eta mawanairipiana.